𝙄𝙩 𝙬𝙖𝙨 𝙟𝙪𝙨𝙩 𝙖..? | 𝐘.𝐣𝐰 | 𝗩𝗼𝗹.𝟮

°دووەم°

<< دوو ڕۆژ پێش ساڵی نوێ >>

دوو ڕۆژی ماوە کە بچنە نێو ساڵی نوێوە ، هەموو ماڵەکان و مۆڵەکان و هەموو شتێک
خۆییان ئامادە کردووە بۆ ساڵی نوێ ، هەمووان بە پەرۆشن بۆ ساڵی نوێ

هەروەها ئەمڕۆ ڕیوجین دەگەرێتەوە ، چانگبین و یووبین تەنها چاوەڕوانی زەنگی دەرگاکەن

یووبین بۆ کەمێک چووە دەستشۆر بەڵام کە هاتەوە بینی چانگبین مۆبایلەکەی ئەوی بە
دەستەوەیە و دەیپشکنێت، یووبین یەکسەر بەرەو چانگبین ڕایکرد و مۆبایلەکەی لێ وەرگرتەوە

یووبین: بەتەمایی چیبوویت؟ چانگبین بۆچی بەنێو مۆبایلەکەم دەگەڕێیت؟!

چانگبین: جۆنگۆون کێیە، بۆ خاتری خودا ، من پێم نەووتیت ئەوەندە زوو
بڕوا بە مرۆڤەکان مەکە؟

یووبین: کێشەی تۆ نییە! هەروەها جۆنگۆون پیاوێکی باشە

چانگبین: هەرگیز ئەو پیاوەت بە ڕووبەڕوو دیوە؟!

یووبین: هێشتان نا

چانگبین: بۆ خاتری خودا ، تۆ دەڵێیت کە ئەوەندە قسەت لەگەڵ کەسێک کردووە
کە ئەسڵەن نەتدیوە؟ یووبین گاڵتەم پێدەکەیت؟! ، بۆچی دەبێت کە تۆ ئەوەندە
متمانە بە کەسێک بکەیت؟ تۆ نازانیت لە پشتی مۆبایلەکەت چی دەگوزەرێ
کێ ناڵێت ئەو جۆنگۆون ناوە بکوژێک نییە؟ کێ ناڵێ کابرایەکی بەدکار نییە؟!

یووبین: بۆچی شتەکە زۆر بە جدی وەردەرگریت؟ ئەو تەنها هاوڕێمە ، و هیچ شتێکی تر
نییە ، ئەسڵەن تۆ بۆچی زۆر توڕەییت دەربارەی جۆنگۆون ؟ وەک وتم پیاوێکی باشە!

چانگبین: بۆم بسەلمێنە کە ئەو پیاوێکی بەدکار نییە و باشە

یووبین تەنها بێدەنگ مایەوە و نەیدەزانی چۆن چانگبین بهێنێتە سەر بیر و ڕاکەی
خۆی ، ڕاستییەکەی قسەکانی چانگبینی لە ڕوویەکەوە ڕاست دەبینی
چونکە هیچ بنەمایەکی دروست نەبوو کە متمانە بە جۆنگۆون بکەیت ، ئەو تەنها
هاوڕێیەکی ئۆنڵاینە و هیچیتر

زەنگی دەرگاکە هەموو شتێکی وەستاند ، یووبین بەرەو دەرگاکە چوو و کردیەوە بینی
ڕیوجینی هاوڕێی بوو ، لە ئامێزی گرت و هەندێک قسەی شیرین بۆ کرد هەر لەبەردەم
ڕێیەکەوە،  جانتاکەی بۆ هەڵگرتن و هەموویانی بردە ژوورە بەتاڵەکە کە چانگبین و ڕیوجین لەوێ دەمێننەوە

چانگبین تەنها بە توڕەیی لەسەر قەنەفەکان دانیشتبوو ، هێشتان قسە نا لۆژیکییەکانی
یووبین لەنێو مێشکی دەخولانەوە، هەر سڵاوێکی لە ڕیوجین نەکرد

ڕیوجین لە تەنیشتی دانیشت و بزەیەکی کرد و وتی

ڕیوجین: هێی پیاو ، بۆ وا گرژ و مۆنیت؟! دڵخۆش نیت بە هاتنەوەم؟
چانگبین وامزانی کە ئێمە هاوڕێ بووین

چانگبین لە خەیاڵەکانی هاتنە دەرەوە و سەیرێکی ڕیوجینی کرد و زەردەخەنەیەکی
فراوانی کرد و ئامێزی لە ڕیوجین دا

چانگبین: بمبوورە ، ڕیوجین تەنها کەمێک توڕە بووم ، ڕیوجین هەست ناکەیت ئەم شتە
مێشک نایبڕێت؟ گوێ بگرە با بۆت باس بکەم
یووبین لەگەڵ کوڕێک پەیوەندی هەیە کە ئەسڵەن نەیدیوە بەڵام ئەو زۆر دەمێکە هەموو
نهێنیەکانی خۆی پێ وتووە ، تەنانەت وشەی نهێنی هەژمارەکانی و ژمارەی نهێنی دەرگای
ئاپارتمێنتەکەی پێ داوە ، ڕیوجین من خەریکە شێت دەبم . چۆن دەکرێت ئەو هەموو
شتە بە پیاوێک بڵێیت کە نەتدیوە؟!

یووبین لە تەنیشت چانگبین دانیشت و ئاهێکی بێزاری دایەوە و سەیری سەقفی ماڵەکەی
کرد پاشان دەستیکرد بە قسەکردن

یووبین: چانگبین بەشی بەسی کە و کەم لەبارەی جۆنگۆون بدووێ

ڕیوجین: ئەوە بێمانایە!، بەڵام مادام یووبین داوا دەکات کە بابەتەکە درێژە پێدەدەین
با لێی بگەڕێین بۆ ئێستا..

یووبین: سوپاستان دەکەم

ریوجین: یووبین!، پرسیارێک، برا بچوکەکەی جیسووی هاوڕێت هێشتان خۆشەویستی نییە
وا نییە؟!

یووبین: ئەو زۆڵە لە خەونەکەم بەهەمان شێوە ریوجینی ڕزگار کرد!
ئەو لەژێر لێوەکانی وتی و دواتر کەمێک پێکەنی و بەردەوام بوو

یووبین: ئێی ، واز لەو کوڕە بێنە ، خۆ وتم چوار ساڵ لەتۆ گەورەترە..

ڕیوجین: گرنگی نادەم ، ئەو زۆر قەشەنگ و قشتە! دڵنیا دەبمەوە ئەمجارە
بیکەم بە خۆشەویستەکەم.

هەمووان دەستییان کرد بە پێکەنینێکی دەنگ بەرز ، پێکەنینەکەیان دەکرا
لەو سەرەی ئاپارتمێنتەکە ببیسترێ... ئەم سێ هاوڕێ دێرینە کاتێکی خۆشیان
هەبوو ...

<< کەسی نەناسراو >>
خەریکی سەیرکردنی ئەوانە لە ڕێگەی مۆبایلەکەیەوە،  وەک هەموو کات بزەیەکی
فێڵبازانە لەسەر لێوەکانی یاری ئەکات و دەست لە لێوی ئەدات ،

:کوشتنت زۆر قورسە بۆم ، بەڵام هەر دەیکەم . بەمزووانە سۆ یووبین!