𝙄𝙩 𝙬𝙖𝙨 𝙟𝙪𝙨𝙩 𝙖..? | 𝐘.𝐣𝐰 | 𝗩𝗼𝗹.𝟮

°حەوتەم°

یووبین چاوی کردەوە و خۆی لەسەر فەنەفەیەک دۆزیەوە و سەری لەسەر سنگی کەسێک
دانابوو ، وادیار بوو کە کەسەکە خەریکی خواردنی شتێکە یووبین سەری بڵند کرد و سەیری
کەسەکەی کرد ، بێگومان جۆنگۆون بوو!

یووبین چاوەکانی فراوان بوون و بەتەما بوو کە دوور بکەوێتەوە بەڵام جۆنگۆون
ئامێزەکەی توندتر کردەوە و سەری دانەواند و بە زەردەخەنەوە سەیری یووبینی دەکرد

ئەم پیاوە زۆر سەیرە!

دەمووچاوێکی زۆر بێتاوانی هەیە ،
چاوانی هەر وەک هی پشیلە وان
برۆکانی ڕێک و پێکن
لووتی ناوازە و بێ عەیبە
لێوەکانی پەمەیی و جوانن
لەکۆتایی و باشترین خاڵی دڵرفێنیەکەی چاڵەکەی
ڕوومەتییەتی کە لەگەڵ زەردەخەنەکەی دەردەکەوێت.

بەڵام ئەو لەناخەوە بەو شێوەیە دڵبەر نییە
ئەو تەنها دەروون نەخۆشێکی ئاڵوودە بووە!

یووبین: من چیدەکەم لێرە؟ وا بڕیار نەبوو من جیسوو ببینم ؟!

جۆنگۆون پاش ماوەیەک بە بێ باکانە وەڵامی یووبینی دایەوە

جۆنگۆون: جیسوو لە ماڵی خۆی بێکێشەیە من تەنها هەژمارەکەیم هاک کرد
بۆ بەدەستهێنانی تۆ لە ئامێزم..

پاشان پێکەنی و بەزۆر گەنمەشامییەکی خستە نێو دەمی یووبین

یووبین بەتەواوی بێ قسە بوو نەیدەزانی چی بڵێت و چی بکات
بەڵام لە کۆتایی فرمێسکەکانی کەوتنە خوارەوە و دەستیکردە گریان

جۆنگۆون تێبینی یووبینی کرد کە دەگریا ، خێرا لە باوەشی گرتەوە و
سەیری یووبینی کرد و بە دەستە گەورەکانی فرمێسەکەکانی یووبینی دەسڕی

جۆنگۆون: نانانانانا ، تکایە مەگری ، بڕوام پێ بکە و باش دەبیت
بڕوام پێ بکە ئازارت نادەم ، من نیازم نییە ئازارت بدەم .

یووبین: ئەی بۆچی منت هێناوەتە ئێرە؟ تۆ ئازارم دەدەی بەوەی دەمڕفێنیت
بمگەرێنەرەوە بۆ ماڵەکەم

جۆنگۆون: نەخێر ، نەخێر ، یووبین .. گەر بگەرێیتەوە بۆ ماڵەکەت ئەوا ناتوانم
لە ئامێزت بگرم ...

یووبین: بۆچی وەک پیاوێک داوایی ژووانم لێ ناکەیت ، بۆچی دەمرفێنیت؟
تۆ شتەکان بە دە جار خراپتر دەکەیت

یووبین بە تەواوی دەنگی هاواری دەکرد بەسەر جۆنگۆون

جۆنگۆون: شششش.. من ناهێڵم بڕۆیت .. تکایە

جۆنگۆون لەگەڵ وتنی ئەوە ئامێزەکەی توند کردەوە و نێوچاوانی لەسەر
شانی یووبین دانا

جۆنگۆون بە شێوەیەکی لێهاتووانە خەریک بوو نواندنی بۆ یووبین دەکرد
ئەوە ڕاستە کە جۆنگۆون بکوژێکی دەروون نەخۆشە و ئاڵوودەی یووبینە
بەڵام ئەو بەم شێوەیە بێتاوان نییە!

بەیانییەکەی یووبین بەئاگا هاتەوە و خۆی لەنێو باوەشی جۆنگۆون بینیەوە
لە باوەشەکە هاتە دەرەوە و چاوی خوراند

یووبین: بەنەفرەت بی ، یانگ جۆنگۆون!

جۆنگۆونیش بەئاگا هات و ، چووە چێشتخانەکە و دەستیکرد بە ئامادە کردنی
ژەمی بەیانی

یووبینیش تەنها بە بێ هەستانە لەسەر کورسییەکە دانیشتبوو و لە مێزەکەی
دەڕووانی

پاشان جۆنگۆون خواردنەکانی لەسەر مێزەکە دانا و یووبین دەستی ڕاکێشا کە
شتێک بخوات بەڵام دەستی گەڕاندەوە ، ئاخر ئێستا چۆن دڵنیا بێت کە ژەهری
تێنەکردووە؟!

جۆنگۆون لە بەرامبەر یووبین دانیشت و برۆیەکی بەرز کردەوە

جۆنگۆون: ژەهرم نەخستۆتە هیچ کامییان بۆیە بیانخۆ!

یووبین هێشتان دەستی نەکرد بە نانخواردن و نا دڵنیا بوو

جۆنگۆون کەوچکەکەی کێشا بە مێزەکە و هاواری کرد

جۆنگۆون: وتم بیخۆ! ، بۆچی وادەکەی؟ چۆن دەکرێت من ژەهری تێبخەم؟

یووبین بە ترساوی دەستیکردە نانخواردن ، پاش ئەوەی لە خواردن تەواو بوو

یووبین: گەر ئەمڕۆ نەڕۆم بۆ سەر کارەکەم بەڕێوەبەر دەرم دەکات

جۆنگۆون: ئینجا؟ ، مەڕۆ ..

یووبین: بۆچی دەبێ تۆ کۆنترۆلم بکەیت؟ تۆ هاوسەرمیت یاخود کوڕە
هاوڕێکەم؟!

جۆنگۆون: خۆشەویستەکەت

یووبین: لەکەیەوە من خۆشەویستی تۆم و پێم نەزانییوە؟! قسەی پڕ و پوچم
بۆ مەکە ، من دەڕۆمە کار و قسەی ترم ناوێت..

جۆنگۆون: کەواتە من لەگەڵت دێم ، ئۆو نەفرەت! ناتوانم بێمە دەرەوە بۆنێو قەرەبالخی

یووبین: بۆچی ناتوانیت؟!

جۆنگۆون: من داواکراوم ، لەبەر ئەوەی کە هەندێک کەسم کوشتووە

جۆنگۆون بە بزە فێڵبازانەکەوە وتی و سەیری یووبینی دەکرد

یووبین: تۆ خەڵکت کوشتووە؟!!