الهاوية

البارت 24

الكاتبة : كرز🍒🤍

لا تنسون التصويت بين الفقرات لطفاً وليس امراً

صوتوا بنحمة على البارت كرزاتيييي

التفاعل مايسوي واهس😔💔💔

………

تجمدت بمكاني من الصدمة كمت لا اخذ ولا انطي كلامها مو بس صدمني لا صعقني طلعت اركض من المحل الحك بي ولحسن حظي جان بعدو مارايح يحجي بالتلفون

دجلة: فراتتت

ابتسم من شافني وسد الاتصال

فرات : عيوني

اخذت نفس احاول اهدي من عصبيتي شوية

دجلة : ترى انيي ماناقصة فلوس على مود تضحك عليه وتخليني اشتغل يمككك ومستغفلني كل هل مده اهلي مو ناسينيي بس اني ردت اشتغل واعتمد على نفسييي بس بس حركتككك هاي مو حلوة ابد

استغرب من كلامي بس سرعان ما تغيرت ملامح وجهه للندم

فرات : دجلة والله ما اقصد نيتي مو سيئة ابدا جنت بس ناوي اساعدچ من زمان جنت مفكر افتح محل وفتحت وكلت يجوز تستحي تشتغل يمي كتلج لاخت صديقي والراتب ترى حگ تعبچ مو شفقة والله ومعزه جاسر عندي

دجلة: چذبت عليه فراتتت لو جيت وكتليي بهذا الكلام جان اشتغلت يمك واني الممنونه بس تچذب عليهه هيج وتستغفلنييي مو من حقكككك شلون تريد اثق بيك بعدد

عفته ودخلت للمحل اخذت كتبي وغراضي وطلعت رايده ارجع للسكن اسمع صوتو يصيح وراي

فرات : دجلة وربي نيتي مو سيئة بس ردت اساعدچ ماريد اشوفچ حايرة وانتِ بغربه ماعندج احد

ماهمني كل هل كلام غير انو استغفلني كسر الثقة الي جنت منطيتو ياها ممكن يكون صدك نيته زينة مو قصدو بس يبقى چذب عليه شلون ارجع اثق بي ، رجعت للاقسام دمي محروگ حرگ سبحت ولفيت راسي ونمت الله يسهلها

………

"وتين"

صار كم يوم اجواء البيت متكهربه وطبعا بسبب نورهان وجهالها الكل متوتر واعصاب واكثر واحد ايسر شكد سألت لحيت يحجيلي شكو بس غامضضض مايسولف شي وطبعا زعلت منه لهل طرن خلي يولي

ديلان: وتييننننننننن

كمزت من مكاني مخترعه وهيه تضحك الحيوانه

وتين : وسمم وسمم وسممم هبطتينيي حيوانه عنديي سكو شبيچ

ديلان : عرچ مايطگچ اختي العزيزة

وكفت اجر نفس من الهبطة وهيه راحت للمطبخ تسوي كهوه لحكتها وكعدت على الميز

وتين : ماحجالچ جاسو شي بخصوص نورهان ؟

التفتت عليه وسندت ايدها على الكاونتر

ديلان : لاا لج شكدد حجيتتت ماكو كلمة مانطق اخير شي طلعت من الغرفة وعفته زاعلته خلي يطير