الهاوية

البارت 8

الكاتبة: كرز🍒🤍

لاتنسون تصوتون بين الفقرات لطفاً وليس امراً

………

: انتِ زينة؟

دفعته عني الكل كام يباوع علينا ويتبسبسون وهوه ملامح القلق واضح بوجهه اخذت كتبي الي تطشرت بالكاع واردفت

أيار : اي اني اسفة مانتبهت عليك

                                              No problem:

طرت للقاعة گلبي ينتفض ما ادري شبيه خايفة كعدت يم دجلة السارحه بأفكارها

أيار : هاا مردو خبر إهلج؟

هزت راسي لا

دجلة: كلت لماما يبقى بدورها تكول لابويه واشوف اذا يوافق لو لا

أيار : اي زين أن شاء الله يوافق

دجلة : أيار شكد عيب حتى ماشكرتو لابن عمج من الحماس تشكريلي منو

ابتسمت بخبث اذا ما اجمع دجلة وفرات مايطلع اسمي أيار

أيار : اني اكول انتِ بنفسج تشكري منه احسن اني مراهمه

سكتت وكامت تلعب بأصابعها محتاره

دجلة : لا عيب استحي ما اكدر احجي ويا

أيار : ليش عيب هوه دورلج على شغل يعني لازم انتِ تتشكرين منه مو اني

تغيرت ملامح وجهه للحزن وهزت راسها موافقه ستوقفنا دخول هذا الولد الي مسكني شجابه هنااا

أيار : عزااا

التفتتلي دجلة عاكدة حاجبها

دجلة: شكو

مارديت عيني علي راح كعد بمكان الدكتور والكل الطلاب يتبسبون يمهه معقولة هذا دكتور يمنا بس صغيررر يعني مو كلش جبير

                                          Silence please :

الصمنا كلنا ابتسم يفر بالقلم يوزع نظراته علينا واحد واحد لحد ماوكعت عينه عليه نظرلي نظره استغراب وتعجب بنفس الوقت

دجلة : اكلج شبي يخوز بينا خفت

أيار : حبي يخزر بيه مو بيج

دجلة: ليش شمصخمه أياررر

أيار : ولج..

سكتت من اردف بنبره حاده

: كلت Silence بدون صوت رجاءً

متسكت شكد غثه يربي ولا حبيتك بس الصراحة ما اكدر انكر شكله جميلل كلش بس ملامحه عبالك بارددد وشعره الناعم الي خصلاته نازله علي جبينه وعيونه الناعسه ورموشه الطويلة لاتكولولي شلحكتيي تشوفين كل هذا بس هاي طبيعتي ادقق بالشخص تدقيق

: احم اعرفكم على نفسي اني ايهاب دكتور بمادتكم الاخلاقيات الطبية اتمنى نضل على تفاهم واهم شي اترجاكم الهدوء ثم الهدوء