الهاوية

البارت 27

الكاتبة : كرز 🍒🤍

لا تنسون التصويت بين الفقرات لطفاً وليس امراً

صوتوا بنحمة على البارت كرزاتيييي احبكمممم

………

باد حيلي من سمعته القاعة انگلبت گلاب ناس مقهوره ناس مصدومة ناس صافنين عليه واني لو تذبحوني قطرة دم ماتلكون بيه من الخوف والصدمة الي صابتني

فرات : ايارررررر تحركيييييييي

حسيت على روحي صارت دموعي تنزل اريد اشيل كتبي عيوني غواش من الدموع ما اشوف شي مسكت ايدي دجلة تحجي بسرعة

دجلة : روحييي أيارر روحي اني اضم كتبچ يمي طمنيني عود من تشوفين رسلان

هزيت راسي اي وطلعت ركض من القاعة وفرات يركض قبلي على ما وصلنا للسيارة طلعت روحي كعدت بالكشن اريد اجر النفس الهث بالي وتفكيري يمهم شلون صار الحادث وليش ما اعرف مية سؤال بالي

أيار : فراتت فهمني شصاير شلون عرفتت؟

مو بحالي اصلا صار يتسابق ويه السيارات يريد يصل بأقصى سرعة

أيار : فدوة گلبييي يوجعنييي كلي شي همه زينيين؟؟

فرات : عمررر خابرنيي كلي لحك عليهم الحادث قريب على طريق الجامعة وهسههه شايليهم للمستشفى

حطيت راسي بين ايديه ارجف رجيف من الخوف شلون وليش رسلان الصبح ماقبلت تداوم كالت تعبانة ليش صار الحادث على طريق الجامعة شجابهم تعب عقلي من التفكير

بس وصلنا للمستشفى نزلت اركض مثل المخبله ما ادري وين اروح بس اريد اشوفهم اريد اطمن همه بخير اجى فرات ورايه وراح للستعلامات

فرات : حادث سير قبل شوية اجو رسلان امجدد وليث امجد وينهممم؟؟

السكرتيرة : بغرفة العمليات هناك

رحنا نركض وكعدنا يم غرفة العمليات گلبي يدك بقوه خوف على رهبة على صدمة كل المشاعر صابتني بهل لحظة معقولة اخسرهم هاي هيه راح يروحون ، ثواني ودخلو امي وبابا وعمر واوتار وعمتي وجهالها الكل صار هنا عبالك مسوين هجوم بس شفت امي دخلت بحضنها ابچي واشهگ

نوال: اشش يمه اشش ياروحي كافي تبچين هسه يطلعون مابيهم شي لا تفاولين عليهم

أيار : يمهه فدوة رسلان عدها فتحة بالقلب تموتتت والله

كعد عمر بالكاع حالته حاله يبچي ويشهك تقرب يمه فرات حاضنه

عيسى : كومم وليدي كوم هسه يطلعون اخوانك مابيهم شي لا تبچي

عمر : عمي اموت وراهم وربي ما اتحمل بعد خسارة همه اهلي اذا رواحو انتهيييي

عيسى : وتعوفون هل مگرود اخيكم الي فنه عمره لخاطركم وخاطر ساعدتكم وحده يضللل كوممم عمر غسل وجهكك وتعالل