الهاوية

البارت 12

الكاتبة: كرز🍒🤍

لا تنسون التصويت بين الفقرات لطفاً وليس امراً

صوتو بنجمة على البارتتت كرزاتيييي احبكمممم

………

فاتحة عيوني بصدمة وكل اطرافي ترجف بس دقيقة دقيقة الي سمعته صح لو اني يتهيئلي

وتين : شنو عيدي؟؟

زفرت نفس بتعب وفركت وجها بحيرة

ديلان : ايسر اجى يخطبج

ضحكت من كل گلبي يمكن من الصدمة يا خطوبة يا صخام شصاير بالدنيا

وتين: ديلان مستوعبة الي كلتيي شنو من خطوبة شصايوو مجاي استوعببب

حطت ايدها على حلكي تريدني اسكت دفعتها بقوه لحد هسه فاتحة عيوني بصدمه

ديلان : وتين صوتج عيبب الناس كاعدين

وتين: اختيي فهمينييي شلون يعني يخطبنيي ولج ما احبههه ما اطيقهه انتِ اكثو وحدة تعوفين اني انخطفت بسببههه

ديلان: ادري والله ادري وكتله وتين مستحيل توافق بس هوه اصر اله يجي يخطب

دخلت امي للمطبخ تدردم عليه جبرتني اوديلهم الكهوه واني روحي طالعة

وتين : ما اويدههه ماماا مو غصبببب

ام وتين: صوتجج لا ابوج يطلعع يلاا كداميي وديي الكهوه يلااا

كمت اكمز بالمطبخ بالمعنى الحرفي دموعي نزلت ما اريد يا ناسس ما اريد شكد كارهتهه لهل شخصص

جرتني امي من أذاني ترزلني

ام وتين : قسماً بالله ياوتين اذا ماطلعتي كدامي هسه انزع الشحاطه واكطعها على راسج وافشلج كدامهم

من شفتها حلفت خفت مسحت دموعي وطبعا رزلتني لان لابسه اسود بس ماهمني صبيت الكهوه طلعت اقدملهم جان موجود ام جاسر واعتقد ام فرات ورسلان وأيار وبعد ناس ما اعرفهم من كرايبهم قدمتلهم الكهوه وكعدت مطنكره

نوال : شلونج وتين ماما

تحجي بأبتسامه بشوشه رديت الابتسامة وكلت

وتين : الحمدلله

اخذت رشفه من الكهوه وهمست "الحمدلله" حجو بهواي مواضيع منها على ايسر وشنو يشتغل ومن هذا الكلام اريد بس اكوم مستحيل اوافق بهذا الزواج بس لو اعرف غايته شنو لهل ولد ارتاح

خرب صفنتي صوت ديلان وهيه تهمسلي بنظرات حزينة

ديلان : بابا يصيحج بالغرفة

هزيت راسي موافقة اخذت نفس عميق وزفرته سميت بسم الله ورحت للغرفة بكل خطوه گلبي يدك اكثر الخفقان دمرني واهمس لنفسي

وتين : كلشي واح يكون بخيو اهدي وتين

فتحت الباب وشفت بابا ينتظرني والابتسامه واضحة على ثغره اول مشافني توسعت الضحكة وسحبني وكعدت يمه