الكاتبة : كرز 🍒🤍
لا تنسون التصويت بين الفقرات لطفاً وليس امراً
صوتوا بنحمة على البارت كرزاتيييي
………
هزيت راسي مرات متتالية
: جاي تبچيننن؟؟تعورتي قوي انتِ زينة اسف والله مو قصدي
اخذت نفس عميق احاول اسيطر على روحي وعلى شهگاتي
أيار : لا لا مابيه شي شكراً
عفته وكملت طريقي للحمامات مسحت دموعي وغسلت وجهي التصخم من المكياج ضليت فوك الربع ساعة بالحمام بس صافنة وافكر بكلامهن ، واخيرا تشجعت وطلعت متوجهه للسنتر ادور على دجلة شفتها واكفه تشتري كهوه اشرتلها تجي يمي فعلاً اخذت الكهوه واجت يمي عاكدة حاجبها
دجلة : شبيهن عيونچ چنتي تبچين؟
ابتسمت بدون لا اجاوب عافت اغراضها ومسكت وجهي بقلق
دجلة : شنو ما مجاوبه أيار ليش چنتي تبچين شبيچ أخاف زعلانه مني...
قاطعت كلامها واردفت بحزن
أيار : لا مو منچ بس....
دجلة : بس شنو يولي احچي وگفتي گلبي شبيچ
نفخت بضجر ما اريد ارجع ابچي كافي
أيار : سمعت البنات جاي يحجون عليه عندي علاقة ويه دكتور ايهاب
نزلت راسي العب بالجنطة شهگت دجلة بصدمة وكالت
دجلة: يمه شلون گدرن هيچ يحچن هذا اسمه ظن السوء حرام تظنين سوء بشخص ماتعرفين نيتو شنو بس الله راح يحاسبهم لان اتهمچ ظلم وانتِ ماعندچ شي لا تنقهرين ياعمري مهمه حجو وطلعو كلام عليج رب العالمين يعرفچ شنو ومراح تتغير قيمتچ عندو ابدا كلام الناس لايقدم ولا يأخر مراح يفيدچ بشي يوم القيامة باچر تحاسبيهن كدام العادل هوه ياخذ حقچ منهن
حضنتني تسمي عليه كلش رتاحيت من حجيت وياها فعلاً كلامها ريحني حسيت جبل ونزاح عن صدري
أيار : دجلة والله احبچ
ابتسمت برضه واردفت
دجلة: اموت عليچ يولي لا تبچين على هيچ شيكيلات ماتسوى ظفرچ
أيار : تمام هاي هيه خلي يولننننن
ضحكة بخفه ضربتني على خدي مسكت تلفوني اگلب بي بس ماطولت لان نبص يمنا من غيره اكيددد فرات
فرات : احم سلام عليكم بنات
ماردت دجلة لميت شفتي لداخل حلگي ما اريد اضحك
فرات : ترى السلام لله رد السلام واجب دجلة العزيزة اذا متعرفين
تأفأفت بنزعاج واردفت
دجلة : وعليكم السلام اخيييي
فرات : لا اخوچ ولا شي اسمي فرات رجاءً
أنت تقرأ
الهاوية
Romanceأيظن أني لعبة بيديه؟ أنا لا أفكر في الرجوع إليه اليوم عاد كأن شيئا لم يكن وبراءة الأطفال في عينيه ليقول لي : إني رفيقة دربه وبأنني الحب الوحيد لديه حمل الزهور إلي .. كيف أرده وصباي مرسوم على شفتيه ما عدت أذكر .. والحرائق في دمي كيف التجأت أ...
