الهاوية

البارت 11

الكاتبة: كرز🍒🤍

لاتنسون تصوتون بين الفقرات لطفاً وليس امراً

صوتوا بنحمة على البارت كرزاتيييي احبكمممم

............

راح يمشي سريع بأتجاهم من الخوف رحت اركض وره لا يسوي شي لرسلان

فرات : منوووو هذااا رسلاننن

بس شافت فرات كامت ترجف مثل السعفه وجها صار اصفر من الخوف كامت تتلعثم بالكلام ماتعرف شتحجي

رسلان : ءءء ز زميلي زميليي

وجهه فرات انظاره للولد الي واضح علي مو راحه من نظراته الي تتفحصنا

فرات : زميلج مو كلتي...تعال وياي زميلها خلي نحجي شوية على انفراد

كامت تبچي رسلان وتحلفله زميلها وماعندها شي وياه جر الولد من جاكيته وعاط من بين اسنانه

فرات : تمشي ويايي لو اهينكك كدام امة محمد كلها؟

: امشيي اغاتيي اعصابك

يحجي بأسلوب مستفز وبارد حتى اني خفت من منظرهم واحد راح ياكل الثاني مسكت رسلان ايد فرات تهدي بي

رسلان: فرات الله يوفقك لاتسوي شييي فراتت بس اسمعنييي

دفعها بقوه وكعت بالكاع صرنه فرجه لأمة محمد الكل يباوعلنا لاتسؤلوني ليش مدخله روحي بس ماتحملت اشوفها مكسوره خاطر محد وياها

كومتها من الكاع وخليتها وره ظهري

فرات : ضليي هنااا حسابج بعديننن

دفع الولد كدامو وطلعو بره موتت روحها بچي الي خبل فرات لهل درجة الولد جان ماسك ايد رسلان حيل انقهرت عليها حضنتها ونطيتها مي شوية تهده

رسلان : ر....ر...راح اموتتتت

بالكوه تجر النفس وحاطه ايدها على صدرها حيل خفت البنت راحت فقدت ارش عليها مي ماكو تتكاون ويه النفس

دجلة : رسلان عليج الله شكوو شسوييي بسس خليج ويايييي

من شفت وجها صار ازرك باد حيلي كامت كل اطرافي ترجف ذبيت الجنطة وكتبي وطكيتها ركضه ادور على فرات اركض وادعي

دجلة: ربي يسر ولا تعسر ربي ستركك

تخبلت مدري وين راح نفسي انكطع واني اركض مثل المخبلة بالجامعة ادورله واخيرا لكيته نازل كتل بالولد رحتله اركض حتى ما انتبه لوجودي

دجلة: فراتتتتتت عوفووووو

ماهتملييي اعصابو ترجف عبالك فقد ما اكدر الزمو حرت شسوي البنت راح تموت استغفرت ربي وجريتو من ايدو بكل قوتي واخيرا ركز بعيوني يلهث من التعب

دجلة: لحكلييي رسلانن اختنكتتتتتتت

كتله لهيج وما اشوف بس التراب وره رجعت اركض وياه شهل يوم على ماوصلنا يمها طلعت روحي الكل ملتم عليها يحاولون يكعدوها فاقدة الوعي شالها من بيناتهم وطلع يركض ضليت متجمده بمكاني ما اعرف اروح لو اضل واكفة شسوي