الكاتبة : كرز🍒🤍
صوتوا بنحمة على البارت كرزاتيييي
لا تنسون التصويت بين الفقرات لطفاً وليس امراً
………
تيبست كل اطرافي ويه نطقها لهاي الجملة تهت وضعت ماعرفت اتصرف ولا ارد مو الصدمة والأني بيها صحاني من صدمتي صوت اهوار وهيه تكول
اهوار : أياررر دجلة حچتلي كلشي عنكم عفيههه ساعدوهاا اذا تزوجها عباس دجلة تنتحرر تموتت اختي تروح بيهااا
نزلت دموعي وكلت بصوت يرجف
أيار : لا عفيه لايصيرلها شي اموت وراهاا
صار صوت صياح كلش قوي وانسد التلفون خفت متت بخوفي اتصل عليهم انغلق التلفون بدون تفكير رحت اركض مثل المجنونه ادور فرات بكل الجامعة اريد الحك عليها بس لمحته من بعيد واكف ويه جماعه صحت بصوت جرح بلاعيمي من قوته
أيار : فراتتتتتتتتتتتتتتتت الحگلييييييييييييييي
التفت الكل مصدوم عليه وفرات صدمته اكبر اجى يركض عليه واني الهث من الركض الي ركضته يخض بيه يريد يفتهم شصايرلي
فرات : أيار شبيججج احجي شصاير أمي ابويه بيهم شي جاسر بي شيي احجييييي أياررر
شهكت بقوه ومسحت دموعي
أيار : دجلة دجلة....... دجلة فرات
اختنگت اريد احجي بعد ما اكدر صفن بوجهي مصدوم واردف بخوف
فرات : أيار شبيها دجلة شبيها؟
أيار : راح يزوجها لابن عمهااا فراتت دجلة راح تروح راح تنتحر
فتح عيونه بقوه بطريقة مرعبه انطعن وجهه احمر وانفاسه تعالت
فرات : شكلتي؟
حجها بهدوء تام يمكن ما استوعب لحد هسه كلامي حطيت ايدي على كتفه استند علي وابچي
أيار : اختها ردتليي ما اعرف شلون وشصايرر بس دجلة حالياً بالموصل وتكول اليوم راح يزوجوها لأبن عمها واذا تزوجتتت اهوار تكول دجلة راح تنتحر
خلصت كلامي وماحسيت اله فرات طار من يمي حاولت اركض وره والحكه بس جان اسرع مني بمراحل ما اعرف وين راح وشيريد يسوي رجعت للسنتر اشهك واتعارك ويه النفس شهل مشاكل الي مو راضيه تنحل
: مي؟
رفعت راسي شفته مادلي بطل المي مسحت دموعي واخذته ايدي ترجف تقرب كعد يمي بس بيناتنا مسافة
ايهاب : اعتقد الجامعة كلها سمعت صوتچ عزيزتي
سديت البطل وحطيت عيني بعينه
أيار : المشاكل هديت حيل هددد تعبت ورب العزه تعبت
ايهاب : بنت عمچ بيها شي؟
أنت تقرأ
الهاوية
Romanceأيظن أني لعبة بيديه؟ أنا لا أفكر في الرجوع إليه اليوم عاد كأن شيئا لم يكن وبراءة الأطفال في عينيه ليقول لي : إني رفيقة دربه وبأنني الحب الوحيد لديه حمل الزهور إلي .. كيف أرده وصباي مرسوم على شفتيه ما عدت أذكر .. والحرائق في دمي كيف التجأت أ...
