استغربت عليا مجى أم فتحى وهى مفزوعة وسالتها
خير يا أم فتحى
ردت ام فتحى وهى بتبلع ريقها
فى ظابط شرطة وراجل معاهم يا فندم بيسالوا عن العروسة
الجديدة
شعرت بخوف شهد وكانت متوترة لكن دعمها جاسر وقالها:
ماتخفيش يا شهد انا معاكى
طلب من ام فتحى
دخليهم شقة امى واحنا جايين مش عايزين حد يدخل هنا مفهوم
#عقاب #الحب
#صفاء #حسنى
صفحتى روايات الكاتبة صفصف
هزت راسها ام فتحى
انا عملت كدة يا فندم وطلعت فوق وبعد كدة نزلت ب الاسانسير
ابتسم جاسر
برافو عليكي يا ام فتحى
يلا يا شهد تعالي معايا
وانتى يا ام سيف خليكى هنا انتى وأولادك انتم فى حمايتنا وماحدش يقدر يدخل هنا عشان البيت ده منفصل عن اللى برا لحد ما اشوف عايزين ايه
محدش يتحرك يا جدى من هنا
هز رأسه الجد متقلقش وخمس دقائق والمحامى هتلاقي جيه روح يا ابنى
اعترضت ام جاسر وقالت
واحنا مالنا ببلوة غيرنا ما كل واحد يحل مشاكله
نظرت ليها شهد وقالت
للاسف حضرتك من النهاردة مجبورة انك تستحملي بلاوينا يا حماتى من يوم ما ضحكتى عليا وعلى امى وبعد كده لماعرفتى. ان جدى بدل العريس فرحتى بلغتى ابويا بمكانى وانتى مجبورة انك تستحملي بلاوينا
شهقت الام
انتى بتقولى ايه يا شهد انتى متأكدة إن حماتك وراها
استغلت الفرصة حماتها
قوليله والنبى وانا اعرف عنوان ابوكى من فين ولا عايزة تلبسينى اي حاجة
ضحكت شهد
ورقم بابا موجود عندك بيعمل ايه
انصدمت حماتها والجميع
ووجه الجد الكلام ل عليا
الكلام ده صح
ردت حماتها دى كذابة ومش سهلة
ضحكت شهد
طيب انا مش هتكلم شوف انت تليفونها يا جاسر هتلاقي مكتوب عليها اسم ابو ش محمد ورن على بابا ولو ماسمعتش جرس بابا مابقاش انا
صرخت حماتها
انتى بتفتشى فى تليفونى من ورايا
ضحكت شهد
افتش امتى يا حماتى بذمتك دى العصفورة قالتلى
غضب جاسر ومسك تليفون أمه وفتح وفعلا كان كلام شهد حقيقى ورن سمعوا جرس التليفون من برا
اتعصب جاسر وخصوصا لم فتح الاسبيكر وسمع كلام الاب
الو يا حضرت المجهولة انا وصلت للبيت والعنوان اللى انتى بلغتينى عنه ولو طلع كلامك غلط وان بنتى مش مجبورة ومش متجوزة غصب عنها للشاب المجنون
اقسم بالله هوصلك وهخليكى تندمى
الكل أنصدم حتى حمات شهد
وصرخ الجد
سبحان الله يعنى خايفة تعملي بطاقة شخصيةلا بنك وخايفة تعالجيه عشان الناس ما تشمتش فيكى لكن عادى تبلغى ابوها وتفضحى ابنك
كانت عايزة ام جاسر تدافع عن نفسها
انا مقولتش حاجة عن ابنى اقسم بالله
لكن ماحدش سمع لها
وراحت شهد هى وجاسر عند ابوها لكن استوقفها كلمة ابوها واخر كلمة ل حماتها وافتكرت عرفت ازاى لما صحيت الصبح وراحت عند أمها وكان جاسر لسه فوق
سمعت مرات عم جاسر بتقول
انت عرفت الا حصل يا نبيل
سألها خير تانى
ردت مى
انا سمعت عليا بتتصل بابو شهد وعرفته مكانها وكمان
قالت كل حاجه
أنصدم نبيل
ازاى عرفت .
#عقاب #الحب
#صفاء #حسنى
صفحتى روايات الكاتبة صفصف
ردت مى سمعتها وهى بتكلمه وبعد كدة عملت نفسى هقع وهى سندتنى وشفت الاسم ابو ش محمد وشهد اسمها شهد محمد يبقي اكيد هي وراها حاجه
استغرب نبيل
من فين هى الا كانت عايزة تجوزها وليد ومن فين تبلغ ابوها
ردت مى وهى شايفة شهد وقالت
علمى علمك
فاقت شهد من تذكرها على صوت الضابط
وهو بيسالها
حضرتك تعرفى الشخص ده
بلعت ريقها شهد
حضرتك لا ولا عمري شفوته حضرتك
اتعصب الاب
انتى سمعة نفسك بتقولي ايه بتنكرى ابوكى اللى اسمك مكتوب عليه
وضحت شهد بهدوء للضابط
حضرتك هو ذنبي انى ماكنتش اعرف مين اللى أسمى مكتوب جمب اسمه فممكن اي حد يجي يقولي انا ابوكى اصدقه حضرتك وعايزة اعرف ايه تهمتى بالضبط
رد الظابط
التهمة مش متوجه ليكى انتى بالضبط
متوجها لزوجى وعائلتهم انهم اجبروكى على الزوج من ابنهم والابن ده مريض عقلي
#عقاب #الحب
#صفاء #حسنى
صفحتى روايات الكاتبة صفصف
أنت تقرأ
عقاب الحب الكاتبة صفاء حسنى جديد وحصريا
General Fictionاسمعني اسمعني اسمعني لا تعطي فرصه للفراق أن يكون أقوى من حبنا اسمعني لا تجعل قلبك قاسي هكذا عليا في لحظة غضب منك اسمعني لا تتركني هكذا ضعيفه يائسه في لحظه أنا احتاجك فيها اسمعني انت على الاقل لا تكون أنت و الحياه قاسيه عليا هكذا اسمعني انت لا...
