عشقته_ وسط_الإنتقام🖤🏹

بداية الإنتقام ✨

بعنوان : عشقته وسط الانتقام 😈💗
الكاتبة :vana _Gabriel
#عشقته وسط الانتقام 🧸🏹
... ✨مقيدة في قفص كعصفور يشتاق الحرية... ✨في قصر أسود مزين بأشكالٍ هندسية... ✨
.. ✨مثلَ الطَيرِ في السَمَاء أَتجَولُ أينَ مَا أَشَاء.. ✨اليوم خَرَجتُ من قَفَصي وَقَعتُ في حبِ عَدُوِي... ✨
الحلقة الأولى :
18:75 تاع العشية كانت تغسل في الماعون لين عيطتلهم مرا في عمر 45
_هيا الأولاد لكلكم للعشاء
غزرت من شباك  للسماء للعصافر الي تطير و تزقزق ماخذين الحرية متاعهم تستنا في نهار الي باش تخرج فيه كيما العصفور من القفص عينيها الي فيهم حقد 16 سنة.... مسحت يديها و مشات حطت سحن المقرونة و هزت كأس العصير
خديجة :كي العادة؟؟ سناء ياخي شنو تفاهمنا؟؟
مزادتش حتى كلمة كملت مشات بخطواتها الثابتين ... طلعت فوق سطح تتفكر في ايامات طفولتها و في الي عملوه فيها قداه ولات حاقدة على دنيا جبدت تاليفون الي عطاهولها واحد ملي يخدم في ميتم بسرقة دخلت للأنستقرام تشوف في صاحبتها الي خرجت عندها عام من الميتم و كيفاه نضمت أمورها ولات عندها دار و تخدم تحس في روحها مخنوقة شافت باب تاع سطح ملقات  حد طلبتها 📞
ميساء _ وينك ي روحي ليوم مطلبتنيش
سناء_ ليوم قضية كوجينة تاع الميتم الكل عليا و زيد خالتي خديجة مركزة معايا تو وين نجمت نتفضا
ميساء _ مزالو عامين ي روحي و انت هاك شهر جاي تولي 17 معاد مامزال على 18 و تخرج
سناء _لا انا معادش نجم يا ميساء نحب نخرج صدقني كل يوم نحس في روحي نتخنق أكثر.... انا قررت اليوم باش نخرج
ميساء _ سناء فاش تحكي وين عندك خارجة؟؟؟ كيفاه باش تخرج؟؟
سناء _ باش نتصرف نعرش باش نخرج من شباك
ميساء _ سناء يزي بلا هبالك كان يفيقو بيك و زيد شباك عالي ياسر
سناء _ انت باش تقبلني موش هكا؟؟
ميساء _ يا روحي بطبيعة اما نحكي عليك انت موش ساهل تهرب
سناء _ بنسبة ليا انا ساهل... مهم نخليك تو لازم نهبط
ميساء _ وقتاه تطلبني
سناء _منعرش الوقت بضبط  ابعثلي ادراس و انا تو نجي
ميساء_ باهي ربي معاك
علقت على تاليفون و رجعت خباتو في حزامها مع سروال (يضهرلي عرفتوها فازة)
كلات فيسع و ضحكت _معاد ما مزال باش نجي ناخذ حقي منكم
هبطت للكوجينة و جاتها خديجة  _سناء
حلت عينيها على وسعهم خذات نفس و غزرتلها
_نعم
جبدت كرسي _ايجا اقعد نحب نحكي معاك
قعدت و تستنى فيها تحكي _ احكيلي كان فما حاجة مقلقتك
ضحكت _هههههههه تحكي برسمي؟؟لا معندي شي مقلقني جوي فسفس
_سناء عندك اشهرة وانت على الحالة هذي
_اننن تو فهمت كان باش تحكي على حكاية كيفاه نهز فطوري و نطلع فوق سطح انا نحب نقعد وحدي هذاكا علاه
_متأكدة؟؟ يعني فماش مشكل
_لا
_باهي انا لازم نخرج عندي قضيات لازم نعملهم نروح كان غدوا هوكا تو نزيدو نحكيو
_باهي
مشات المرا و سناء فرحة خاطر تحس الي هروبها  من ميتم باش يكون ساهل كان تخرج خديجة
يتبع...