عشقته_ وسط_الإنتقام🖤🏹

ماهي الحقيقة

#عشقته وسط الانتقام 🧸🏹
الكاتبة :vana Gabriel
الحلقة 11:
جات قعدت بحذاها (ميساء) _يعني تقلبت الحكاية الكل؟؟
سناء _ اي يا ميساء حتى انا مكنتش نتصور الي هذا باش يصير
ميساء _ به خليني نستوعب اما سي أدم علاه هوا مروح بيك؟؟
سناء _ وانت منين تعرفو؟؟
ميساء _ موش انا سكريتارا متاع سي لؤي الي هوا خوه
حلت عينيها على وسعهم _لحضة لحضة معناها انت تخدم في شركة متاعنا و مع اولاد عمي؟؟
ميساء _لا لا تقليش الي أدم ولؤي هوما اولاد عمك؟؟؟
سناء _ هههههههه جو هذي حاجة باهية علخر
ميساء _ كيفاه باهية؟؟
سناء _ انت الي باش تعاوني و تقلي شنو صاير في شركة
ميساء _ سناء فاش قاعدة تقول لتو منيش مستوعبة الي سي لؤي ينجم يعمل فيك هكا
سناء _ اي مالا هام عملو فيا و موش كان هوا عايلة كاملة رماوني في دار الأيتام هذاكا علاه انت باش تعاوني باش نرجع حقي شركة هذيكا ميساء _ ليوم سي لؤي عيط ل سي  أدم على حسب ماسمعت يحب يحط خوه مدير في تجارة معاه
سناء _ههههه باهي ياسر أملاك تاع بابا يوزعو فيها كيما يحبو فيبالك الي بابا عندو 50٪ حق من شركة هذيكا؟؟
ميساء _ اما سي أدم ماوافقش
غزرت مستغربة _موافقش؟؟ علاه ؟؟
ميساء _ شوف سناء على حسب منعرف راو سي أدم و سي لؤي موش كيف كيف طبيعاهم سي لؤي عندو الخدمة قبل سهريات و جو أدم عكسو مايحبش الأجواء الرسمية يحب ديما من بار لبار  اما فيهم حاجة مشتركة الي هوما مايمشيوش بالمضاهر عكس سي كريم و مدام نورهان هذاكا علاه برسمي لتو منيش مستوعبة الي هوما ينجمو يعملولك حاجة كي هكا سي أدم قداه من مرة يدافع على البنات و سي لؤي زادا كيفو يحترم الناس الكل
سناء _ افففففف ميساء منحب نسمع على حياتهم شي انا تو عندي مهمة لازم نركز عليها انا هربت من ميتم باش نرجع حقي و نعيش حياتي كهو خليني نقوم نرقد وقيت
ميساء _ حتى انا غدوا لازم نقوم بكري
.................................
صباح. جديد و أخبار جديدة  صوت تاليفونو ينوقص و هوا باعثو و مكمل في نومتو.... جرايد و تلفزة الاخبار على الإنترنت تصاور
نورهان _ هز يا أدم هز
كريم _ زايد موش باش يهز عليك شوف تو في انا بلايص راقد
هابط من دروج(لؤي) _ يزي بابا مايجيش هكا راو كلمت الاوتيل متاعنا قالولي الي طفلة غرقت و هوا روح بيها و طلعلها طبيب و بعد قال خرج بيه و رجع رقد في بيت الاوتيل الي مستانس يمشيلها ديما... يعني اكيد وصلها البارح و رجع
كريم _اي بعد الفضيحة هذي كيفاه باش يجي هنا؟؟
نورهان _لا لا مشات سمعتنا في بلاد بسبب ه طفل هذا.... ياخي موش قلتو الي باش يستلم منصب في شركة كيفاه باش يقعد عليه كرسي هذاكا بفضايح كي هكا
لؤي _ امي هدى روحك شوي قال مايحبش يخدم تو شنو تحب نعملولو نفكولو كل شي من يديه و نخليوه مطيش في شارع باش يتربى و يجي يخدم؟؟
نورهان _ اي علاه لا
لؤي _ امي بربي فاش تحكي قلت لكلام هذا كمثال راو
كريم _ امك عندها حق كان موش ناوي يريض من الفضايح متاعو لازم يصير هكا جربنا الحلول الكل و منفعوش معاه بقا كان حل هذا كان لزم يصير هكا
لؤي _ امي بابا يزيو بلا هبال كان نتوما توصلو تعملو حاجة كي هكا انا راو مستحيل باش نطيش خويا
نورهان _شمعناها يعني باش تعارض كلمتنا؟؟
لؤي _بطبيعة لا.... أما على خاطر خويا نعمل كل شي انساوها الحكاية هذي من مخاخكم يعيشكم انا هاني باش نمشيلو تنساوش اليوم عنا احتفال في شركة