عشقته_ وسط_الإنتقام🖤🏹

Part 13

#عشقته وسط الانتقام 🧸🏹
الكاتبة :vana Gabriel
الحلقة 13 :
قام على صوت تاليفون مد يديه جبدو و هز و هوا عينيه مزالت مغمضة
أدم _شكون
كريم _راقد مخسرتش حتى تحل عينيك اه؟؟
حل عينيه بشوي يلقاه بوه _ صباح خير ياخي كلمة هذي كي كبرتو نسيتوها ؟
كريم _لعنة الله عليك والله لا تحشمها.. تحرك فيسع في يديك ربع ساعة لازم نلقاك في شركة
أدم _ تي علاه جاي تو ماو لعشية
كريم _ قتلك ايجا خيرلك
علق عليه تاليفون و هوا رماه بجنبو _شنو العيشة القحبة هذي
قام دخل للدوش....
نورهان _ باز أدم كي باش يسمع هكا باش يركح و يريض كان يشد بلاصتو في شركة معادش باش يكون عندو وقت للصهريات و بطريقة هذي كان صارت حاجة سناء تنجمش تقربلو
كريم _نشالله يا نورهان نشالله... تو ها الفرخة هذي شمهربها بعد سنين هذي
......
وصل للشركة و طالع بكل وهرة تعدا لميساء
أدم _ بسست يا قطة Iced coffee فيسع يعيشك
ميساء _حاضر سي أدم
دخل للبيرو متاع بوه يلقى أمو و بوه و خوه قاعدين يستناو فيه
أدم _ هاي العائلة الكريمة ملمومة... أي فما شكون مات؟؟
نورهان _تنجم تترص احنا تلمينا هنا باش نحكيو معاك في موضوع مهم
قعد و حل ساقيه جابتلو ميساء قهوتو و خرجت
كريم _ انا خذيت قراري و باش نقلك عليهم من غير منلف و ندور... انا مايسعدنيش تصاور كل جمعة في جرايد نقصد فضايحك احنا بسمعتنا و نتي كل مرة ماشي و طيحلنا فيها... هذاكا علاه حبيت نقلك من اليوم لا عاد فما كراهب لا عاد فما فلوس لا بيت في اوتيل لا كريدت كارد من اليوم لازمك تخدم باش تلقى فلوس
نورهان _ هذاكا علاه عندك خلين يا تجي تخدم في شركة و تبقى بفلوسك يا نقصو عليك كل شي كيما قال بوك وانت اكيد باش تخطار صحيح شوف حتى خوك لؤي موافقنا في الكلام هذا
كابس على كأس القهوة لين عروقو بانو هز عينيه لخوه غزرلو غزرة متاع صحيح الكلام هذا؟؟ ياخي لؤي دور وجهو ميحبش يواجهو... يحس كان الكأس طرشق في يديه مشالو لؤي يجري كي شاف دم في يديه... ياخي دزو و قام بدا يعيط على طول صوتو
أدم _  هبط يديك عليا يعني ديرحلكم تشوفو فيا عبد عندكم تحبو تشريوني بقلوسكم