عشقته_ وسط_الإنتقام🖤🏹

مشاعر

#عشقته وسط الانتقام 🧸🏹
الكاتبة :vana Gabriel
الحلقة 12 :
خرج و خلاهم و هي تليفونها نوقص تلقاها خديجة من الميتم
نورهان _ الو خديجة على اقل انت تعطينا اخبار تفرح قلي لقيتوها الفرخة؟؟
خديجة _لا ملقينهاش قلبنا عليها اسطنبول كاملة اما فما حاجة... احنا شفنا الاخبار تاع ولدك اليوم
نورهان _ياخي انت شدخلك في ولدي انا راو نحكيلك على طفلة هذيكا قتلك لازم تلقاها
خديجة _يا مدام بربي خليني نكمل نحكي
نورهان _ تقريب طفلة الي يبوس فيها ولدك هي سناء
حلت عينيها على وسعهم و شدت قلبها _ شنو؟؟ ؟؟ انت متأكدة؟؟
خديجة _هي وجها موش ضاهر اما هذاكا شعرها و زيد طولها و مزلت منعرش
نورهان _به خديجة انا تو نعرفها شكون طفلة هذيكا
كريم _شفما ياخي شنو صار زادا
قعدت فوق كاناباي و خذات كأس ماء تشرب فيه و يديها ترعش تفجع مشا قعد بحذاها يعدي فيها
كريم _نورهان شفما ياخي
نورهان _طط.. طفلة الي ممم...مع أدم يضهرلي سناء يا كريم
حل عينيه على وسعهم _فاش تحكي لا لا مستحيل كان جات سناء راو أدم قلبها دنيا.
قامت حطة يديها زوز على شعرها _ هذاكا الي مخوفني كان يعرف أدم الي سناء حية و مامتتش والله يا كريم يقطعنا انت تعرفو قداه كان متعلق بيها و تعذب كي وصلو خبر موتها
كريم _مستحيل تكون سناء كان جات هي علاه متجيش و تطالب بحقها على ماتمشيش لأدم و لا لؤي و تطلب حقها
نورهان _منيش عارفة كل شي فلت من يديا لازم نلقاو حل
دخل للشركة بكل وهرة وخر شعرو لتالي
لؤي _ميساء قهوة العادة و خلط عليا ملف العارضة الجديدة
ميساء _حاضر سي لؤي
فيسع عملتلو قهوة و خلطت وراها بالملف قعدت على كرسي و بداو يناقشو في أمور الشركة
لؤي _نحب كل شي حاضر منحب حتى غلطة
ميساء _تهنى سي لؤي حكينا مع المصميمين في اوتيل اللي باش تصير فيه الحفلة و قالو كل شي حاضر
لؤي_يعطيك صحة... باش تجي عاد منحبش حتى تبرير
ميساء _بطبيعة هذا اول نجاح ليك و فرحتلك من قلبي
تبسملها... قامت باش تاخذ الأوراق من بحذاه ياخي ضربت ساقها على طاولة
ميساء _اححح... ساقي
قام فيسع من الكرسي _ تره خليني نشوف أقعد
قعدت و هوا هبط على ركبة و نص هزلها ساقيها بيديه زوز بشوي و بدأ ينفخلها على بلاصة ضربة.... تغزرلو و مهيش مصدقة اللي هوا قريب ليها لهدرجة يديه ناعمة كي الحرير و شعرو الي هابط عليه هزت يديه تحب تمسلو شعرو أما مترددة جات باش تبعد يديها.. هز راسو و جات يديها فوق شعرو بضبط... حلت عينيها على وسعهم تغزر لعينيه العسليين اللي فيهم لمعة و في نفس لوقت عينيه حادين... فاقت من سرحتها و بعدت يديها
ميساء _ سامحني سي لؤي
لؤي _ عادي مصار شي
جات باش تقوم و هوا عاونها _ توجع فيك؟؟
_لا لا ضربة صغيرة على طاولة متوجعش
_باهي سايس روحك مزلت حاشتي بيك راو نجم نعمل شي من غيرك
غزرتلو طول لعينيه كلامو أثر فيها ياسر تحس بنبظات قلبها ماشين و يتزادو خرجت فيسع من بيروه و مشات قعدت في كرسيها تتبسم و هي قاعدة تتفكر في كلامو