عشقته_ وسط_الإنتقام🖤🏹

العودة إلى الواقع

#عشقته وسط الانتقام 🧸🏹
الكاتبة :vana_gabriel
الحلقة 6 :
فاقت من خيال متاعها على notification وصلتها دخلت تلقاها من انستا أدم مهبط ستوري و هوا في salle de sport من غير مريول وزيد حط ليان تاع salle de sport
_هاذي فرصتي شنو باش نعمل تو
فيسع رمات تاليفون فوق طاولة و مشات لبست سروال بوي فراند مقطع في الأكحل توب  blnac و صبادري بلون كاسكات في نوار و هزت تاليفونها و المفاتح و خرجت خذات taxi
_بربي الأدريسة هاذي فيسع امان
خدم taxi و مشا للموقع الي عطاتهولو....
كان يهز في الحديد و عروق بدنو ضهرو عضامو المكبوسة البنات الي تترانا غادي مبعدوش عينيهم....لين جاه كوتش
_شنو آدم موش باش تلعب box
_لا لازمني نخرج تو ديجا عندي خدمة
_اك مالا نستناك غدوا
مسح العرق الي على جبينو و دخل لبس مريولو رش برفانتو هز مفاتح كرهبتو و تاليفونو و خرج تستنى فيه في وسط taxi  قدام salle de sport
_هههههههههه يعني وقت انا مطيشة في ميتم نغسل و نمسح انتوما عايشين بفلوس بابا
تشوف فيه خارج و ماشا طلع في كرهبتو و خدمها
_عيش خويا تبع الكرهبة هذيكا
_يا طفلة ياخي منين طلعتلي انت
_اااو مطولش لهدرة ماو باش نخلصك فيسع
_استغفرالله ي ربي
خدم الكرهبة و بدا يتبع فيه...... وصل قدام شركة كبيرة ديمارا كرهبتو و هبط منها بكل وهرة عينيه العسلية الي ضربت فيهم شمس ولا كي عينين الأسد.... مشا بخطوات ثابتين لين دخل للشركة....خلصت taxi و هبطت تغزر للشركة الكبيرة عينيها دمعت اما قحرة متاعها مازالت موجودة  تتفكر في كل شي خذاوه منها علاه حرموها سنين هذي الكل فاقت من سرحتها و مشات تخبات بين كرهبتو.....
دخل بكل وهرة للشركة ناس الكل مركزة معاه خاطر عندو حق فيها بنسبة 50% و قليل وين يراوه و بالأخص الي هوا موش كيفهم يجي بكوستيم ديما جو oversize....
آدم _خويا داخل
سكريتارا _اي سي آدم قال اول ماتوصل تنجم تدخلو
ادم_اك
دخل و قعد و خلطت عليهم سكريتارا _ تحب نجيبلكم حاجة
آدم _فما وسكي؟؟
سكريتارا _اااا هههههه اا لحقيقة لا
لؤي _موش في بار سي آدم راك تواضع معنا شوي و اطلب قهوة ولا حاجة أخرى
آدم _لا نحب شي ديجا درج و نخرج
لؤي _اك ميساء تنجم تخرج تو محاشتنا بشي
_حاضر سي لؤي
خرجت و سكرت الباب...
آدم _هي علاه قتلي ايجا
لؤي _ اي بشوي احكيلي فاش كنت تعمل
آدم _ كنت نترانا و باش نروح ندوش و نبدل حوايجي هيا خويا راني نفد ياسر من الأجواء الرسمية هذي و بالأخص شركة قلي فيسع ولا تنجم تجي لدار تو نحكيو
قام من الكرسي ياخي وقف على صوت خوه
لؤي _ارجع اقعد حاشتي بيك تو
آدم _هانا قعدنا
لؤي _ شوف آدم انت تعرف الي انا كنت واقف معاك ديما و ديما جاي ضد بابا الي انت مزلت صغير ولازمك تعيش حياتك كيما تحب اما تو معادش انت وقتك تو باش تاقف على ساقيك
آدم _ علاه ا زبي ريتني ناقف على يديا؟؟
لؤي _ يزيتش بلا ضمار زايد خليني نحكي... انت تعرف الي عندك 50 % من شركة معناها عندك أهمية هنا و انا منجمش نخدم وحدي لازمك انت تكون موجود
آدم _علاه تطول في الموضوع المطلوب شنو
لؤي _ اسمع ربك دمك البارد و تعوصيصك خليهم بعاد على زبي تعرفني فيسع نكرز المطلوب يا سي آدم تنقص من الوبنة و تجي تشد شركة معايا من غدوا
جبد تاليفونو و شاف الوقت _ نيك عمتك مترانيتش بالباهي اليوم و ريحتي عرق مامشيتش ندوش و جاي هنا باش تقلي لازمك تاقف على شركة يضهرلي موضوع هذا حكينا فيه قبل انا منيش مستعد باش ناخذ المسؤولية هذي
لؤي _بالك ماشي فيبالك نشاور فيك ولا نسأل فيك انا قاعد نعلم فيك هنا
قام من الكرسي و مشا حل الباب تكلم بكل برود _ وانا هاني قتلك جواب تاعي شنو
حل الباب و خرج  و لؤي بدأ يعيط _آدم آدم
طيش زوز دوسيات الي فوق البيرو و بعد نفخ طلب ميساء جاتو فيسع هزت الأوراق الي طاحو و حطتهم فوق البيرو _جيبلي قهوة
ميساء _حاضر سي لؤي
خرج من شركة و مشا بحذا كرهبتو و هيا تخبات كي شافتو نوقص تاليفونو هز عليه
_اا فراس..... تي اي اي مبعد مع 19 تاع العشية في البحر تي اي سهرية باش تكون على اليخت اك هيا نخليك
طلع في كرهبتو و مشلقش بطفلة الي تسمع فيه خدم كرهبتو و مشا و هيا فيسع قامت و رسمت تبسيمة على شفايفها
اسلام_اك ي روح قلبي نتقابلو العشية اليوم باش نخليك تشوفني
غزرت للشركة و تبسيمة خبيثة مرسومة على وجها رجعت خذات taxi و روحت