عشقته_ وسط_الإنتقام🖤🏹

فلاش باك

#عشقته وسط الانتقام 🧸🏹
الكاتبة :vana Gabriel
الحلقة 9 :
بدأت تحل في عينيها بشوي تشوف فيه واقف بحذا شباك و في يديه كأس وسكي يشرب فيه كحت ياخي دارلها ومشالها فيسع
أدم _ اا تستحق حاجة؟؟
سناء _ انا وين
أدم _متخافش....
سناء _اا تفكرت سامحني مقصدتش باش نعمل عركة ولا نورطك في حكاية كي هكا
أدم _مفما حتى مشكلة شوف انت حوايجك مبلولين الحقيق عنديش حوايج تاع نساء اما تنجم تلبس مريولي
مشا حل دريسنغ و جبدلها capuche تاعو مدهالها و بقا واقف هزت عينيها و هوا مزال مركز مع وجها هز حاجب و هبط حاجب
أدم _ياخي نعرفو بعضنا؟؟
سناء _اا... لا لا منعرفكش
هز حاجب و هبط حاجب _وجهك موش غريب... اا سامحني بقيت نحكي و نسيت الي انت باش تبدل حوايجك هاو باش نخرج
خرج و سكر الباب تاع البيت _ممممم انا هي الي سرقتولها أملاكها مناضر
قلبت عينيها نحات الشوميز و جيب و لبست capuche  مشات جبدت منشفة و نشفت شعرها.... خرجت هز عينيه يشوف في أفخاضها البيض و كيفاه غاطسة في وسط capuche... جات وقفت قدامو
سناء _مرسي على كل شي و سامحني كان تقلقت
أدم _اا لا عادي مهم انت لباس.... خليني نوصلك؟؟
سناء _ اا لا لا ميسالش تو نتصرف
أدم _هيا نوصلك من غير تكسير راس
نهبطها معاه طلعها في كرهبة و شوي وقت و وصلها للحومة
سناء _ مرسي مرة أخرى
أدم _بينتناش.... اا تنجم تقلي اسمك؟؟
سناء _ اسمي سناء
حل عينيه على وسعهم رجع بيه اسمها لسنين لتالي الإسم اللي منجمش ينساه رجع بيه للطفلة الي حبها في طفولة
#فلاش باك
أدم _سناء ياخي تبكي؟؟
كانت قاعدة في بيت تبكي مشا قعد بحذاه يشوف فيها معنقة تصويرة
سناء _ اليوم صغار في روضة جابو أمهاتهم الكل كان انا 😭😭😭علاش مشات وخلاتني زعما هي متحبنيش هذاكا علاه مشات حط يديه على خدها و بعد شدها من يديها _ايجا معايا
سناء_لوين؟؟
أدم _هيا تو نقلك
هزت تصويرة و هوا شادلها يديها هبطو و خرجو للجردة قعدت هي وياه على الحشيش هز صبعو يأشر للنجوم
أدم _شوف امك تنجم تكون نجمة من نجوم هذي و امك اصل قاعدة تغزرلنا
سناء _ ككك... كيفاه ؟؟
أدم _بابا قلي الي اي روح باش تطلع لربي معناها امك تغزرلنا من فوق و اكيد باش تحزن كي تشوفك انت تبكي
سناء _اما انا توحشتها برشا يا ادم😭😭😭
حط صوابعو صغار على وجها يمسحلها في دموعها
أدم _ علاه مالا انا هنا؟؟ ماو كي باش تتوحشها باش تعنقني انا
ضحكت بكل براءة و عنقتو (سناء) _انت موش باش تخليني موش هكا
أدم _لا مستحيل نخليك
#نرجعو
ضحك من غير ما يشعر و حاسس قلبو دغدغو كي سمع الاسم هذا
سناء _ قتلي حاجة؟؟
ادم _ اه... لا لا شي تفكرت حاجة و كهو
سناء _ باش نهبط انا تو نعاود نقلك عيشك على كل شي
أدم _بينتناش تستحق حاجة كلمني
هبطت من الكرهبة و روحت دخلت للدار رمات مفاتح فوق الفرش وشدتها ميساء بالحديث