عشقته_ وسط_الإنتقام🖤🏹

الرعب من الحقيقة👀✨

#عشقته وسط الانتقام 🧸🏹
الكاتبة :vana_gabriel
الحلقة 4:
وصلت قدام الدار خرجتلها ميساء خلصت taxi و عنقتها
_توحشتك والله
_حتى انا.... ميساء نحب ندخل نعمل دوش حسا ريحتي جيفة
_هيا هيا ادخل دوش و ايجا نفطرو في بركون
دخلت عملت دوش و خرجت لبست بيجاما في الأزرق و مشات قعدت تفطر هي و ميساء...... كانت هي و بون في بيتها
_زيد خوذ شوميز هذي انا معادش نلبسها
_عيشك مدام
كانت تشوف في دبشها الي معادش باش تلبسو و تعطي فيه للبون لين نوقص تاليفونها كي رأت اسم الي يطلب فيها ضيقت عينها
_تنجم تخرج تو باش نحكي و بعد نعيطلك
بون_حاضر مدام
سكرت الباب و هزت على تاليفون _وي؟
_مدام نورهان منعرش كيفاه باش نقلك اما...
_اما شنو احكي
_سناء هربت من ميتم
حلت عينيها _شنو؟؟؟ كيفاه هربت؟؟؟ كيفاه تخليو حاجة كي هكا تصير فهمني علاه نعطي فيك في فلوس انا اي ويني تو باز لقيتوها
خديجة _لا يا مدام نورهان اما مازلنا نلوجو و كنت باش نطلب شرطة
_شنو كنت باش تعمل لا رد بالك ياخي شنو متفاهمين احنا الكلنا فيبالنا الي سناء ماتت مع عايلتها ملازم حد يعرف الي هيا مازالت حية و كان تقول للشرطة باش يجيو هنا و يسألونا وقتها ولادي باش يعرفو الي انا كذبت عليهم سنين هذي كل باهي خديجة نتوما ابقاو لوجو و انا تو نشوف حل
_باهي مدام
علقت و رمات تاليفون على فرش _لا يا ربي لا
هزت مفاتح كرهبتها و خرجت فيسع
منية (البون الكبيرة) _ شبيها مدام نورهان خرجت مزروبة
مريم (البون في عمر 23) _ منعرفش كانت تعطي فيا في دبش و بعد جاها تاليفون و هاك ترا خرجت تجري و وجها اصفر
🤍هيا وقيت تو نعرفكم على شخصياتنا المهمة في كرونيك بطلة الكرو سناء عمرها 16 سنة شهر جاي تولي 17 طفلة مزيانة حنينة مهبولة و عنيدة عندها خيال واسع بوها و امها ماتو و هيا عمرها 5 سنين عينيها خضر و شعرها حرير.... ادم بوقوس طفل بقلاوة بزايد شحور عسل يقطر أقل وصف اني نقولو فماش طفلة متتضربش في زينو عينيه عسلين بدن مسكل طويل شعرو ديما يتطايح على عينيه اي ستيل يلبسو يطلع عليه كل طفلة حلمها باش يكون عندها صاحبها كي هكا عمرو 24سنة صاحب جو يحب سهريات و الخرجات مكمل قرايتو و ناجح فيها دمو بارد و باعث العالم الكل ينيك يحب عايلتو و بالأخص خوه ديما تصاورو هابطة في جرايد و كل مرة بحكاية..... خوه لؤي 27 سنة طفل محلاه كعك ورقة بنين و يتڨرمش ميبعدش على خوه بدن و جو محلاه ياسر مكمل قرايتو يخدم في شركة بوه (مدير تاع شركة خاطر آدم مايحبش الأجواء هذي ياسر) عاقل و ستيل كلاسيكي .... مدام نورهان أم آدم و لؤي في ضخامة تقلك انا في وهرة تقلك انا في ثيقة في نفس تقلك انا في طموحات و تكبر تقلك انا عمرها 44 سنة اما تضهر في 33 طويلة (موش ياسر) ضعيفة شعرها اصفر اما مرا قوية نقطة ضعفها الوحيدة سناء (تو تفهمو علاه مع الأحداث)تمشي ياسر على موضة ولاهية بروحها .... سي كريم راجل عمرو 50 سنة لباس عليه عندو 3 شركات شركة مواد تجميل شركة اعلانات و شركات ملابس بطبيعة عندهم بوتيكات كبار و هوما الي لاهية بيهم مدام نورهان زوز اوتيلات 5 نجوم من أكبر اوتيلات في اسطنبول زوز مطاعم كبار و عندهم زوز فيلات و مزرعة كبيرة مختصر عايلة غنية (اما زعما فما حكاية وراء الأملاك هذي الكل؟؟ كي العادة نخليكم تكتشفو كل شي مع الأحداث😉)
وصلت لشركة ركحت كرهبتها و هبطت طلعت فيسع لبيرو سي كريم و دخلت
_شبيك وجهك هكا؟؟
دخلت سكريتارا وراها _مدام تحب حاجة
_كاس ماء
_حاضر مدام
كريم _ نورهان شبيك ياخي
_خليني نرتاح
جابتلها كاس الماء و خرجت و سكرت الباب
_سناء
_علاش تحكي عليها تو
_سناء هربت من ميتم
_شنو شقلت
نزلت على سنيها _بنت خوك هربت من ميتم
_ملا حكاية اي مدام لقاوها قلهم معادش يخليوها تأخذ راحتها و هي كيفاه هربت
_وانا شنو يهمني كيفاه هربت الي يهمني كيفاه باش يرجعوها
_مافهمتش و علاش مايرجعوهاش
_خاطر ملقاوهاش
دخل عليهم لؤي _امي شكون الي ملقاوهاش؟
حلو عينيهم على وسعهم و بقاو يغزرو لبعضهم