عشقته_ وسط_الإنتقام🖤🏹

الشعور بالحرية🕊️🕊️

#عشقته وسط الانتقام 🧸🏹
الكاتبة :vana_gabriel
الحلقة 5 :
لؤي _شبيكم سكتو ؟
نورهان _قلي يا طفل ياخي من وقتاه تسمع في حديثنا من وراء الباب
لؤي _ فاش تحكي امي؟؟ من وقتاه عندي فازات هذي؟؟ سمعتكم و انا نحل في باب و زيد هاك ضاهرة وجهك اصفر.... ياخي شنو الحكاية الي ملقاوهاش
كريم _ شركة امك ذهب ملقاوهاش
لؤي _ اي لوج تو تلقاها من وقتاه تضيع انت
نورهان _اي اي تو كنت باش نقول لبوك الي انا تفكرت وين حطيتها و هاني ماشيا
لؤي _ امي متأكدة هذي الحكاية؟؟
_اي ولدي ياخي شنو باش تكون و انت وينو خوك
_مشا يترانا و هاو باش يجي
كريم _حكيت معاه؟؟ بخصوص شركة؟
لؤي _لا مزلت تو كي يجي نحكي معاه اما 100% موش باش يوافق
كريم _لازم تتصرف طفل عمرو 24 سنة موش صغير لازم يترأس شركة و يبدا يخدم على روحو
لؤي _باهي بابا تو نحكي معاه انا ماشي لبيرو تاعي عندي حسابات لازم نشوفهم
خرج و سكر الباب _باهي يا نورهان تو معنى منعملو و منضنش كان طفلة هذيكا مازالت متفكرتنا كانت صغيرة وقت حطيناها في ميتم
_اما كان ترجع و تولي تطلب في حقها؟؟
_متنجمش تأخذ الي تحب عليه بسهولة
_اما كان يفيقو أولادك الي احنا كذبنا عليهم انت تعرف الي هوما كانو متعلقين بيها كي كانو صغار
_هاك قلتها كي كانو صغار تو كبرو و نساو كل شي يزي معادش نحب نسمع اسمها برا امشي تو انتي و معادش تخمم في الحكاية
هزت ساكها و خرجت تعدات لل boutique متاعها
________
_سناء هيا انا تو لازمني نقوم ملازمنيش نوخر على لخدمة
_ربي معاك حبيبتي... خلي عليك انا تو نضم طاولة
_مواه ي روحي تو بعد نتعدا ناخذلك دبش اننن حقا هوكا كان جعت طيب خوذ راحتك و كان فديت هوكا عندي pc متاعي و كاسك حط غناء و حل انستا ولا تفرج خوذ راحتك دار دارك حببتي
_ميساء صدقني منعرش كيفاه باش نرجعلك مزية متاعك
_يزي يا طفلة ما بينتناش هوكا كان تستحق حاجة كلمني الأحسن ما تخرج من دار باز راهم يلوجو عليك تو
_اي اي تهنى
باستها و خرجت دخلت كملت فطرت و بدأت تنضف في دار و عاملة جو غمضة عينيها و راحت إلى عالم الخيال السحري متاعها ✨ عصافر تدق على شباك بيتها حلت الشباك و دخلو حطولها ورود الياسمين مع بعضهم فوق شعرها غزرت لروحها في مراية لابسة روب في الأبيض من عصر الفيكتوري و حمامة بيضة محلاها قاعدة تغزرلها بدأت تغني و عاملة جو تدور في دار و تشطح تتخيل في أمير وسيم و الي هيا في غابة كبيرة الأمير هبط على ركبة و نص و مدلها يديه موسيكة تحطت و فراشات تعداو من فوقها حطت يديها على يديه قام و قربها لبه حط يديه على حزامها و الأخرى في يديها مقربها ليه و يشطحو في عالم آخر   شدها من يديها و بدا يجري و هيا معاه وقفو بحذا البحر الأزرق الهادي و نورس يحلق من فوقو الغيوم الي توزعت في سماء شادلها يديها و هيا غطست مع المنضر الجميل😭❤️
فاقت من خيال متاعها على صوت ميساج الي جاها في تاليفونها