عشقته_ وسط_الإنتقام🖤🏹

الهروب من الميتم ✨

#عشقته وسط الانتقام 🧸🏹
الكاتبة :vana_gabriel
الحلقة 2 :
تعداو سوايع و نجوم ترسمو في سماء كأنهم كواكب صغار و القمرة الي بضوء متاعها تحس روحك كأنك في عالم آخر الليل و سكون متاعو  و هواء يلعب على شعرها... لبست capuche متاعها و هزت  صبادريها في يديها و تمشي بشوي على اطراف صوابعها ناس الكل راقدة حتى ملي يخدمو غادي 2:30 تاع الليل هبطت للباب تلقاه مسكر بالمفتاح
_اوووف ي ربي شنو باش نعمل.... عنديش حل آخر كان نهبط من شباك
عاودت طلعت للبيت فما كان شباك هذاكا من غير حديد اما هذا شباك عالي ياسر طيشت  صبادريها  فما شجرة بحذا الشباك لازم تنڨز باش توصللها كيما تنجم تطيح خذات نفس و خرجتو و غمضت عينيها و حلتهم
_انت تنجم هذا يا سناء تنجم لازمك تخرج ليوم من هنا
طلعت فوق شباك و نڨزت كانت باش تطيح و فيسع شدت في غصن تاع شجرة قلبها يدق بالقوي خايفة لا تطيح و معادش تنجم تهرب... شدت في شجرة بكل قوتها و ولات تهبط بشوي لين وصلت للقاعة.... مهيش مصدقة الي هيا خرجت تغزر يمين و يسار و ولات تتبسم وحدها
_لا لا باز  نحلم منين نمشي تو
لبست صبادريها و بدأت تجري من غير متتلفت وراها.... تمشي في أحياء تركيا قاعدة تتبنن في نسمة الي تلعبلها بخصلات شعرها الي خارجين من capuche noir تلوج ملقات حتى taxi و حتى عبد باش تسألو على البلاصة ضربتها رأسها بيديها
_حتى انت يا سناء مبهمك 2:30 شكون باش تلقا في شارع اوف ي بهيمة اوف
هزت تاليفون تطلب في ميساء _ قوم ي ميساء قوم
مهزتش علقت و حطت يديها زوز في جيبها و قاعدة تمشي وين باش تهزها ساقيها مهيش عارفة وين تمشي اما المهم الي هيا خرجت تو تستنى صباح و تعاود تطلب صاحبتها...... كان يحكي مع صحابو هز عينيه يرا فيها كيفاه تدور في رأسها في شارع و تمشي
_سناء؟؟؟ شتعمل هنا سناء؟
ضيقت عينها _ امين؟؟
_سناء؟؟
_الله الله
دارت بشوي _ملا زهر احرف
و بدأت تجري
امين _ الأولاد شدوها شدوها
يجري وراها.... تجري و موش عارفة منين تخاف لتدخل في بلاصة مسكرة و يشدوها و يرجعوها للميتم.... تجري في وسط الحوم و هوا وراها
_سناء أقف سناء
نڨزت من صور تاع مدينة الملاهي الدنيا ضلمة دخلت بين الألعاب الموجودة غادي... بطبيعة هوما مراوهاش و كملو يجريو في طويل.... تخبات بين الكراهب المتضرابة و قلبها قريب يسكت من الفجعة و الخوف
_مصيبة كيفاه خرجت طفلة هذي
.... _شكوني هذي؟؟
_طفلة هربت من ميتم لازم نطلب مدام خديجة
شافت بشوي تلقا مفما حد جبدت تاليفون من جيبها و طلبت ميساء
_امان ي ميساء قوم قوم
تاليفون ينوقص و هي راقدة.... خرجت من بلاصتها و رجعت تتمشى في الحوم مع الحيط في ضلمة باش ميشوفها حد تلقى روحها في parking كبير معبي كراهب جات بحذا زوز كراهب و تخبات......................
تعدا الوقت و طلع صباح الصباح إلى باش نبداو بأحداثو الجديدة و المثيرة الأحداث الي باش تقلب حياة برشا ناس و من هنا باش تبدأ رحلتنا في انتقام البارد  🖤
قامت على صوت راجل يعيط تتحسس في رقبتها واجعتها
_ياخي موش تسمع فيا قوم من بحذا الكرهبة لتتمسخ
قامت فيسع _اااي شبيك تعيط علاه باش تتمسخ تره اغزرلي نضهرلك طفلة مسخة ؟؟ اما نقلك حاجة انت خامج اصل (ضربت الكرهبة برجليه) نشالله تتفلق و تو تخرالي
_شنو المهبلة هاذم على صباح
خرجت من parking طلبتها ميساء📞
ميساء _ سامحني سناء والله ماشلقت بيك كي طلبتني
سناء _ عادي اااي
ميساء _ شبيك ياخي صارت حاجة
سناء _ شي رقبتي وجعتني من نوم على القاعة
ميساء _ ماتقوليش خرجت؟؟
سناء _تي اي يا بنتي مهم ناخذ taxi و نجيك اما معنديش فلوس
ميساء _موش مشكل يا بنتي تو نخلصها انا هاو باش نحضر الفطور
علقت تاليفون و خذات اول taxi عرضتها