رواية أقدار

البارت ٢

لفت وجهها بخوف لما سمعت صوت جدتها على الباب :،ساره !
وش هذا ؟!
وش عملت بشعرك يا مجنونه؟!
اقتربت منها والشرار يطلع من عيونها
وقفها كلام ساره بنبره باكيه منكسره : ما عملت شيء ؟!
خلاص راح شعري
وطالعت جدتها والدموع على خدودها: خلاص الابله ما رح تضربني !!
وتخليني اجلس عند الزبالة !،
وما رح تتعبين لما تغسلين شعري وتمشطيه
وابتسمت بألم : كذا افضل
طالعتها وهي حاضنه شعرها وشكلها يكسر الخاطر
تقدمت وجلست على الارض : :وش اسم هذي الابلة ؟!
ساره وهي تمسح دموعها وصوت محبوح : ابله هدى
وقفت الجده بغضب وسحبت ساره من يدها : غبيه وهبله طول حياتك كذا !!
متى تستخدمين عقلك هذا ؟!
ما اقول إلا الله يعيني عليك قومي معي اشوف
صرفه لشعرك هذا !
**
**
**
**
ناظرت أم سعيد : اكثر من كذا ما ينفع
معي أعدل شعرها
هزت ام سعيد رأسها وهي تناظر ساره وشعرها طوله 1سم اقصر من شعر العيال : الله يعطيك العافية
ناظرت ساره نفسها بالمرايه وصارت تبكي
ام سعيد وقفت بغضب: تستاهلين
شوفي كيف خربتي شعرك ؟!
امشي قدامي اشوف امشي
طلعوا وساره تمسح دموعها : يمه متى يرجع شعري ؟!
ام سعيد بجمود : يبغى له وقت !
ساره بخيبه : كذا اصير مو حلوه !
والبنات يضحكوا علي !
ام سعيد تتكلم بدون ما تناظرها :،انت حلوه بكل حالاتك
ابتسمت بطفوله : يعني انا الحين حلوه مثل عيشه ؟!
ام سعيد وقفت ونزلت لمستواها : انت احلى بنت بالعالم كله
توسعت ابتسامتها ساره بفرح ونسيت موضوع شعرها وطبعت قبله على خد جدتها : شكرا يا احلى ام بالدنيا
همست الجده بحزن والدموع بعيونها : الله يرحمك يا مها
وتابعت طريقها للبيت وقلبها يتمزق من الحزن على ابنتها الي فقدتها بيوم وليله
**
**
**
عائشه فتحت الباب وعقدت حواجبها باستغراب : مين انت ؟! وش تبغى ؟!
ساره ضحكت بطفوله : انا ساره يا دبه ما عرفتيني ؟!
عائشه فتحت عيونها بصدمه : ساره ؟!
ليه قصيت شعرك ؟!
دخلت ساره بابتسامة : على الموضه !
عائشه رفعت حاجب باستنكار : غبيه !
ساره هزت رأسها بضحكه طفوليه : جدتي قالت لي حلوه !
عائشه : الا قولي بشعه جوكر تقرفين وغبيه
وبغضب : ليه تقصينه ؟!
أكيد جدتك البخيله قصته حتى توفر مويه وشامبو
قاطعتها ساره وهي تهز راسها بالنفي : لا مو جدتي انا قصيته بنفسي
عائشة بتحقيق : وش قالت جدتك ؟!
أكيد ضربتك صح ؟!
ساره ابتسمت وهي تناظر نهى تطالعها باستغراب : لا ما ضربتني ما ادري وش صاير بالدنيا ؟!
واشرت لنهى بيدها : نهى
تقدمت نهى باستغراب : وين شعرك ؟!
عائشه عفست ملامحها وهي تناظر نهى : يعني وين شعرها اكيد قصته !
وش هالاسئله الغبيه ؟!
وبعدين وش دخلك فيها ؟!
نهى ضربت عائشة على رأسها : انت اخرسي
ما كلمتك !
عائشه هجمت عليها وضربتها بظهرها : الله يأخذك
بعدوا عن بعض لما سمعوا صراخ ابو سعود : نهى ،عائشه
تقدم منهم بنهر : صغار بعدكم ؟!
عائشه تخصرت بقهر: هي الي بدأت !
نهى بانفعال : انت
قاطعهم بحده : خلاص ولا كلمه
عائشه تتريق : كلمه ولا حرف
ابو سعود خزها بعيونه :عائشه
وسلط نظره على ساره : وانت يالمخبوله وين شعرك ؟!
ساره ضحكت بطفوله : راح
عائشه :،بابا ابغى اقص شعري مثلها
ابو سعود مط شفته : نعم ؟!
عائشه تعيد : اقص شعري مثلها علشان نصير مثل بعض
نهى : والله لأقول لماما عنك !
عائشه بنظرات ناريه لنهى : قولي لجد جد جد ابوي ما رح اخاف
ابو سعود خزها بقوة: ما تخافين مني ؟!!
عائشه ابتسمت وناظرت ساره : قولي لبابا وش دائما اقول عنه بالمدرسه !
ساره هزت رأسها وناظرت ابو سعود : حرام دائما تقول تخاف انك تضربها لأنك حمار وغبي
وتضرب مثل المتوحش
وبخيل و
ابو سعود مسك عائشه من اذنها :انا لازم اقص لسانك انا حمار ؟!
عائشه رفعت يدينها تشرح : لا مو قصدي إنك حمار
قصدي إنك تضربنا قبل ما تفهم السالفه مثل الحمار
وقلت غبي لأنك حتى لو فهمناك السالفه ما تفهم
شد أذنها أكثر وبعدها تركها ما يدري وش يقول لها عقلها ضارب وما تعرف تتكلم مثل الناس
كم مره نبه عليها توازن كلامها بس ما في فائده
رح يستخدم اسلوب ثاني : اوكي يا عائشه
لأنك ما تحترميني
ما رح أخذك معي الحين للألعاب
وخليك منطقه هنا
عائشه ببراءه : كذاب انا سمعتك الحين قلت رايح عند صديقك
حمر وجهه منها هذي البنت مستحيل تطلع معها بنتيجة : أنا كذاب ؟!،
تعالي معي يا ساره رح أخذك معي للألعاب لوحدك
ساره ابتسمت بفرح : صدق ؟!
رفع حاجب بعدين نازلات تكذيب فيه : ايه صدق يلا تعالي
ساره بفرح : بس أقول لجدتي أول
ابو سعود وهو يشوف نظرات عائشه بين مصدق ومكذب طلع باتجاه الباب : يلا تعالي الحين نقول لها وبعدها نروح
هزت رأسها وطلعت معه بفرح مو مصدقه نفسها واخيرا رح تروح للألعاب
ناظرت ابو سعود بعيون تلمع من الفرح تتمنى لو أبوها عايش وتروح معه
شعور جميل متأكده بقرار نفسها أبو سعود يبغى يعوضها عن ذيك المره
وصلوا باب بيتهم ناظرته بابتسامه : انادي جدتي علشان اقول لها
نزل خلفها وقبل ما تدخل مسك يدها : لا تكوني صدقتي يالخبله ؟!
تراني مو فاضي للبزران ادخلي عند جدتك
واذا سألتك عائشه عن الالعاب تقولين لها إنك رحتي معي
ويا ويلك إذا ما قلتي لها كذا
ما رح اخليك تلعبين معها فاهمه ؟!
ناظرته بخيبه بعد ما كسر أحلامها : تكذب علي ؟!
ابو سعود ضحك باستخفاف : اه كذبت عليك يالمثاليه انت وصديقتك الخبله
وضحك ضحكه قصيره وتوجه للسيارة وغادر
المكان
واقفه تناظر السياره بصدمه ليه ضحك عليها ؟!
وش ينقصه لو أخذها معه ؟!
فتحت الباب وهي تحس الغصه بحلقها
دخلت البيت وجلست عند جدتها بهدوء
ام سعود ناظرتها بطرف عينها وللحين مقهوره على شعرها : علامك رجعت ؟!
هزت رأسها وبصوت خنقته العبره : مليت !
طالعتها بعدم تصديق تعرفها لو يطلع بيدها تنام عند عيشه ما قالت لا والحين تقول ملت !!
متأكده انه ام سعود طردتها كالعاده : بما انك ملانه قومي اعملي شيء اشربه
وقفت بطاعه وتوجهت للمطبخ بهدوء
جهزت الشاهي وتوجهت لجدتها حطته قدامها ورجعت جلست بهدوء
تناظر التلفاز مع جدتها اخذت نفس وسألت : يمه
ناظرتها ام سعود : نعم ؟!
ساره مو عارفه تصيغ السؤال : ابوي مثل عمي سعود
يعني
وسكتت مو عارفه توصل سؤالها
ام سعيد عفست ملامحها بقرف : ابوك العايب وش جابه على بالك ؟!
مطت شفتها ما تدري ليه لما تسألها عنه تقول نفس الكلام وما تجاوب ردت بصوت كله حنين لابوها : نفسي اشوفه
ام سعيد :،وش تبغين بالشوفه ؟!
الله لا يجيب ذيك الساعه الي وافقت على زواج مها منه
ساره مو فاهمه شيء : طيب كيف شكله ؟!
ام سعيد تقفل على الموضوع : قلت لك ما اتذكر شكله وانتهينا ؟!
قومي حلي واجباتك احسن لك من القرقره
وقفت بدون اعتراض ومن داخلها ضيق
ليه مو من حقها تعرف ابوها ؟!
عالأقل تشوف صوره له !
حتى امها ما تعرف شكلها !
بس وصفتها جدتها لها !
تتمنى تسأل جدتها عن اهل ابوها بس تخاف
من رد فعلها !
تحس نفسها تعيش بغموض ما تعرف شيء
**
**
**
**
في اليوم الثاني
ام سعيد بالإدارة والشرار يطلع من عيونها : ما رح اسكت لها
ما لها صلاحيه تضرب البنت وتحطها عند الزباله
المديره تحاول تهدي الوضع : خلينا نحل الموضوع بتفاهم
ام سعيد بغضب : ما في تفاهم !
شوفي البنت كيف عملت بنفسها حتى ما تضربها المعلمه !
صارت تكره تروح للمدرسه والسبب حضرتها
وأشرت على الابله هدى
المديره أعطت هدى نظرات قويه وبعدها ناظرت
ام سعيد : حقك علينا وان شاء الله ما يتكرر
قاطعتها ام سعيد : انا الحين طالعه للوزاره ورح اشتكي عليها وهي تعرف انه الضرب ممنوع بالمدرسه
هدى وجهها احمر : بس ساره رأسها
قاطعتها المديره : خلاص يا أبله هدى
وناظرت ام سعيد: خلاص امسحيها بوجهي
وبإذن الله ما رح يتكرر
ام سعيد نطقت  بقوة: بشرط إنها تعتذر لساره قدام البنات
عن طريقة تعاملها
المديره هزت رأسها بهدوء : وهذا الي راح يصير
بدون ما تقولين
المفروض يا ابله هدى تتصرفين تصرف ثاني
بدون اهانه الطالبات
ابتسمت ام سعيد بنصر مع انه بداخلها نفسها
تمسح فيها الارض
**
**
**
عائشه بابتسامة : كفو جدتك والله
مع اني ما احبها بس عجبتني
ساره بفرح : وأخيرا ارتحت من هالشبح
صارت تبتسم لي كلما تشوفني
عائشه بتذكر : انقلعي يا دبه
البارحه رحتي للألعاب وتركتيني !
وبرطمت شفتها بزعل
ساره ناظرتها بخيبه : اي ألعاب ؟!
أبوك البخيل طلع كذاب !
عائشه بدهشه: قولي والله ؟!
ساره بقهر : وهددني اذا قلت لك يمنعني ألعب معك
عائشه بقهر : ويهدد بعد ؟!
تخيلي لما رجع يقول لي إنك انبسطتي بالألعاب
وكل يوم رح يأخذك معه !!
ساره بطفوله : ابوووووك يالكذب
واليوم قلت لجدتي وضربتني تقول وش مطلعك
معه لوحدك !
عائشه رفعت حاجب : خايفه يخطفك ؟!
اصلا بابا قرفان شيء اسمه بنات
دوم يقول لو يطلع بيدي كان بعتكم وخلصت من ازعاجكم
ابتسمت ساره وما علقت
عائشه كملت بحماس : وش رأيك تتغدين عندنا ؟!
ابتسمت ساره للفكره وهزت راسها بالموافقة
**
**
**
**
دخلت عائشه البيت ومتحمسه :ماما ماما
دخلت الصاله وناظرت ابوها : ماما ماما
ابو سعود حط الجريده : وش فيه ؟!
عائشه طنشته وهي متحمسه  تنادي أمها: ماما ماما
طلعت ام سعود من المطبخ وتنشف يدينها : وش فيك ؟!
عائشه تتكلم بسرعه : وش طبختي ؟!
رفعت ام سعود حاجب باستغراب : ليه تسألين ؟!
عائشه مستعجله : بسرعه احكي يا ماما
ام سعود : ما طبخت اليوم
قاطعتها عائشه بصرخه : لااااااااا
بسرعه ماما اطبخي عندنا ضيوف واعملي كبسه
بسرعه بسرعه
ام سعود باستغراب : مين الضيوف ؟!
ابو سعود وقف باهتمام : مين جاي ؟!
ام سعود تلبكت : والله ما أدري
وضربت على جبهتها : حتى المجلس اليوم ما رتبته
وناظرت عائشه باهتمام : مين الضيوف ؟!
عائشه بفرح : عزمت ساره على الغداء
قطعت كلامها لما شافت نعال امها موجه لها وتفادت الضربه
ام سعود بغضب : قسم بالله ازنخ منك ما شفت
انقلعي انت وساره برا اشوف
ابو سعود رمقها بقرف: جايه تركضين ضيوف ضيوف ضيوف
وبالاخير
طلعت ام القمل ؟!
عائشه انحرجت وأشرت لأبوها بصوت منخفض : وطي صوتك بابا ساره برا الحين تسمعك !
ابو سعود بسخريه : لا ما اقدر خايفه على مشاعر
سوير الوسخه !
ليه من متى عندها احساس وكرامه؟!
تطردها من الباب تطلع لك من الشباك !
اقول انقلعي على غرفتك وقولي للقرده الي برا
تنقلع لجدتها
هذا الناقص والله !!
و رجع انسدح على الكنبة
ام سعود واقفه تناظر عائشه : تعالي خذي ساندويشه لها
عائشه بقهر واحراج من تصرف أهلها : ما أبغى
تفكرينها متسوله على بابك ؟!!
وتركتهم وطلعت لبرا
ناظرت الحوش ما شافت ساره انقهرت اكيد سمعت كلام ابوها
دخلت للبيت وبعصبيه : راحت بسببكم
ابو سعود بلامبالاه : بقلعتها
**
**
**
**
كانت واقفه تسمع عائشة وهي تقول لاهلها
عندهم ضيوف والبسمه على محياها
تنتظر عائشه تقول لها تتفضل
ابتسمت بطفوله وهي تتخيل ام سعود تطلع
وترحب فيها
وابو سعود يقول لها كل يوم تعالي تغدي عندنا
فتحت عيونها بصدمه من رد فعلهم !!
تذكرت جدتها ما استأذنت منها
طلعت من بيتهم وتحس بحلقها غصه
وتقنع عقلها الصغير يمكن ما معهم فلوس يعملوا غداء وانحرجوا منها !!
دخلت بيتهم وهي تحس بداخلها ضيقه!!
اخذت نفس قبل ما تدخل على جدتها وتحس خاطرها مكسور بعد كلامهم
ام سعيد وهي تحط الغداء : علامك تأخرتي ؟!
يلا بسرعه غسلي وتعالي تغدي عملت لك كبسه
تقربت من جدتها وفتحت عيونها بصدمه : كبسه ؟!!
وركضت باتجاه المطبخ تغسل ونسيت سالفة
ابو سعود
جلست تتغدى وهي مو مصدقه دوم تسمع عائشة تقول امها طبخت كبسه
اول مره تذوقها مستغربه كيف جدتها عرفت تطبخها ؟!
ام سعيد هزتها من كتفها : ارفعي جسمك وكلي شوي شوي حنا مو بسباق
ساره هزت رأسها ورجعت تكمل أكل بنفس الطريقه
تخاف الاكل يختفي بأي وقت
**
**
**
ابو عزام طالع اسيل : انتبهي على إخوانك
اسيل تأففت: ليه ما اخذتهم امي عند جدتي؟!
ابو عزام كمل بدون ما يهتم لضجرها : قولي لعزام يرجع امك لاني مشغول
وطلع وتركها تتأفف
قاطعه رنين الجوال رد بهدوء :وعليكم السلام ......الحمد لله بخير ....والله يمكن اسبوع ما شفت خلف !! اكيد بالبر جواله مقفل .....والله ماادري هالانسان كيف يفكر ؟!! .......ان شاء الله مع السلامه
قفل الخط وهو مستغرب إلحاحه انه يكلم خلف
ما يدري وش سالفتهم ؟!!!
**
**
**
**
جالس قدام الحلال ويفكر كيف يجمع اكبر قدر من الفلوس
طلع جواله حتى يتصل وهو يفكر يبيع كم رأس من الغنم
عقد حواجبه لما شافه مقفل ؟!
شغله واول ما شغل رن جواله عقد حواجبه ورد بصوت خشن : هلا ......الحمد لله ...جوالي مقفل .....ايه طيب وش فيك ؟.......انا عند الحلال.........اليوم او باكر يمكن ارجع ما ادري ليه
.........نعم ؟!
اسمع مو فاضي لذي الخرابيط .........ما ابغى اسمع .....متى ما ماتت جدتها نروح نجيبها
وغير كذا ما عندي !...... بلا خلف بلا بطيخ .......روح انت انا بالنسبه لي ساحب يدي عن الموضوع .....ولا مستعد ارسل فلس واحد ما معي ......هذا انت قلت عرضنا على جدتها ورفضت خلاص بكيفها ........لا تقهرني بكلامك ..... يصير خير ......خلاص قلت لك افكر وارد عليك ....سلام
قفل الخط بغضب هذا الي ناقصه
وعلى طول اتصل يكمل شغله بالحلال
احسن له ....
**
**
**
**