رواية أقدار

بارت ٥

#لله در الحسد ما أعدله بدأ بصاحبه فقتله #

**
**

متربع على السرير والأوراق مبعثره قدامه
ويكلم بالجوال : الحمد لله بخير !
صالح بضحكه : شفت ولد خالك وش منزل على صفحته ؟ !
عزام عقد حواجبه باستغراب : مين ولد خالي ؟!
صالح : علامك مسطول مهند ولد خالك محمد !!
هز رأسه : وش منزل أصلا ما أدخل صفحته !
صالح بضحكه صغيره،: تراه ولد خالك انهبل نزل صورة خالتك على صفحته
قاطعه وهو معقد حواجبه باستنكار : وش تقول ؟!!!
خالتي !!!
وخالي محمد يدري وزوج خالتي اميره يدري ؟!
وبعصبيه كيف ينزل صورتها هالديوث ؟!
عقد صالح حواجبه باستغراب : زوجها ؟!
اي زوج ؟!
عزام بغضب : تراها متزوجه وعندها عيال !
قاطعه صالح بضحكه : وين راح تفكيرك،؟!
ترى أنا أقصد خالتك الصغيره!
عزام بإنكار : أنا ما عندي خاله صغيره !
ما في غير خالتي أميره !
رد باستغراب : مو جدك تزوج وعنده بنت صغيرة !
ضحك عزام بسخريه : قصدك ساره !
بس هذي مو خالتي !
صالح عقد حواجبه : كيف مو خالتك ؟!
يا غبي خالتك ! علامك اليوم مسطول !
قاطعه عزام بملل: يا غبي مو خالتي !
انت الي مسطول !
وقسم بالله لو تطلع خالتي لأنتحر !
وضحك بسخريه
صالح بتحليل : يا غبي
الحين امك رضعت من ام محمد صح ؟!
عزام يكمل معه بسخرية: ايه
صالح يتابع : وصارت اخت لعيال ابو محمد
من الرضاعه !
عقد حواجبه عزام وهو عافس ملامحه: طيب!
صالح : الحين هذي الصغيره تكون أخت امك يا خبل !!
عزام بنرفزه من غباء صالح : وش مفطر اليوم انت ؟!
هذا انت قلتها امي رضعت من جدتي ام محمد
مو من ام ساره علشان تكون أختها !
صالح متأكد وبتحدي : روح إسأل أي شيخ
ورح تشوف إذا ما كانت أخت امك!
عزام بنرفزه : أقول طير من هنا تراك نرفزتني بكلامك
سلام
وقفل الخط وهو يفكر بكلام صالح بس مستحيل تكون خالته
لان ام محمد هي الي أرضعت أمه مو أم ساره !!
جمع الأوراق وهو يفكر بذي السالفه
تذكر إنه مهند نزل صوره لساره
أصابه الفضول يشوفها
فتح جواله وأصابته الصدمه وهو يشوف الصوره
ساره حاظنه الغنمه ومبتسمه ولافه الشال على رأسها ولابسه فستان لنصف الساق تحته بلوزه لنصف الساعد
ضرب جبهته بقهر : الله يأخذك يا مهند على ذي الصوره فشلنا !!!
عدل قميصه وقرر يطلع يكلم أمه بكلام صالح !!!!
***
***
***
مر الاسبوع على ساره وهي تشعر بالفرح وتقضي وقتها مع الغنم
ام محمد ومها طول وقتهم عند الجيران
ونادر طول وقته نوم وأكل !
نادر مستلقي تحت الشجره وهي تراكض خلف الغنم وتسرح فيه
اقتربت من الغنمه ومسكتها وهي تكلمها : أنا زعلانه منك ليه ما تجلسين مع صديقاتك ؟!
أشرت بيدها الصغيره : شوفي صديقاتك مؤدبات وما يبعدن عني !
قاطعتها الغنمه : ماااااع مااااااع ماااع
ساره عقدت حواجبها : تبغين مويه ؟!
بحركه سريعه ركضت الغنمه عنها فتحت ساره عيونها باستنكار
قاطعها صوت نادر : ساره يا ساره
ناظرت وركضت باتجاه نادر بحماس : نعم !
نادر اشر جنبه بكسل: اعطيني علبة المويه !
ناظرت ساره العلبه جنبه لو يمد يده يمسكها
بحياتها ما شافت بكسله وخموله
أعطته العلبه بابتسامه : تفضل !
نادر وهو يتثاوب : اسمعي ارجعي البيت وجيبي الغداء هنا
والا أقول لك خلاص جيبي هالخبلات وتعالي
اشر على الغنم بسرعه !
هزت رأسها وراحت تركض بحماس
ونادر يناظرها باستغراب من وين تجيب الطاقه والحماس !!
ما في كلمة كسل بقاموسها !!!
**
**
**
**
**
**
ابو عزام باستغراب : والله سألت مشايخ كثير و قالوا إنها اخت أم عزام !
ابو راكان : والله أنا مو داخله برأسي كل الوقت وأنا احسب إنها مو أختها !
لأنها راضعه من أم محمد !
وناظر ام عزام : وش شعورك والحين طلع لك أخت !
ام عزام ابتسمت : أهم شيء خلف ما يدري
عز الله إلا يرميها علي !
عزام وهو ينافخ :،يا ليتك ما شربت هالحليب الي ربطك بالعائلة المتخلفه !
سلمان باعتراض : والله لو تموت ما أقول لها خالتي !
أنا أكبر منها !
اسيل بابتسامه : والله طلعت ساره خالتي !!
ام راكان مو عاجبها : لو تسألون مره ثانيه !
ابو تالا : يا يمه يعني نسأل ألف شيخ علشان تقتنعين ؟!!
ام تالا بضحكه تناظر ام راكان : ليه متضايقه يعني كنت راسمه تزوجيها لعيال ابو عزام !!
ام راكان عفست ملامحها : هذا الناقص نأخذ أخت المتخلفين !
وإلا البنت ما عليها كلام حبوبه وهاديه !
طالع عزام جدته وهو منقرف من سيرتها
اسيل بتأييد : صادقه يا جدتي البنت حبوبه
صح ماما ؟!
هزت ام عزام راسها بهدوء بدون اي كلمه !!
ابو راكان : مسكينه هالبنت بس تبغى تعيش
تركض خلف الحنيه !
تبغى اهتمام بس حظها رماها على إخوان فاشلين !!
عزام بسخريه : وش رح تطلع يعني !!
اكيد فاشله وغبيه مثل إخوانها !
ابو راكان وهو يناظر للبعيد : عندي إحساس غير !
بتشوف هذي البنت رح يكون لها مستقبل باهر
بس انتظر ورح تشوف بعيونك !
ابو عزام هز كتوفه : هذي دنيا كل شيء فيها جايز !!
ام راكان تطالع زوجها : وش قلت خلينا نروح نزور أختي محمد !
ابو راكان وهو ماسك أعصابه : وبعدين ؟!
انا لو يطلع بيدي كان تبريت منهم وانت تراكضين خلفهم ؟!
وتركهم وطلع حتى ما يفتح باب النقاش
عبست ملامحها عندها فضول تروح لذي القريه
ناظرت ولدها ابو عزام وكأنها تشكي له
هز رأسه بتفهم : رح احاول أقنعه بس ما أوعدك !
وتركهم وطلع بهدوء خلف أبوه !
**
**
**
**
ام محمد جالسه بإستمتاع طول وقتها عند جارتها ام هزاع جازت لها سوالفها
وما تعجبها إلا الجلسه معها وما تمل منها
عندها سوالف وقصص غصب عنها تنجذب لها
هزت رأسها بإنصات لأم هزاع وهي تلومها : خبله وليه تركتيها من البدايه عند إخوانها ؟!
خذيها إنت وخليها تشوف نجوم الظهر !
وخليها تخدمك طول عمرها !
ام محمد بخبث : ومين قالك رح ارجعها لإخوانها؟!
تراني حلفت بنفسي إلا اخذ حقي من أمها عن طريقها !
وأطلع كل القهر والوجع الي بداخلي فيها !
حطت ام هزاع يدها على فخذ ام محمد وتكلمت بوجع : جايه تقولي لي هذا الكلام ؟!
تراني جربت الطبينه ووجعها !
للحين ما نسيته محفور بقلبي !
وأشرت على قلبها !
ام محمد بحقد : حسبي الله على الرجال
ام هزاع :،ما قلت لي من وين تعرف زوجك على ام ساره ؟!
ام محمد عفست ملامحها بكره : الله يأخذها
والله ما عرفت كيف لعبت بعقله وتزوجها !!
ام هزاع بحماس : وش كان رد فعلك لما سمعت بزواجه ؟!
ام محمد وهي تناظر للجدار وكأنه الماضي ينعاد قدامها : لما وصلني الخبر كان له متزوج شهرين
انجنيت قلبت الدنيا فوق تحت
حتى زوجي ما كان عنده الشجاعه يرجع البيت على سواد وجهه
بعد يومين عمل حادث ومات .
ام هزاع ضحكت بشماته : ما تهنى بالعرس !
ام محمد بحقد : خله حرق قلبي قبل ما يموت
وبنبره حزينه : تبغين الصدق قلبي محروق على فقدانه للحين!
حسبي الله عليها خربت علينا حياتنا !
ام هزاع : طيب وش صار على ضرتك ؟!
ام محمد بخبث : ارسلت لها اخوي
الله يرحمه
وهددها اذا ما تنازلت عن كل شيء الا نأخذ الي في بطنها !
وتنازلت بدون اعتراض !
وسمعت انها ماتت بعد الولاده وفي ناس قالوا
انها تركت البنت عند امها وهربت
ما احد يدري وش الصحيح !!
وحنا ما سألنا ولا فتشنا لانها ما تهمنا
اهم شيء انها تنازلت وما لها شيء عندنا !
تابعت كلامها بزفره : حتى سمعنا انه عمرها اقل من 14 سنه
مطت شفتها بقهر : شفتي المسخره ؟!!!
صرت علكه بحلوق الحريم !
حسبي الله عليها !!
ام هزاع بقهر : وش تحس فيه الحريم لما يسرقون الرجال من زوجته ؟!
**
**
**
**
في اليوم الثاني
سمعت صوت سياره استغربت وطلعت وقفزت بفرح : خالتي ام راكان
وركضت على السياره قبل ما توقف
سحب بريك ونزل من السياره وهو معصب : الله يأخذك !
الله ستر وإلا كنت تحت العجل !
غبيه انت تركضين على السياره قبل ما توقف ؟!
نزلت رأسها للحظات للارض وحز بخاطرها كلامه
من شوقها لهم ما انتبهت
اخذت نفس ورفعت راسها وابتسمت بطفوله : اسفه عمي عزام !
وركضت له وحضنته بقوه : كيف حالك ؟!
ناظرها وهي حاضنيته بقوه مسح على رأسها وهو منقرف بس ما حب يكسر بخاطرها
اسيل خلفهم : ما تبغين تسلمين علي ؟!
ابتعدت عن عزام وتقدمت لها بلهفه وشوق
سلمت عليهم بفرح : تفضلوا خالتي داخل ؟!
ام راكان رافعه حاجب : من صدقها ام محمد تاركه العالم وجايه لذي الخرابه ؟!
دخلوا وساره تبغى تطير من الفرح بشوفتهم : وين خالتي أم عمار ؟!
جودي وهي تناظر المكان : ماما رفضت تيجي،!
ليان : كيف عايشه هنا :!
غبيه ارجعي معنا ؟!
ساره تبغى تهرب معهم بس ام محمد جالسه لها بالبلعوم ردت بفرح عكس الي بداخلها : عادي
حلو الجو هنا !!
ام راكان عجبها مناخ هالقريه وطبيعتها وتفكر تقنع زوجها يبني بيت كبير بذي المنطقه !
**
**
**
**
جالس بالحوش ويناظرها وهي تنظف بزريبه الغنم ابتسم بسخريه وبنفسه متعوده ساره على حياه الفقر !
ورجع يكمل مكالمته بمسخره : لو تدري انا وين ؟!
رد الطرف باستغراب : وين ؟!
ابتسم وهو يفتح الكاميرا ويصور المكان مباشره : شوف هذا بيت ولد عمك نادر !!
وعلق بسخرية : على فكره خالي نادر حسسني انه مشتري فيلا !
رد وهو مستغرب من المكان: من جدها خالتي ساكنه هنا ؟!
عزام وقف : خليني اراويك خالتي الصغيره !
اقترب من ساره : وش تعملي !!
ناظرته ساره وابتسمت : انظف !
تبغى شيء اجيبه لك ؟!
عزام رجع يتكلم :،شفتها
قاطعه وهو يضحك : قول قسم هذي خالتك ؟!
كذاب !!
مستحيل !
ورجع يضحك من جديد
عزام : حتى تتأكد شوف
ناظر ساره : وش اسمك ؟!
ردت ببراءه وبابتسامه :عمي عزام ناسي اسمي ؟!
عزام هز راسه : ايه ناسي
بلا قولي وش اسمك ؟!
واسم إخوانك !!
ساره ناظرته باستغراب وابتسمت : اسمي ساره
اخواني
خلف ومحمد ونادر وفي كمان اخت
حطت اصبعها في فمها : نسيت اسمها !
وبنبره ضياع : بس ذول الي اعرفهم !
رجع يتكلم : صدقتني الحين !!
ضحك باستغراب : والله مو مصدق !
ونادى بصوته : عبود تعال شوف عزام وش يكذب !
عزام قاطعه : جعلكم ما صدقتم !
اتصلوا بجدتي ام راكان وإسألوها !!
الحق علي اكلمك وانت تكذبني !
انقلع
وقفل الجوال
وعفس ملامحه بقرف وهو يشوفها تنظف وسخ الغنم وريحة الغنم تفوح
يعد بالثواني يرجع مل من المكان وقرفه
زفر بضيق ودخل عند جدته وهو عافس ملامحه !!
**
**
**
**
جودي ملتصقه بجدتها ام راكان بخوف وهي تناظر الغنم : يمه تخوف !
ساره وهي تمسح على ظهر الغنمه وتضحك : ما تخوف !!
ليان عفست ملامحها بقرف : يعووووووو
ام عزام وقفت بعيد عن الباب بخوف : ساره ابعدي عنها يمكن فيها امراض ؟ !
ام محمد واقفه جنبها بتمني : ان شاء الله يمكن تفطس هالساره وأبرد حرتي فيها !
ام عزام بضيق : حرام عليك يمه !
وش رأيك أخذها عندي ؟!
ام محمد وهي تناظر ساره بحقد : انسي سالفه إنها اختك انسيها !
ترى كل السالفه مو داخله عقلي،!،
هذا الناقص أنا أرضعك وأتعب عليك وتصيرين أخت هالخبله ؟!
والتفتت لها بحزم : انسي مجرد تفكير تأخذينها او واحد من إخوانك !
خلاص صارت ساره تحت مسؤوليتي وأنا المسؤوله عنها !
ام عزام كتمت وما حبت تجادل
وسلطت نظرها على ساره تحاول تقنع جودي وليان يقتربوا من الغنم !،
عزام ناظر جدته ام راكان : تأخرنا يا جده
نحتاج وقت حتى نوصل !
ام محمد تقدمت باعتراض : انتظر ابغى اعرفها على ام هزاع !
عزام سحب يد ام راكان : عز الله راح ننام هنا !
امشي يا جدتي على السياره !
تركت ساره الي بيدها وطلعت من الزريبه لما سمعت إنهم رايحين
تحس قلبها انتفض تبغى ترجع معهم !
من لما جاءت هنا ما لعبت كل وقتها مع الغنم
وتنظف البيت !
ركضت خلفهم عند السياره تبغى تدس نفسها بين البنات وتطلع
قاطع خطتها يد عزام بعدتها عن السياره : وين ؟!
ناظرته والغصه بحلقها تبغى تبكي تصرخ
ما تبغى هالمكان شجعت نفسها تعبر عن الي بداخلها وتقول له يأخذها معهم : انا ابغى
بس في شيء قاطع كلامها وهي تطبع اصابعها على خدها الصغير : ومن متى لك رأي ينسمع ؟!
انقلعي داخل اشوف !
ناظرت زوجة ابوها وداخلها مخنوقه من تحكمها فيها !
ممنوع تبدي رأيها أو تقترح أو تبرر !
لازم تنفذ بدون اعتراض !
ام راكان تنرفزت من ام محمد : ليه ضربتيها خلها تقول!
وناظرت ساره : وش تبغين ؟!
اخذت نفس ساره وهي تعود نفسها يكون الوضع ريلاكس !
ولامت نفسها وهي تستحقر نفسها مين هي حتى تطلب أو تقرر الروحه من نفسها !
ابتسمت بس مهما كابرت تظهر ابتسامة الألم والقهر فيها : أبغى أقولكم مع السلامه !!!
سحبتها ام محمد من فستانها بتحقير : جايه تركضين علشان كذا ؟!
صدق إنك مختله عقليا !
غبيه خبله !
انقلعي أشوف للداخل !!
اقتربت ام عزام سلمت على ساره وباستها على جبهتها : مع السلامة
اسيل ابتسمت واشرت لها : سي يو
جودي : تعالي معنا
قاطعها عزام وهو معصب ومستعجل : انقلي داخل السياره !
هذا الناقص علي !
تنثبر هنا !
وتوجه للسياره مستعد يتحرك !!
ناظرتهم وهم يبتعدون تحس قلبها طلع من مكانه تبغى تلحقهم !
سحبتها أم محمد للداخل : بسرعه نظفي الغرفه !
هزت رأسها بطاعه بدون ما ترد لو فتحت فمها
رح تبكي وما رح تمسك نفسها !!
هذا قدرها تعيش مع زوجة ابوها !
***
**
****
***
***
جالس بمكتبه يقلب بالاوراق قاطعه رنين الجوال
رد بهدوء وخلال ثواني انقلبت ملامحه وهو يسأل :ايش اي طريق؟!
وانقطع الاتصال .....
وقف بقلق وهو يشوف ساعته قريب أذان المغرب
قلبه قارصه من هالمشوار!
وبسرعه بحث عن رقم اسيل واتصل
**
**
**
**
طلعت عائشه  من البيت بحرص وهي تشد على الورقه
بقوه حسب التعليمات
شافته واقف قريب من البقاله وأشر لها بيده ابتسمت له وتوجهت بدون ما تنتبه للعيون الي لمحتها
وقبل ما تقطع الشارع سحبها من الخلف من كتفها ولفها لها وهو مستغرب خروجها وقت المغرب حتى ما انتبهت له سألها بتحقيق : وين رايحه ؟!
ارتبكت لما شافت ابوها وبسرعه خبت الورقة خلف ظهرها : للبقاله !
شك بحركتها وحس إنها تخبي شيء عنه وبحزم : وش معك ؟!
هزت راسها: ولا
قاطعها قبل ما تكمل وهو يسحب يدها بقوه
وفتحها !
عقد حواجبه وهو يشوف ورقه بيضاء مطويه
معطره !!
وما ترك مجال للتفكير عن محتواها
بسرعه فتحها
وبدأ وجهه يتغير ويتحول للأحمر من أول حرف الى آخر حرف بالرساله !
يحس الدنيا أظلمت بوجهه والسماء أطبقت فوقه
فتح أول زر من قميصه وهو يحس بالاختناق
كيف صار هذا الشيء ؟!
من متى ؟!
لذي الدرجه مغفل ؟!
قبض كف يده وعصر الورقه وكل الغضب
تلبسه
ناظرها بصوت غاضب وعيون تقدح شرار : لمين هذي الورقه ؟!
رجعت للخلف خطوه وهي تشوف نظرات أبوها أول مره تشوفه كذا !
ما تدري وش بالورقة حتى حولته كذا ؟!
ردت بخوف لما هزها بقوه حتى تجاوب : نهى أعطتني إياها قالت لي أعطيها لنواف
وأشرت على مكانه قبل شوي
بس استغربت لما ما شافت أحد
وقبل ما تلتف لأبوها صرخت وهي تحس يدها رح تنقطع وهو يسحب فيها بإتجاه البيت !
بكت بصوت راجي إنه يتركها ...
بس ابو سعود سيطر عليه غضبه وما عاد يميز شيء !
دخل البيت وأول ما وصل الصاله
رماها على الأرض بقوه
ونزل فيها ضرب وعائشه تصرخ وتبكي وتستنجد بأمها
طلعت ام سعود على صراخهم وانفجعت وهي تشوف زوجها يضرب بعائشه
حاولت تبعده عنها صرخ عليها ؛ اتركيني اقولك !
صرخت ام سعود وهي تشوف صغيرتها تسقط على الارض لا حول ولا قوه لها
وبسرعه دفت زوجها وحضنتها وهي تمسح على وجهها : ماما قومي !
أبو سعود بدون رحمه صرخ: جعلها تموت وهي وأخواتها وارتاح منهم
وبصرخه اقوى نادى : نهى نهى
كانت واقفه قريب من الصاله بس من الخوف ما قدرت تتحرك
شخصت عيونها وهي تشوف أبوها
فوق راسها
وما ترك لها فرصه تحكي أو تبرر
كل شيء واضح قدامه !
وهو المغفل الي المويه تمشي من تحتيه وما يدري عنها !
سحبها للغرفه وقفل الباب وهو يشوف اسماء بالغرفه !
زفر بقهر وغضب وهو يتوعد فيهم !
يبغى يبكي من القهر أصعب شعور العرض
لما تحافظ على بناتك وتتفاجئ بتصرفات طايشه
تنزل رأسك بالارض !
صرخ صرخة موجوع بأعلى صوته : والله ما ارحمكم !!!