رواية أقدار

بارت ٧

وكبرنا وانقضت أحلامنا ....
بيدينا ندفن الحلم الجميل......
«»
«»
«»
«»
»

مرت الأيام والسنين بحلوها ومرها
والصغير كبر وصارت الأيام الماضيه مجرد ذكريات عابره ....
ذكريات نتمنى ترجع من جديد حتى لو كانت قاسيه ومؤلمه ....
الطفوله أجمل مراحل الحياه ويذبحنا الحنين لتلك الطفولة .......

**
**
**
**

ساره
هزيت رأسي و أنا أطرد ذكرى يوم زواج أسيل لأنها تنعاد اليوم....خلاص حفظت السيناريو
لما تصير أي مناسبه وزواج فجأة تدب بخالتي أم محمد صلة الارحام وتتذكر نادر
ولازم تزوره!!
كل هالفيلم حتى ما أحضر العرس بالضبط نفس الي صار بزواج اسيل تركتني عند نادر ..ورجعت مع خلف  بدوني حتى ما أفرح بالزواج...
ولما انتهى الزواج أرسلت عمي عزام والحمد لله قام بالواجب وزياده زفني طول الطريق على اساس خبرته خالتي إني رفضت أرجع معها ....ما أدري وش تستفيد لما تعمل كذا !!
زفرت بضيق هذا الأسبوع زواج جودي وليان ربنا رزقهم بإخوان توأم !!
وقفت على طولي وأنا أسمع صراخ خالتي تستعجل فيني !
كل شيء عندها بالغصب بحياتي ما شفت انسانه متسلطه مثلها !!
أدري الحين تفكرون إني تغيرت وشخصيتي قويه
وساره الهبله ماتت !!
أبشركم ساره الخبله على قولتهم بعدها عايشه وتسلم عليكم
حملت أغراضي بقلة حيله... وطلعت قبل ما تطلع وتذبحني افففف نيرانيه ما عندها شيء اسمه هدوء !
مثل ما توقعت واقفه متخصره وتناظرني كأني ذابح أهلها : سنه حتى تجهزين !!!
من زين خشتك عاد !!
قاطعتها بإعتذار : آسفه خالتي
مطت شفتها بقرف وهي تناظرني بتقييم : يخلخل عظامك قولي آمين !
ابتسمت على جملتها للي دوم احفظها غيبا : امين
أعطتني نظره قويه : تلقي وعدك
عزام الي رح يأخذنا !!
شهقت وأنا امشي للخارج بسرعه يا فضيحتي الحين ألقاه نار مشتعله فتحت الباب بسرعه بدون ما أناظره وقلبي يدق بسرعه
نقزت على صرخته : مثل الهبله مدرعمه عندي
!!
روحي قفلي باب البيت تاركيته مفتوح !
ناظرت خالتي وهي تبتسم جاز لها صراخه علي
وبسرعه ركضت بإتجاه البيت لما صرخ : تحركي !!
***
***
***
ضربت الدريكسون بعصبيه : يعني يا جده ما يصير هالكلام صار لي نص ساعه بالسياره انتظر !!
ردت جدتي بمسكنه : والله يا وليدي أنا جاهزه من زمان بس ذي العوبا اخرتنا !!
ناظرت ساره وهي متوجه لنا مستعجله
يا أخي مشيتها تضحك ما أدري كيف تمشي !!
يمكن اقرب تعبير تمشي بطريقه عبيطه يدينها يتحركوا مع رجولها بطريقه ملفته للانتباه !!!
هالبنت مسكينه وقلبها طيب وخبله احس فيها
عرق هبل لا تناظروني كذا !
دوم تضحك وتبتسم غريبه عجيبه ما عندها مصطلح كشره أو حزن !!
ناظرتها بالمرايه بعد ما ركبت ناظرتني وابتسمت : انا اسفه يا عمي على التأخير!!
ابتسمت بسخريه للحين تناديني بعمي مع إنها خالتي !
مو قلت لكم خبله !!
حطت جدتي يدها على كتفي : حرك يمه ولا تلتفت لها بنت (ابنة)الشايب
شفتها تناظر جدتي وتبتسم شبح ابتسامه
احسها تتحسس من هذا اللقب مع إنها ما عمرها تكلمت !
حركت وأنا اسمع سوالف جدتي المكرره ما في شيء جديد
وكل فتره استرق النظر لها تناظر من الشباك وساكته أحسها ما زالت طفله صغيره بتصرفاتها العفويه الكل يحبها  وقدرت تكسب محبة الجميع ...ما عدا شخص واحد
اكيد عرفتوها
جدتي الله يسامحها !!!
**
**
**
**عائشه
جلست على السرير بضجر كان اليوم متعب بالمدرسه !!
متى اتخرج من المدرسه وأدخل الجامعه !!
البيت ممل هذي الأيام !
ماما اغلب وقتها مجتمعه مع حريم اعمامي !
ونهى و اسماء تزوجوا !!
لا تنصدموا !
احسهم بسرعه طاروا من البيت يا حظهم !
اخخخ لو يسمعني بابا إلا يعلق حبل مشنقتي
بنات اخر زمن
نرجع لسالفتنا : طبعا بابا كمل دراسات عليا
والحين دكتور بإحدى الجامعات !!
يا خوف قلبي بعد وقت يتزوج على ماما ويقول ابغى وحده بمستواي العلمي !!
تتوقعون ابو سعود يعملها ؟!
تدرون يمكن يتحجج بالعيال بما إنه ماما ما خلفت إلا سعود !
اكيد يبغى اخ لسعود !
حطيت يدي على راسي مكان الضربه وعفست ملامحي متفاجئة: ماما
ردت ماما بغضب لانها سمعت كلامي ما شاء الله علي اتكلم بصوت عالي  : جعلك تعرسين وزوجك يطق فوقك ثلاث !!
فتحت عيوني باستنكار : لاااااا حرام عليك ماما
اسحبي الدعوه !
ردت علي بغضب : أجل جالسه تطلعين لأبوك أعذار علشان يتزوج !!!
حكيت رأسي وأنا مبوزه : يا ماما أنا اتوقع للمستقبل بس انت فهمت غلط
أشرت علي وهي عافسه ملامحها : خلاص اسكتي !!
وبسرعه نظفي المطبخ قبل ما أدخله لأني ما رح اسكت لك !
ابتسمت بشقاوه : نظفت المطبخ يلمع لمع !
وغمزت لها !
خزتني بعيونها بعدم تصديق: ولا ملعقة أبغى اشوف
لميت كتوفي وأنا أتمسكن : بس ملعقه وصحن
شفتها سكتت وهي تتحلطم : مستحيل تكملي شغلك لازم
قاطعتها بابتسامه : أنا يا ماما لما أترك شوي من الجلي علشانك لما تتدخلي المطبخ تلاقي شيء تتسلين فيه
وبسرعه ركضت قبل ما تضربني بالنعال
سمعتم وش قلت ؟!!
بالنعال !!
لا والمشكله يطلعون بالتلفاز يغنون : يمه يا نبع الحنان ...
اتوقع خربطوا بالكلمات لازم يغنون يمه يا نبع
الاجرام !!!
لا تطالعوني كذا ترى امزح بس لحظه سؤال
كيف يجتمع الحنان مع الضرب بالنعال !!!!!