بداية صراع الأبناء

البارت الخامس عشر

بسم الله الرحمن الرحيم

----------

كانت راقده أرضا بتعب وهي تشعر بالجوع والعطش حتي ابيضت شفتاها وشحب وجهها لتفر الدماء منه وهي تشعر بصداع شديد يكاد يفتك بها ومعدتها التي تؤنبها علي تركها كل ذلك الوقت بدون طعام وكذلك تشعر بالبروده نتيجه جلوسها علي أرضا صلبه بارده في حجره مظلمه والان هذا هو الحصاد لما فعلته...

انتهي الوقت لتسمع صوت بالخارج ثم فتح الباب ودخول شيث وهو ينظر لها بجمود وصدره يعلو ويهبط ويتنفس بعنف شديد ولكن خيم علي ملامحه الحزن والألم وكذلك القلق لرؤيتها هكذا ليتجه لها سريعا هابطا لمستوها وقال بحنان:انتي كويسه...

نفت برأسها وقد تساقطت دموعها لتخرج منها كلمه واحده بندم:اسفه...

نظر لها بغموض ولكن حملها بحنان لتشعر أنها بأمان الان وتقول وهي تنظر لها بخجل وتعب أيضا:انا جعانه اوي...

اومأ بهدوء بدون النظر وتحرك للخارج بجانب الأشخاص الواقعين أرضا وذهب للقصر وجد الجميع نائما ليصعد لغرفه ويضعها علي الفراش ثم يهبط ويصعد مره اخري بطعام وماء ويضعه أمامها قائلا بأمر: خلصي اكل وخشي خدي دش ونامي...

اومأت وقالت بحزن وهي تنظر أرضا:انت عرفت مكاني ازاي...

نظر حوله يتجاهل النظر لعيناها وقال بجديه:البنات اتصلوا بيكي ومردتيش واصروا اني اكلمك وأما معرفتش حاولت اعرف مكانك من الفون وكان قريب من المكان اللي جبتك منه....

شعرت بخجل من معاملته لتقول بحزن:شيث انا محتاجه اتكلم معاك...

نظر لها وقال بنبره حاده:مفيش كلام ما بنا يا دانه وانا حجزتلك طياره علي اليمن عشان ترجعي لعيلتك فنامي وحضري نفسك لبكره...

نفت برأسها وهي تبعد الطعام وتقف أمامه ممسكه بيده وقالت بترجي:عشان خاطر اغلي حاجه في حياتك تسامحني يا شيث انا اسفه ومش هكررها تاني..انا دلوقتي بشتغل في صيدليه تانيه ومش عايزه القديمه ولا عايزه اي حاجه غير انك تسامحني عشان خاطري...انا تايهه من غيرك ومش هقدر ارجع اليمن لو رجعتني هموت...

ابعد يدها بغضب وقال بقوه:انا رجعتك انهارده وانقذتك من أيديهم عشان انفيكي من حياتي واشيل شعوري بالذنب مش اكتر وانا دلوقتي خلصت ضميري من ناحيتك ومش مستعد اسامحك أو انك تفضلي حواليا فعشان كده سفرك بكره هو الحل الوحيد يا دانه ومتحاوليش لاني خلاص قررت...

شعرت بالذعر لتقول بتوتر حاولت أن تخفيه:خلاص انا هخرج من حياتك بس مش هرجع اليمن...

تعجب وقال بهدوء:مش هينفع تعيشي كده لازم تفضلي وسط اهلك...

ابتعدت عنه بضيق وتحدثت بنبره غريبه:انا مش هرجع دي حياتي وانا حره وبالنسبه ليك فأنت فعلا عملت اللي عليك وانا بعفيك من اي حاجه تانيه أو شعورك بالمسئوليه من ناحيتي واوعدك اني ساعتين تلاته بس وهمشي من هنا ومش هتشوف وشي تاني بس انا عايزه انام شويه وبعد كده همشي....