بنت الشاوية

الجزء التاسع

نهار الجمعة صباح فاقت احلام على صوت عياط باباها هبط تجري تشوف واش كاين حتى وصلت لقات شيخ كبير يعيط على يماها و باباها مسكين يهدر غير بشوية ما يقدرش يعط
الحاج: كييييفاااااش تقبلي بواااااحد متعرفيش اصلو من فصلوووووو اااااه
راحت شدت يماها
احلام:وشبييييك تعيط عليها ااااه علاه راك تلوم فيها  ما شفتش روحك واقييييل بلي غلطتك
الحاج: اااااه يا ولييييدي هديييي هي تربيييتك تعيط على جدهااااااا بلا حشمة ولا حيااااااا
بصح معللللليييييش غلطتي غلطتي راح قعد فوق الكرسي و احلام عاونت يماها ناضت
الحاج :درڨي عليا وجهك ما نشوفكش و اسمعي نتي روحي معاها أو ولي ليا نهدر معاك
احلام شافت فيه شوفة كان جات رصاص راهي قتلاتو راحت وصلت يماها ملي ناضت ما لقات حتى واحد ما عدا جدها  سقسات يماها عليهم
احلام: عمومي ما جاوش معاه ؟
زهرة : لالا جاو و راحو باش يشوفو طبيب مليح لباباك و يتفاهمو معاه
شوية هكا حتى سمعاتو يعيط وييييينك يالقطة المتشردة مشي قتلك ارواحي
احلام: اووووف هدا واش خصو
زهرة :روحي شوفي جدك واش يسحق
راحت لعندو و هي تنسف
احلام : انعم غير الخير
الحاج:اهدري معايا مليح ما تنسايش راني جدك و كبير عليك
دورت عينيها متهربة منو لأنو علابالها بلي عندو الحق بصح مازالت كارهاتو على الجاست نتاع يسب يماها
دارلها إشارة باش تقعد قدامو و هدر
الحاج: ايه مالا نتي هي بنت محمد الكبيرة
احلام: ايه انا هي
الحاج : علابالك بلي باباك هو الكبير نتاع الدار
احلام حلت عينيها بصدمة و قاتلو: كيفاااش
تبسم من صدمتها
الحاج:ايه هو الكبير و نتي هي بنت البكر سما لازم عليك تولي لأهلك و تعيشي معاهم
احلام: لالا انا ما نجيش معاكم
شاف فيها بنظرة حادة و بدل الصوت نتاعو حتى خافت
الحاج:واش قلتي كيفاش هادي ما تجيش واقيل عنبالك رانا نلعبو
احلام:ناضت من قدامو و قالت :ما نحبش نجي  معناها ما نجيش و هربت تجري
هو بقا هكاك يشوف فيها
الحاج:الله يجيبهالي انا لي على كبري وليت ندير حساب للبز