بنت الشاوية

زيارة

سمعو الباب يدق راحت زهرة تفتح لقاتهم نفس الرجال و زاد جا معاهم واحد دخلتهم لعند محمد و رجعت للكوزينة
زهرة : احلام نوضي نوجدو قهوة
احلام: يشربو السم
زهرة: يا بنتي ربي يهديك هادوك راهم من لحمك و دمك
احلام: يما بركاي ما تهبلي فيا هادو وين نعرف جدهم انا حتى من لحمي و دمي و ين كانو كي مرض بابا اااااه يا ربي
حبست مالهدرة و بدأت تشوف في يماها شوفة فيها الشك جاتها لحظة إدراك
احلام: هادو شكون عيطلهم كيفاش عرفو الدار واااااش جابهم
زهرة وجها تلون و الهدرة تلفتلها
زهرة : يا بنتي الله يرضا عليك الله يرضا عليك اسكتي دوك يسمعوك
احلام: خلي يسمعووووني قتلك شكون قاللهم نتي قلتيلهم ااااه نتي
زهرة: الله يهديك يا بنتي باباك رآه مريض هو لي عيطلهم انا وين نعرفهم باش نعيطلهم
احلام: لاه عيط لجدهم دوك واش نديرو بيهم
زهرة: احلام راني صابرتلك اششششتتتت خلاص اطلعي بدلي حوايجك و ديري ازدالك و روحي حطيلهم القهوة هوما الوحيدين لي يقدرو يعاونو باباك
احلام بقات شوية تجمع في شتات نفسها اونفا طلعت غسلت روحها و بدلت حيجابها هي اصلا دايرة حجاب شرعي و عندها غير زوج حيجابات
هبطت للكوزينة رفدت السنيوة و دخلت عليهم وهي مهبطة رأسها لحت السلام
رجعولها السلام و حطت بدأت تفرغ فالقهوة
حتي نطق محمد
محمد : يا بنتي هادو هوما خاوتي
طلعت رأسها باش تشوفهم حتى لمحت بيناتهم هداك لي قريب عفسها صغرت عينيها فيها مام هو بقا مستغرب من وجودها ........