بنت الشاوية

الجزء13

قعدت تشرب في قهوتها بكل هدوء و تسمع لحديثهم لي كان عبارة عن تعاريف لتقاليدهم و عادات العروش
عمتها سوهيلة: احلام بنتي شحال عمرك
احلام : 17 سنة عمتي
رونق : يا نتي كثر مني بعامين
سوهيلة: ونتي تسنيم شحال عمرك
تسنيم:16 سنة
حتى نطقت عمتهم جميلة: احلام نتي وصلتي عمر الزواج و تسنيم كيف كيف ما مازلكش
زهرة وجهها تلون علابالها بلي عادات العرش هكا يزوجو لبنات صغار
زهرة : هه واش راكي تهدري ختي جميلة لبنات مزالو صغار
جميلة: لالا ما مازالوش صغار حنا عنا لبنات كي يجوزو البيام يخرجو مالقراية 17 سنة و 18 سنة يتزوجو خلاص
زهرة : يهديك ربي احلام عندها الباك و تسنيم عندها الثانية ثانوي
جميلة : شوفي التربية لي بعيدة على العادات و التقاليد كيفاش تفسد خويا طاح لوكان مشي المرض ما يخليهمش يقراو
سهيلة: خلاص وش بيكم اسكتو دوك جي يما ولا بابا يلقاكم تعيطلو يهد الدار فوق روسنا الرجال هوما لي يحكمون فالزواج مشي النسا ( سهيلة نوضتها كبيرة و نبعد قاتلهم خلاص)
قعدت تتفرج فيهم و فالبلبلة لي دايرينها على جال أمور ما عندهمش دخل فيها
احلام: مكاش لي يتدخل في هادو الكور بلعو جدها دوك
ناضت و خلاتهم يمصو فالقارص
خرجت لبارا لقات امين قاعد يتكيف
احلام: وش بيك ترحي فالدخان كي البغل
شاف فيها شوفة باااااردة و نطق بكل هدوء
امين: واش دخلك
احلام: انا خممت عليك ما عندي ما دخلني فيك نمار الخير
راحت قعدت قدامو و تنهدت بضيق
امين : وشبيك
احلام: واش دخلك
امين : صافي درتيها بلعاني غير باش تخلفيهالي
احلام : ايه شح هه
شافو في بعضهم و بداو يضحكو هو بالخف عاود زير ملامحو
امين : انتفضي من قدامي بنتيلي طلقني روحك لالا اسمعي حلي عينك نلقاك طالقة روحك هما مع ولاد عمك و عماتك لخرين
بقات حالة فمها فيه كيفاش تبدل في دقيقة 180 درجة
احلام : انا الغالطة لي جيت ننصح فيك يخي بغل
دخلت تجري خافت لا يجي موراها و هو قعد يشوف فيها  و تبسم عليها كيفاش هاربة .....