بنت الشاوية

الجزء 18

راح كل واحد لشغلو فليل تلايمو كامل باش يتعشاو دارو طابلة كبيرة فالحوش قعدو بداو ياكلو حتى كسر الصمت كي هدر
الحاج: امين وليدي شفت اليوم واش صرا
شاف فيه نظرة حيرة و استغراب
امين:ايه علاه
الحاج: على حساب واش صرا اليوم درت قرار
نطقو كامل في صوت واحد : اللي هو
الحاج: قررت نزوج احلام لامين
احلام هنا حصلتلها شرقت بدأت تسعل و امين بقا مخلوع ما عرفش اصلا مين طاح عليه هدا القرار بصح فرح مالداخل
عائشة الفرحة ما وسعتهاش كان صابت ناضت و زغرتت
احلام: مانيش قابلة
الحاج : عااااودي ما سمعتكش
احلام:قتلك مانييش قاااااابلة ماااااانقبلش
ناض مبلاصتو معصب راح جيهتها
الحاج: شكوووون طلب رأيك ااااه رأيك اصلا ما يهمش و كي اخذت هدا القرار يسموه يتنفذ فهمتي
زهرة ما قدرتش تنطق مالخوف  و علابالها القرار يتنفذ بسيف عليهم
ناضت احلام دخلت لدار تبكي زادت ناضت موراها زهرة
الحاج: الكلمة كلمتي و هيييييي لي تمشي في هادي الدار
راحت دخلت للبيت و غلقت الباب على روحها جات موراها زهرة طبطب و تحاول فيها باش تفتح الباب
زهرة:  يا بنتي ربي يهديك افتحي عليا
احلام: روحي اخطيني سمعتي واااااش قاااال سمعتيييييي و ما نطقتييي بوالوووو والله غير نقتل روحي هنا والله
زهرة : يا بنتي ربي يعيشك افتحي عليا
دخلت في عالم آخر دخلت في  حالة هستيرية تبكي و تعيط و تضرب في روحها
احلام: لالالا الباك و قرايتي هوما حلمي و خدمتي نولي طبيبة لالا والله ما نتزوج نقتل روحي
ناضت تمشي بهدوء حتى وصلت للمراية رفدت القرعة نتاع البارفان و رماتها عليها تكسرت و انتشر الزجاج في كل مكان
زهرة كي سمعت صوت الزجاج ولات تضرب فلباب و تعيط طلعو لعندها كامل
زهرة: اجرووو ليااااا بنتييييي بنتيييي صوت التكسار صوت التكسار راح تقتل روحها و تخليني

ناضت رفدت زجاجة مالارض و جرحت يدها بيها و بدأت تشوف فدم يسيل و الأفكار في بالها تدور كيفاش انسب طريقة تجرح بيها روحها جرح بليغ بلا ما تموت و هي في هادي الحالة ضرب الباب ضربة وحدة جابها مكسرة
شاف لمنظرها لقاها في حالة يرثى لها
امين : واااااش هادي الحالة واااش يالرب