بنت الشاوية

الجزء الثامن

بقا يشوف فيها مالفوق للتحت و نطق بكلمة واحدة
أمين  : ارجعي
احلام: ما فهمتش
امين بالعياط:ارجعيييييي لدااااار ما تفهمييييش والفتي بالزنق بصح دوووووك تشوفي
احلام بقات مشوكية حتى جات يماها ليها
زهرة : يا وليدي راهي صغيرة خليك منها يلاه يا بنتي الله يرضى عليك معايا
هدرت بكل هدوء
احلام: ما نروحش
زهرة : يا بنتي الله يرضى عليك نبوسلك راسك يلاه
احلام: قتلك عندي خدمة ما نرجعش لدار
السي واليد بقا واقف يتفرج حتى فاض بيه الكاس شدها مذراعها و دخلها لدار سيف
احلام:اطلقنييييي اطلقنييييي وجعتني نت ماااا تفهمممش
امين  دخلها لدار و زهرة موراهم جاية و تندب
زهرة : يا وليدي خليها مازالت صغيرة
امين:ههه مازالت صغيرة هادي راهي مرأة اسمعي و شاف جبهة احلام آخر مرة تخرجي مالدار لغير الليسي  ولا تزيدي تعيطي على لي كبار عليك فهمتيييي
احلام شافت فيهم و غاضتها عمرها و طلعت لشنبرتها و بدأت تبكي
احلام: ياااااا ربي واش هداااااا المهبول صباااااح ربي اوووووف اووووووف
جاز النهار و ناضت احلام دارت روتينها وجدت دوزانها باش تروح تقرأ
راحت هي و ختها غير دخلت تقرأ جا ليها المراقب مديها للإدارة غير دخلت بداو يبهدلو فيها و كي طلعت باش تقرأ زاد الاستاذ حاوزها قعدت بارا قدام البورطاي تبكي كي رجعت لدار نص نهار كان عمها فما كي شافها هكاك غاضاتو راح ليها و قعد معاها
عمار: وش بيها بنتي الغالية
احلام: ما خلاونيش ندخل نقرا
شاف فيها شوفت شك
عمار:علاش درتي كاش مشكل
احلام:لالا ما كنتش نروح نقرأ من قبل باسكو نخدم
تنهد تنهيدة طويلة
عمار: انا ندخل بنتي العزيزة ما تخافيش يلاه نروحو
راحو لليسي و هدر مع المدير كي دخلت تقرأ لقات الاستاذ جاي ليها
الاستاذ : اسمحيلي بنتي ما كانش علابالي بلي عندك ظروف
احلام بقات تشوف فيه جابتها الضحكة منو
المهم كملت قرأت و جاو الاختبارات جوزوهم و بقاو يستناو فواش راهي مخبيتلهم الايام