بنت الشاوية

الجزء 15

احلام: يا درا هادي الدار واش مخبية ثاني ؛ هيا نروحو نكتاشفو يلاه
تسنيم:ايه يلاه
و هوما خارجين بارا حتى تلاقاو بنفس الجماعة نتاع صبح جات مكملة طريقها حتى نطق
احمد: اوراحو بنات عمي محمد نعرفكم على الجماعة وين رايحين
بحلقت فيه و نطقت
احلام: ايه معليش
احمد: هدا ايمن خويا و صفيان  وليد عمتي سهيلة و آدم وليد عمي مصطافى و امين و براهيم تعرفوهوم و مازالو كاينين ما جاوش برك
احلام و تسنيم : متشرفين
جاو راح يبداو القصرة حتى نطقت
احلام: أيا معرفت خير منبعد ان شاء الله
و جرت تسنيم و آلاء معاها
هبطو للاسطبل نتاع الخيل و لقات فما اربع خيول يهبلو واحد فالاسود شباب يهبل عجبها
احلام: ياي هدا الاسود شحال شباب
رونق : ههه هداك نتاع امين اسمو ليل
احلام: حتى اسمو خارج عليه
زادو مشاو شوية وصلو لبلاصة فيها غير العشب و الورد مغروس
آلاء : هادي نتاع جدة تموت على الورد تغرس في كل مكان لا لاحظتي
احلام: اممم لاحظت لاحظت
رونق: واش رايكم نروحو جيهة الجنان نلقاو اللوز و الكرموس
تسنيم: ايه ايه نروحو انا جعت
في مكان آخر وين كان عمار و محمد عند الطبيب
عمار: يعني لازم عملية فالخارج
الطبيب: انعم يالسي عمار لازم فما العلم متطور و يقدرو يعالجوه في رمشت عين
محمد: يعني بعد العملية نبرا ان شاء الله
الطبيب: ايه ان شاء الله
نرجعو لعند احلام لي كانت تكسر فاللوز و تأكل حتى وقف فوق راسها
صفيان: واش راكي ديري
هدرت بلا ما طلع رأسها فيه
احلام: روح بعدني مشي شغلك
صفيان: يابن عمي دايرة كي القطة انا سقسيتك برك  بصح معليش مقبولة منك ازين
أحلام:شوف تروح اخطيني سينو دوك نكسرلك الفك السفلي نتاعك بحجرة نمنعك مالكلام
صفيان: القوة تتحدث هههههه
بينما هوما يهدرو كانو عينين حادين فاللون الاخضر يراقبو فيهم غير شاف صفيان يضحك ديمارا ليهم وصل حط يدو فوق كتف صفيان رامي ثقلو عليه حتى صفيان بدأ يفقد في توازنو و نطق
امين : واش يضحك فيك اوليد عمتي ااااه
صفيان : ارفد روحك وشبيك
امين: راني مرتاح هكا