يا سنيني الي خذتها الشمس في رحلة غُروب

الـبـارت4

البارت السابق...

و الـمديـر شـال غُـروب و بأقـصـى سـرعـه دق عـلـى الاسـعـاف مـن شـاف حـالـة غُـروب المـرعـبـه!!!
مـامـرت 10 دقـايـق الا و الاسـعـاف وصـل وشـالـو غُـروب وركـب المـديـر وراحـو بـسـرعـه للـمـسـتـشـفـى...
هـنا جـلسـو اخـويـاء بـحـر يـهـدون فـيـه بـعـد مـوجـة الـغـضـب الـي جـتـه هـزاع قـال: يـولـد احس زودتـهـا شـوي رد عـلـيـه نايـف: اي شـوي انـت الـثـانـي الـولـد بـغـى يـودع وانـت شـفـيـك انـجـنـيـت تـبـي تـذبـحـه و تـبـلـش عـمـرك بـ الـسـجـون و الـمـحـاكـم!؟؟؟ رد عـلـيـه بـحـر وقـال بـكـل بـرود اعـصـاب: مـاهـو انـا الـرخـمـه الـي انـسجـن عـشـان واحد اسـتـفـزنـي,  يـتـحـمـل مـا جـاه بـعـديـن لاتـصـيـر خـواف انـت الثاني انت تعرف ان ابوي يقدر يطلعني من الموضوع بكل بساطه
نايف: يقدر يطلعك من اي مشكله ما اختلفنا بس وين بتهرب من عذاب تأنيب الضمير؟ هزاع بضحكه: اي تأنيب ضمير يبو ضمير انت نسيت الي طعنته و بسبتك شالو له البنكرياس حقه؟ بعدين الانسان الطبيعي اذا تخارج من اي مصيبه يحس بالانتصار يرجال ضف وجهك بس مسوي الحنون, هنا صار بحر يضحك بهستيريه وقال: والله انك صادق بعد المصيبه بروح افل ام امها هنا نايف غسل يده من اخوياه المجانين و قام يضحك معهم
نروح عند بطلتنا غُروب
فتحت غُروب عينها ولاحظت انها جالسه على سرير بغرفه بارده و شافت مغذيات بيدها
وكان في ممرض قدامها يناظرها وهو عاقد حاجبه
غُروب قالت له بأرهاق: و..وش صار ليه انا هنا
رد عليها الممرض وقال: لاتشيلين هم انتي بالمستشفى ضمدنا كدماتك وجروحك والحين لازم ترتاحين غُروب هزت راسها بتفهم وسرعان ما انقلبت ملامحها من ملامح عاديه الى توتر و خوف من قال الممرض: يا بنت وش قصتك انتي وش جابك لمدرسة عيال ابيك تعلميني قصتك بتفصيل ولا تخافين بعتبرك زي اختي و بستر عليك
غُروب خف التوتر عندها: قالت بعلمك بس اوعدني انك ما تعلم الشرطه قال: انتي في وجهي و اوعدك وعد شرف بس تكلمي, هنا غُروب بدت تقص عليه قصتها من اولها ل اخرها الممرض: غُروب لازم تنتبهين لنفسك الي قاعده تسوينه خطير  وبأي غلط بسيط بتنكشفين! تنهد ثم قال: انا اسمي تميم اذا صار لك اي شي اطلبيني انا اكشف عليك و انتبهي تدخلين بمشاكل مره ثانيه لان مو كل مره تسلم الجره و مديرك حاول اكثر من مره يدخل يشوفك بس كنت امنعه غُروب ابتسمت وقالت: شكرا لك يا تميم جميلك ذا ما رح انساه لك رد لها الابتسامه وقال: عطيني رقمك عشان لو صار لك شي تجين عندي عطت رقمها للممرض و قبل لا يطلع غُروب قالت: تميم متى اطلع من المستشفى؟ قال: بتقعدين يومين هنا لين ما يتحسن وضعك. وطلع من الغرفه
غُروب: الحمدلله ان ربي سخر لي ذا الادمي ولا كان رحت فيها, حست بتعب ونوم وبعد دقيقه نامت.

الساعه ٩ الصبح
قامت غُروب من النوم على صوت تميم وهو يصحيها
تميم: صباح الخير قوم افطر عشان تاخذ علاجك
غُروب اكتفت بأبتسامه وبدت تاكل,  دخل المدير وقال: صباح الخير ي غادي طمني عنك تحس انك بخير؟ ردت غُروب: صباح النور الحمدلله بخير
قال المدير: غادي ابيك ماعد تقرب لشلة بحر ذولي راعين مشاكل, واتمنى ما عد تتكرر المشاكل المستمره هذي. غُروب وهي تسلك له: ابشر ي استاذ ولا يهمك
المدير : موفق ي غادي ولف ظهره وطلع برا الغرفه
غُروب ما اهتمت لكلامه و قالت بنفسها "انا اهرب من مشاكل البيت تجي مشاكل المدرسه ابلش صدق"
كانت مسكره عينها مو منتبهه للي دخل و قعد جمبها وقال: اخبارك فتحت غُروب عينها و شافت الي كان قدامها كان بحر ,ارتسمت ملامح الغضب على وجه غُروب وقالت: مسوي تمون توكل بس
بحر: كنت ابي اتطمن عليك و.. ما امداه يكمل الا وغُروب تقول: بحر اذلف برا مابيك تطمن ولا شي بس انقلع عن وجهي بحر طلع من الغرفه وحس بشعور غريب اشبه بالحزن بس ماكان متأكد من شعوره وقال لنفسه: والله اني دلخ مردغت الولد وجاي اتطمن عليه ما الومه  يوم كرشني و كمل يمشي لين ركب السياره و راح.
غُروب: غريب اطوار ذا ولا مافي انسان طبيعي يسوي كذا!

بالمدرسه ب سكن الطلاب بحر مع اخوياه يقولهم وش صار: يعيال كرشني وانا جاي اتطمن عليه
ملفي قال : يولد متأكد انت بحر! بحر بشحمه ولحمه يروح يتطمن على عدوه.. قويه ذي
رماح وهو يولع سيجاره وينفث الدخان: اوباا.. شكله في فرد جديد بيشرفنا ولا ي بحر مو من عادتك تكون حنون رد بحر وهو يلف السبحه ويبتسم: والله يجي منه ما انكر انه عاجبني
هزاع: فيك انفصام انت؟ توك جالد الولد وتبي تخليه خويك
بحر برفعة حاجب: مزاجي عاد
نايف: شكل الضربه اثرت على مخك, خكري تبي تخاويه؟
بحر:اطلعو منها الشي راجع لي لحد يتليقف.
قام بحر وراح غرفته بدل ملابسه وانسدح على فراشه
قاعد يفكر بشكل هيئة غادي كيف انه قصير وناعم بس قوي حس ان فيه شي غريب و حاول يتجاهل افكاره..و بالفعل مرت كم دقيقه و نام.