صحت غروب من النوم
وحست انها متضايقه من المشد
الي لابسته,فكته عشان تريح
شوي بعدين ترجع تلبسه
ماكان لها خلق تقوم من السرير
قررت تقعد على جوالها شوي
بحكم ان اليوم اجازه,
كانت تتصفح البرامج و دخل عليها بحر فجأه
و ما انتبهت له و كانت مكمله تتصفح
بحر وجهه مفقع قال: غادي وراك مانم...
ماقدر يكمل كلامه الا وغروب تنقز من السرير
وترمي غطا الفراش على وجهه
وركضت للحمام
بحر: بسم الله الدنيا ظلمت!!!
غروب لبست المشد وبدلت ملابسها
وفتحت باب الحمام وهجت برا الغرفه
بحر بصوت عالي: غادي والله
ما اخليك وين رايح تعال!
غروب بدت تركض بسرعه
و تضحك بهستيريه
وبحر يركض وراها وناويها شر
غروب شافت عزام واقف مع اخوياه
تخبت وراه: عزام ساعدني
لف عزام وشاف بحر يركض
بـ اتجاه غروب
عزام: شسالفه ضربك!؟؟
بحر تنرفز وقال: غادي تعال
ما بسوي لك شي
غروب تقدمت تبي تروح عند بحر
مسكها عزام: لاتروح خلك معي
بحر ابتسم و سحب غروب:
واذا خذيته وش بتسوي؟
غروب ادركت ان بتصير هوشه
و قالت: شباب هدو الوضع مزوح
بحر مسك معصمها بقوه
وراح, تحت نظرات عزام الي كلها
غضب و حقد
بحر راح وجلس بطاولة
كانت بـ الساحه
بحر: الزلابة ذا لعد تمشي معه فاهم!
غروب: الحين مفروض اسمع كلامك؟
بحر بـ تهديد: غادي..اترك عنك
العناد واسمع كلامي احسن لك
غروب: بحر.. انت خويي واغليك
بس اعذرني حتى عزام خويي مقدر
اتركه
بحر: يعني تتركني عشانه؟
غروب: هذا الي فهمته من كلامي؟
بحر قام من مكانه وطلع من المكان
غروب تنهدت وطلعت لـ الشارع
وطلعت جوالها من جيبها
وطلبت تكسي
عدت كم دقيقه او وصل التكسي
ركبت وقالت لسايق:
وصلني لـ مول****
السايق حرك السياره متوجه
للمول, و صلت المول وقبل
تنزل عطته حسابه
دخلت المول تبي تتسوق
و تغير نفسيتها, وقبل تتسوق
قالت: باخذ لي قهوه وبكمل
راحت للمقهى وجت تطلب
غروب: لو سمحت ابي ايس بلاك كوفي
الكاشير: دقايق ويكون عندك
دفعت الحساب وتوجهت
للطاولة وجلست تنتظر طلبها
قام واحد من الطاولة الي جمبها
وجا عندها
المجهول: السلام عليكم
غروب: و عليكم السلام حياك استريح
المجهول: الله يحييك و جلس
قال: انا عبد الرحمن
غروب: غادي
عبد الرحمن: عاشت الاسامي
غروب: عاشت ايامك
عبد الرحمن: احس اني
مشبه عليك بـ مدرستنا
انت بـ ثانوية ******؟
غروب: ايه انا فيها
عبد الرحمن: ارحبب
غروب: البقا, اي شعبة انت
يا عبد الرحمن؟
عبد الرحمن: شعبة***
ونادني دحوم
غروب ابتسمت له
قام دحوم سحبها وقال:
امش اعرفك على باقي العيال
جلست غروب بـ طاولتهم
قالت: السلام عليكم
الشباب: وعليكم السلام
دحوم: اعرفك على:
عناد,و ضاري
عناد و ضاري: حي الله الشيخ
غروب: الله يحييكم
دحوم: ي عيال اعرفكم على غادي
,تدرون انه بنفس ثانويتنا
ضاري: اي شعبة؟
غروب: شعبة***
عناد: جمب شعبتنا
غروب: عيال عن اذنكم باخذ طلبي واجي
الشباب: خذ راحتك
راحت غروب تجيب الطلب
ورجعت
دحوم: بكرا بنهج ابيك معنا
غروب: تم متى؟
عناد: ماعليك انا بجي اخذك
همهمت غروب بتفهم
مر الوقت وهم يسولفون
ضاري: يعيال شرايكم نروح
نلعب بلياردو؟
دحوم: قدام
عناد: غادي لك فيها؟
غروب: الصدق لا
عناد: ماعليك انا بعلمك
و طلعو برا المول متوجهين
لسيارة عناد,
عناد: علي الحرام ما يركب
جمبي الا انت
غروب: ابشر ماطلبت شي
و ركبت جمبه قدام
دحوم و ضاري ورا
حرك عناد الموتر
عناد و هو يناظر الطريق:
كم رقم غرفتك بـ السكن
غروب: رقم***
عناد ابتسم: حط فبالك اني
ممكن اداهمك بـ اي وقت
غروب: حياك
مرت كم دقيقه و صلو للمكان
نزلت غروب وهي تتفحص المكان,
المكان كان يطلع منه صوت اغاني
وفي حراس عند البوابه
عناد ناظر غروب الي
صافنة ب المكان: شفيك
ماعجبك المكان؟
غروب: لا مافي شي
عناد: اجل امش مسك
معصمها و توجه للبوابة
الحارس فتح الباب لعناد
وقال: تفضل سيدي
دخل عناد و غروب ودخل وراهم
ضاري و دحوم
غروب حست ان المكان,
كان اشبه بـ ملهى ليلي
جلسو عناد وغروب ب البار
و ضاري و دحوم راحو مكان ثاني
عناد: بابلو " عامل البار"
2 Grass "اسم المشروب"
طالع عناد غروب الي باين
عليها الانزعاج
عناد: غادي
لفت عليه غروب
عناد: وش مضايقك بالمكان
غروب: ولا شي
اصر عليها تعلمه
غروب: صوت الاغاني عالي بس
عناد توجه لـ بابلو و بدا يكلمه و رجع
عناد: امش معي
غروب كانت بتسأل وين
بس عناد ما عطاها مجال تسأل
و مسك معصمها و خذاها الطابق الثاني
دخلو غرفه واضح عليها فخمه,
كان داخل الغرفه حراس
و مجلس كبير و بـ الوسط
طاولة بلياردو
جلس عناد بصدر المجلس و جمبه غروب
دخل النادل و حط المشروبات
على الطاولة و راح
غروب: اعتقد ان الغرفه ذي
لكبار الشخصيات؟
عناد ابتسم: معك صاحب المكان
غروب: الملهى ذا حقك؟
عناد يحاول يستغبي:
من قال لك انه ملهى؟
غروب: يعني مو ملهى
عناد: ايه
غروب: متأكد؟
عناد: ميه بـ الميه
غروب: و البار و المرقص الي تحت؟
ابتسم عناد وطلع من جيبه علبة دخان
او ولع السيجاره,
حط رجل على رجل و قال
للحراس وهو ينفث الدخان:
اطلعو برا
طلعو الحراس برا,
لف على غروب وقال:
غادي..عندك اسرار مخبيها؟
غروب: كل شخص عنده سر بـ حياته
عناد كان يتأمل كل شبر بـ غروب
وقال: علمني سر من اسرارك
غروب ماتنكر انها توترت بس حاولت
مايبين عليها, فكرت بـ كذبة سريعه
قالت وهي تتصنع الحزن:
انا كنت راعي بنات..بس تبت بسبب
شخص اعزه و اغليه
عناد ضحك: حسيت انك راعي بنات
غروب رفعت حاجبها: ليش ان شاء الله؟
عناد مسك ذقن غروب و قرب وجهها
ناحيته: عشانك حلو و ما تتفوت
عيونك المغريه الي تودي الشخص
عالم ثاني,ابتسامتك و غمازتك الذباحه
كل شي فيك فتنه
عناد بدا يقرب منها اكثر غروب
مسكت اكتافه بقوه تحاول تبعده عنها
عناد ابتسم: بسه انت؟
ليه ماتقص اظافرك وبدا يضحك..
غروب: لفت وجها عنه عشان مايشوفها
وهي مستحيه
عناد: امش بس اوديك بيتكم ي ورع
غروب: اذا انا ورع انت وش؟
عناد: ابوك امش قدامي,
طلعو من الغرفه و نزلو لـ الطابق
الاول دق عناد على دحوم و ضاري
ماردو ودق مره ثانية وثالثه بس مافي اي رد
عناد: غادي خلك عند الطاوله بروح
وارجع لك وراح يدور على العيال
غروب: مو بهين ذا عناد
حركاته جريئة و غريبه
كانت جالسه تنتظر العيال
جا واحد عندها واضح
عليه مو بوعيه
قال المجهول: شعنده الحلو قاعد لحاله تبي
نلعب شوي ؟
غروب: اذلف لا يصير لك شي مايسرك
المجهول: تعال نتونس مع بعض
كم دقيقه و نخلص
غروب بعصبيه قامت و سددت له لكمه
على وجهه
المجهول قام و مسك معصمها بقوه
و قال: قدها والله ما اخليك!
و بدا يسحبها بقوه
بـ هذا الوقت كان عناد يدور غروب
الي اختفت فجأه
عناد بعصبيه: ذا البزر قايله خلك مكانك
و فجأه طاحت عيونه على المشهد الي
شافه قدامه وخلاه
يجن جنونه من شاف ذاك
الشخص يسحب غروب!!!
انـتـهـى الـبـارت
"حطو نجمه, تعليق"
أنت تقرأ
يا سنيني الي خذتها الشمس في رحلة غُروب
Mistério / Suspenseاول روايـة لـي . تحكي القصه عن بطلتنا غروب الي عمها المجنون يبي يزوجها من شايب وهي ترفض هذا الشي وتهرب و تروح ثانوية عيال وتقابل بطلنا بحر ومن هنا تبتدي الاحداث!. "مجرد روايه خياليه" وكلنا عارفين مايجوز التشبه بالرجال اتمنى لكم الاستمتاع بخيالي🎬...
