يا سنيني الي خذتها الشمس في رحلة غُروب

الـبـارت 10

الساعه 6 الفجر موعد طلوع الشمس
غروب قامت فجاه من نومها
و قررت تطلع تتمشى لانها تعتبر رياضة
المشي من روتين حياتها مو مجرد رياضه
لهدف معين...
لبست جاكيتها و خذت سماعتها
وطلعت تتمشى على طريق جمب البحر
بدت تمشي وبنص طريقها لعلها تحمست مع البودكاست الي كانت تسمعه
و بدت تركض وتركض لحد ما صارت تلهث..
فجاه بدون اي سابق انذار وقف البودكاست
و بدا جوالها يدق طلعت الجوال من جيبها
و شافت الاسم مو موجود بس طالع انه رقم غريب
ردت على المكالمه وهنا حست ان اطراف
جسمها بردت و شحب لونها.. من سمعت
صوت هي تعرفه و تعرفه زين..
المجهول: اهلا..كيفك غروب ما اشتقتي لي؟
غروب بان عليها التوتر و الخوف:
م..مين انت وش تبي؟!
المجهول ب استهزاء: هـه الحين ما عرفتيني؟
نسيتي عمك بالسرعه ذي
غروب وهي تتصنع الشجاعه و قالت بصوت واثق:
ما نسيتك.. والحين اخلص علي وش تبي
عم غروب: شوفي معك مهله 24 ساعه
تقولين وينك فيه او ترجعين البيت بنفسك
واذا مارجعتي خلال الـ 24 ساعه هذي
رح اخلص عليك و انتي اكثر وحده تعرفيني زين
غروب: اسمع ي الشايب شكلك خرفت
وش ابي فيك يوم اني اجي عندك
وبعدين انت وش تبي مني انقلع من حياتي!
عم غروب: لا تخافين مو حباً فيك
لالا...ابيك تجين لان في رجال يبي حقه
غروب: وانا شدخلني..لا انت صدق خرفت
عم غروب: امسكي لسانك لا اجي اقصه لك!
الرجال يبي حق بضاعته ببيعك له
بدال ما ادفع له رح اعطيك له انتي وش فايدتك
وحده زيك ما تستحق تعيش..
خليه ياخذك ويفكني منك ومن شرك
غروب: انت ما تجوز عن طبعك الوسخ؟
ما تتوب تبي تبيعني لبياع ممنوعات
ما تخاف ربك انت انا وش سويت لك
يا مريض!
عم غروب: اقول عن الدراما الزايده
وارجعي.. احمدي ربك اني بعطيك واحد
معه فلوس و املاك ولا تنسين عندك
وقت بسيط ترجعين فيه للبيت
وسكر الخط...
جلست غروب على كرسي كان موجود على
طرف الممشى
وبدت تبكي..حست بـ مشاعر مابين الحزن و الضعف
و ما بين الخوف الي لازمها من انها تروح لعمها
حست بعجز ماتعرف لمين تلجئ له
لين ما خذتها الهواجيس و تفكيرها الزايد
ونامت وهي ماتحس على نفسها...
قامت الساعه 10 الصبح على صوت رنة الجوال
شافت المتصل و كان بحر
ترددت من انها ترد بس تجاهلت الشعور
و ردت على المكالمه:
كانت تبي تسلم بس ما امداها
لان بحر كان اسرع منها...
بحر بعصبيه: غاديي وينك فيه ليش طالع
اخر الليل ارجع بسرعه لا اجي عندك واعلمك شغلك!
غروب قالت بكل برود اجتاحها لانها ماتحب تبين ضعفها: هلا..بغيت شي؟
بحر: وش ذا البرود الي فيك انا لي ساعتين ادق عليك
ليه ماترد؟؟؟!!!
غروب: كنت مشغول الحين بجي
بحر: وينك فيه.. انا بجي اخذك
غروب: ممشى****
بحر قال: لاتتحرك من مكانك وسكر المكالمه
مرت 5 دقايق
وهذا بحر وصل نزل من السياره وجا يركض
ناحيتها مسك يدها وقال بخوف عليها:
ليه طلعت متأخر و ليه ماعلمتني
فيك شي احد تعرض لك ولا قال لك شي مو زين
وليه عيونك منتفخه قولي ليه ساكت!!!
غروب: طيب اسكت عشان اعلمك
تنهدت و اردفت: ماصار لي شي بس طلعت اتمشى
بحر: طلعت تتمشى؟ وما علمتني او حتى رسلت
رساله على الاقل كان قومتني كنت جيت معك
ما اخليك لحالك!
غروب واضح عليها انها متضايقه وقالت بنبرة
صوت عاليه: خلاص!... مو انت الي تتحكم فيني
اروح وين ما ابي و ارجع وقت ما ابي فاهم
مو محتاج لشفقة احد و لا لأحد ينتبه لي
بس ابي تتركني لحالي هذا طلبي الوحيد
لهدرجه صعب تنفذه!!!
بحر عرف انها متضايقه و مازعل من كلامها
الجارح..وقال بهدوء: خلاص ابشر...اركب السياره
عشان نلحق على الدرس
غروب ما نطقت بـ ولا كلمه وراحت ركبت
السياره،ولحقها بحر وركب و حرك السياره..
عدة كم دقيقه و الصمت عام المكان
و عشان ينكسر الصمت هذا تنحنح بحر
وقال: تبي اخذ لك شي دافي تشربه؟
غروب الي حتى ماتعبت نفسها وتلف وجها تكلمه
كانت تناظر لـ دريشة السياره وتتامل المطر
وكانها كانت بعالم ثاني وما انتبهت لكلامه
شافها بحر كانت تهوجس وماحب يزعجها اكثر من كذا
و راح لمقهى عشان ياخذ لها مشروب دافي
وقف بـ الدرايڤ ثرو، توجه لنافذة الطلبات
وقال: عطني 1 هوت تشوكلت لاهنت
الموظف: ابشر..تفضل قدام لـ استلام طلبك
تقدم بحر ومرت دقيقتين وخذا الطلب
بحر كان متضايق لنه شاف غروب متضايقه
و هز كتفها بخفه وقال: غادي..وش الي مضايقك؟
غروب فزت لما حست بيده وقالت: ولا شي ما وصلنا؟
بحر ماحب يضغط عليها اكثر من كذا وقال:
لا شوي ونوصل..بس مريت خذيت لك
شي تشربه
غروب: شكرا ما كان في داعي تكلف على نفسك
بحر: مابينا شكر ولا كلافه حنا اكثر من اخويا
اكتفت غروب بالصمت و خذت رشفه
من مشروبها..
بعد 3 دقايق وصلو المدرسه
و دخلو.. غروب راحت من ممر ثاني
بحر: وين رايح؟
غروب: ابدل ملابسي
وطلعت الدرج متوجها لغرفتها
بحر عشان يبيها تاخذ راحتها بتبديل راح الفصل
غروب كانت تمشي حالها حال نفسها
و استوقفتها شلة داشرين تقدم واحد منهم وقال:
هيه ياخكري..على وين رايح
غروب تجاهلته و كملت طريقها
بس لحقها و مسك معصمها بقوه
ولفها اتجاهه وقال: لما اكلمك يالخكري
مفروض تخضع لي زي الكلاب سامع!
غروب تالمت من مسكته القويه
وقالت: ياكلب اتركني ترا يدي مو عظمه
عشان تشد عليها زي كذا
ضحكو عليه اخوياه..ورمى غروب على الارض
وقال: انا اعلمك يالخكري الحين بتركك
عشان ما اصيحك بس بعدين بوريك شغلك زين
تكلم واحد من شلته وقال: يرجال مالقيت الا
ذا الخكري تتهاوش معه هو بكف يودع الحياه
امش عنه بس.. رد عليه وقال: والله انك صادز
بس الوعد قدام اوريه ذا الحرمه بخليه يعرف
كيف يهايط على الرجاجيل وراح...
قامت غروب من على الارض بتعب وارهاق
وراحت غرفتها لبست الثوب و تلثمت ب الشماغ
وراحت الفصل
اول ما دخلت شافت استاذ الرياضيات يشرح
وناظر لها بس ما عطا اي ردت فعل
وقالت لنفسها: "اشوه كان ناقصني هو وتكمل"
و راحت تجلس اول ما جلست دق كتفها
هزاع وقال بهمس: ولد من زمان عنك اشتقت لك
غروب ماعطت له اهتمام و حطت راسها على الطاوله
هزاع ناظر لـ بحر وقال له بأستغراب:
وش فيه؟
بحر: لا تزعجه..تعبان شوي
هزاع هز راسه بتفهم ورجع قعد بكرسيه
وطول الحصه كان بحر شايل هم غروب وش
الي مضايقها وده يعرف
دق الجرس و كانت الحصه الي بعدها بدنيه
بحر هز غروب الي كانت نايمه وقامت
غروب ماتحب احد يزعجها وقت نومها:
هااه..شتبي؟
بحر كان يبي يغير نفسيتها: امش الساحه بنلعب
كرة سلة
غروب: مابي
بحر مسكها وقومها: اقولك امش بتلعب معي غصب
وراح الساحه ولحقوه العيال..
غروب جلست على الكرسي كانت تعبانه
بحر لاحظ تعبها و قال: خلاص خلك هنا على الاقل
شوفني وانا اجيب الهدف لعيونك
غروب ابتسمت له بخفه
بحر رفع ثوبه و سوا عصبه و شمر اكمام ثوبه،
فريق كرة السله مكون من 5 اشخاص:
فريق الاول بحر، نايف،ملفي،رماح،هزاع
الفريق الثاني"مو مهم"
بحر لف على غروب وقال بـ ابتسامه:
القيم ذا لك وغمز لها
غروب اكتفت بانها ترد له الابتسامه
بدا القيم و كان بحر و العيال شادينها
بـ الذات بحر كان شادها كانه داخل معركه..
بهذا الوقت غروب كانت تحس بدوخه
وراحت الحمام تغسل وجها عشان تصحصح
دخلو شلة العيال نفسهم الي تهاوشو مع غروب
وسكرو الباب..تقدم الشخص نفسه الي توعد فيها
ومسكها من ياقة ثوبها وثبتها على الجدار
وقال بضحكه: اهلا اهلا بـ الخكري
شكلك نسيت وعدي لك؟
غروب ما كانت تقدر تتنفس من قوة مسكته
وقالت: ف.فكني ي النذل
رد عليها بـ استهزاء: لسانك كان طويل قبل
وش صار الحين خفت ي الدلوع؟
غروب: تخسي..ما اخاف من زلايب مسوي
قادح وانت رخمه جايب اخوياك يفزعون لك
المجهول سدد لها لكمه على وجها
وقال: قول كلمه ثانيه وشوف وش بسوي فيك
غروب خشمها صار ينزف قالت بصعوبه: يا الرخمه!
سدد لها لكمه ثانيه في بطنها و لكمه ثانيه
على فكها.. قال واحد من شلته: سلطان خلاص
فكه لايموت علينا الورع ذا
سلطان: سد حلقك مالك شغل بالي اسويه
غروب كان بيغمى عليها من التعب و الالم
وقالت بصوت مبحوح: هـه..ماتقدر تسويها
تدري ليه؟ لانك مو رجال و ضحكت عشان تستفزه
سلطان ماقدر يضبط اعصابه بسبب اخر جمله قالتها
-لانك مو رجال- شد على يده برقبتها
وقال وعيونه كلها شر و خبث: انا مو رجال؟
طيب الحين بثبت لك!
ومسك ثوبها وبدا يرفعه...
بحر خلص من المباراه و كان يدور غروب
بس ما لقاها هنا قلبه نخزه وحس بشعور غريب
راح عند واحد من الطلاب وقال: شفت غادي
وين راح؟
الطالب: شفته راح الحمام
بحر دفه وراح يركض ناحية الحمام
حاول يفتح الباب بس كان مقفل بالمفتاح
من شدة خوفه عليها زادت عصبيته لدرجة برزة
عروق يده و صار ما يشوف احد قدامه!
رجع رجله لورا و رفس الباب بكل ما اعطاه الله من قوة
ولما دخل انصدم من شاف ذاك الشخص الي
كان يحاول يرفع ثوب غروب
هنا بحر طلع عن طوره جن جنونه من ادرك
نية القذر الي قدامه وش ناوي يسوي..
بحر اتجه له و مسك سلطان بكل قوته وكان
فعلياً بيذبحه!!!
مسكه وقال بصوت عالي: مين سمح لك
تلمسه!!!! وعطاه ذيك اللكمه على عينه
اليمين خلاه يشوف نجوم الظهر وبدا
يصفق فيه يمين و يسار و يضرب بكل قوته
دخلو شلة بحر و نزلو تسطير ب شلة سلطان
بحر مسك شعر سلطان وجره داخل مكان الحمام
وقال بنظرات شرانيه: والله لا اخليك تدفع ثمن مجرد
فكرة قذرة كنت بتسويها!!!
و دخل راسه داخل كرسي الحمام
كان بحر مقرر انه يخلص على سلطان من شدة
قهره وغبنته يبي يطفي النار الي داخل صدره
باي وسيلة كانت!
بدا يدخل راسه و يطلعه سلطان كان يترجى بحر
يفكه.. طلع راسه للمرة الاخيره وقال بحر بـ ابتسامه:
تبي اترك تروح ها؟ وسدح سلطان على الارض
وحط رجله على وجهه وقال: هذا جزات اي
شخص يمد يده او يفكر يمدها على خويي
شفت كيف ي هطف ولا تبي اهينك زياده؟
سلطان:خ.خلاص تكفى ف.فكني مارح اعيدها!
بحر ضحك وقال: ليه هو في مره ثانيه؟
وطلع من جيبه سكين!
بحر بتفكير: امم..من وين تبي ابدا؟
تحس من حْص****ك؟
ولا من يدك ولا... ايه عرفت! من نحرك عشان
يسهل الموضوع علي!
حط السكين على نحره بس...
لمح غروب كانت سانده ظهرها على الجدار وتبكي
ماقدر يتحمل منظر دموعها و قام عن سلطان وحط
السكين بجيبه وقبل يروح قال له:
المره ذي سلمت مني بس..انتبه من المره الثانيه!
وراح ناحية غروب حملها و راح فيها للغرفه
جلس على طرف السرير و ضمها لصدره
كانت تبكي بقوة لدرجة انها تشاهق...
بحر بدا يمسح على راسها ويسمي عليها
وقال بهدوء: وش فيك يانظر عيني
تبكين من الخوف ولا من حزن كاتمته ب قلبك؟
قولي لي والله ان افديك روحي ولا تنزل دمعه منك
غروب وقفت بكاء و وخرت عن حضنه
ناظرت فيه وقالت: وش قاعد تقول انت!
بحر برود: اعرف انك بنت وابيك تقولين لي كل
شي واوعدك وعد رجال اني بساعدك و مارح اضرك
غروب: من متى؟ وكيف؟!
بحر : من فتره.. ابيك تفتحين قلبك لي يابنت الحلال
وانا بساعدك من بعد الله سبحانه بكون مسؤول عنك
و مارح اخلي احد يلمسك او حتى يفكر يلمسك
غروب حست انها متردده
بحر: خذي راحتك بالكلام لا تترددين من انك
تقولين لي التفاصيل
غروب قالت بصوت مبحوح: امي و ابوي متوفين
من وانا صغيره..عشت عند عمي وكان هو سبب
الجحيم الي اعيش فيه، باعني و كان بـ يزوجني لشايب
عشان الفلوس و هربت هنا لان مارح يقدر يلقاني
او يتوقع اني بكون موجوده هنا
بحر: الله يرحمهم، هذا كله من الماضي
واحسن قرار خذيتيه انك هربتي..
محضوضين لانهم جابو بنت قويه زيك
غروب بحزن:قويه؟ هـه...بنت بـ مدرسة عيال
تعيش و تدرس معهم متوقع اني بسلم من كلام الناس عني؟
بحر: وش لك بكلام الناس مجرد كلام ماينفع ولا يضر
انتي ماسويتي هذا الشي الا وانتي مضطره
غروب نزلت راسها بحزن
رفع راسها بحر وقال:لاتنزلين راسك دام اني جمبك اعتبريني ضهرك و سندك ولا تستحين مني
غروب ابتسمت واكتفت بالصمت
بحر:اي صح ليش كنتي متضايقه الصبح؟
غروب: شي يخص عمي
بحر:قلت لك لاتستحين مني وعلميني
غروب: الصراحه..دق علي اليوم و هددني
اذا مارجعت البيت بيذبحني
بحر:يعقب يلمسك دامني عايش،اكيد
يبيك بعلم ماهو طيب
غروب تنهدت وقالت: يبي يزوجني لراعي مخدر*ات
بدال مايدفع له المبلغ
بحر تنرفز بس مابين لها وقال: اييه..اجل يزوجك؟
اسمعي الي بقوله لك و ركزي زين،
بنروح عنده و بتدخلين داخل البيت
غروب:منجدك انت! تبيه يخلص علي؟
بحر: وعدتك وعد رجال ورح انفذ وعدي قول وفعل محد بيضرك
عندي خطه براسي بسويها..وانتي مو لازم تتعبين نفسك كل الي عليك انك تدخلين واعتبري البيت بيتك
و قولي له الي بخاطرك لين تحسين نفسك ارتحتي
وخلي الباقي علي...

(نجمه،تعليق).