البارت السابق...
و فجأه طاحت عيونه على المشهد الي
شافه قدامه وخلاه
يجن جنونه من شاف ذاك
الشخص يسحب غروب!!!
وراح يركض بـ سرعه جنونيه
و يسحب غروب من يده
و مسك علبة الكحول الموجوده
على الطاولة و ضربها على راس المجهول
طاح المجهول على الارض و بدا عناد
يضرب فيه لين غرقه بدمه و
يرفس المجهول بكل مكان بجسمه
جو الحراس بس ماقدرو يسوون شي
لان عناد هو صاحب المكان والي فيه
خير يفتح حلقه,
غروب حاولت تهدي عناد من شافت
دم المجهول بكل مكان و مايتحرك
غروب: عناد خلاص وقف!!!
عناد ما كان بوعيه و مطنش غروب
و طايح فيه ضرب
غروب سحبت كتف عناد بكل قوتها
عناد وهو يطالع فيها: غادي وخر
خلني اذبح ابن الع**** هذا الوصخ
لازم يموت على يدي عشان يتعلم
ما يمد يده عليك!!!
غروب وهي تمسك وجهه بيدينها:
عناد خلاص عشاني تكفى!
عناد: لمسك سوا لك شي علمني
غروب: لا..لا ما سوى شي يخسى!
عناد تكفى خلاص ودني البيت
عناد اخذ نفس طويل وطلعه
قال لـ الحراس: خذو عديم الشرف
ذا و تصرفو معه
خذوه الحراس و طلعو من المكان
عناد مسك يد غروب و راح السياره
ركبو السياره
عناد كان خايف على غروب:
غادي قولي الصدق سوا لك شي هذا الواطي؟
غروب وهي تهدي عناد: ما سوا لي شي
لا تشيل هم كل السالفه انه جا عندي
وبدا يقول كلام قذر زيه و قمت ضربته
هذا كل الي صار
عناد ابتسم: تدري لو انك ما قلتلي اتركه
كنت بخلص عليه
غروب تنهدت: كان انا الي خلصت
عليك من غبائك
عناد: يحلوك تخاف علي انسجن؟
ابتسمت غروب و رجعت راسها
لـ اخر الكرسي بتعب
عناد: حرك السياره و توجه لـ السكن
مرت دقايق وصلو,
عناد وقف السياره قدام السكن
عناد: شرايك تنام عندي
دام ان الوقت تأخر؟
غروب: لا مابي اتعبك اكثر من كذا
عناد: لا من تعب ولا شي حياك عندي
غروب: انت عايش لحالك؟
عناد: ايه ماخذ سكن لحالي
هزت راسها بتفهم
غروب فتحت الباب وقبل تنزل
قالت: مع السلامه
عناد: مع السلامه انتبه لنفسك
ابتسمت له و دخلت السكن
و لما تاكد عناد انها دخلت السكن
حرك السياره و راح
دخلت غروب الغرفه كانت مظلمه
و اول ما فتحت النور طلع بوجها بحر
بحر واضح معصب: وين كنت
و ليه راجع متأخر, ومين ذا الي كنت راكب معه؟
غروب: بسم الله تحقيق هو!
ودفت كتف بحر و دخلت
خذت ملابسها و كانت بتدخل الحمام
بس استوقفها بحر: ورع اكلمك انا!
غروب جلست على طرف السرير و جلس
بحر على ركبه بـ الارض
بحر: علمني وش صار معك
تدري اني كنت خايف يصير لك شي
غروب: الحين بعلمك
بدت تحكي كل شي صار لها
بحر عصب: انت غبي اي احد تمشي معه؟
لو كانو ناوينك شر و سو لك شي ,لا
و مخاوي راعي مراقص!
لا يكون مشربك شي ما تدري عنه
لنك ورع ماتدري وين ربي قاطك
غروب: لا يبن الحلال شايفني سبك
بحر مسك يدها وشد عليها:
سوا لك شي لمسك, والله ي غادي
ان قلت لي سوا لك شي والله ان ماجبته
و ذبحته قدامك ما يكون اسمي بحر!
غروب صفنت بـ عيون بحر جالسه
تفكر كيف صادفت واحد زي بحر بحياتها
يخاف عليها, وينتبه لكل تصرف تسويه
و مايخلي بخاطرها شي الا و يجيبه
, و الاحسن من هذا كله انه سندها
غروب حست بشعور كانت فاقدته
من زمان و الحين حسته مع بحر
بحر شاف غروب صافنه فيه
وقال: غادي تعبان تبي
اوديك مستشفى؟
غروب: لا بس عادي اطلب منك طلب؟
بحر: امرني
غروب و عيونها تلمع: احضني...
بحر قام وجلس على السرير و حضنها
غروب تذكرت حضن امها الدافي و
حست ب ذا الشعور بحضن بحر
ولا شعورياً نزلت دموعها
بسبب الشعور المرعب الي حست
فيه ب الملهى و شعور حنية بحر عليها
تلخبطت مشاعرها و لقت ان الدموع
هي السبيل الوحيد لـ الراحه
مرت دقيقه وهم حاضنين بعض بدون حركه
و حس بحر بثقل
ابتسم من شاف غروب النايمه
وحط راسها على المخده ,
جا بيقوم بس بالغلط ارتفع
قميص غروب و رجع يبي ينزله
بس لاحظ ان في شي لونه
غير عن لون قميص غروب و استغرب
و رفع يبي يشوف...
و بقق عيونه من شاف المشد و نزل
القميص بسرعه
جلس بحر على سريره يستوعب
الي شافه او بـ الاصح يستوعب
ان غادي خويه "بنت"
بحر بتفكير: بنت!
الحين عرفت وش سبب جماله
و نعومته
بحر ابتسم: وقال هين, مجدوله علي
ومستغفلتني و تبيني اسكت؟...راح العب بـ اعصابك شوي
واخليك تعترفين لي انك بنت بنفسك,
راح عند سريرها و انسدح جمبها
و قعد يتأملها كم دقيقه و نام.
أنت تقرأ
يا سنيني الي خذتها الشمس في رحلة غُروب
Mystery / Thrillerاول روايـة لـي . تحكي القصه عن بطلتنا غروب الي عمها المجنون يبي يزوجها من شايب وهي ترفض هذا الشي وتهرب و تروح ثانوية عيال وتقابل بطلنا بحر ومن هنا تبتدي الاحداث!. "مجرد روايه خياليه" وكلنا عارفين مايجوز التشبه بالرجال اتمنى لكم الاستمتاع بخيالي🎬...
