قامت غُروب وهي تحس بثقل
فوقها,
غُروب: يابقره النوم قوم عني
بحر كان بسابع نومة
قامت توجهت للحمام تتروش
طلعت و لبست ثوب وحطت الشماغ
على كتفها وتعطرت
طلعت من الغرفه,راحت
الساحه تحضر الطابور
كانو يسوون تمارين الصباح
بعد دقيقه جو شلة بحر
بحر تقدم وقف جمبها
بحر: ياورع ليه ماقومتني؟؟
غُروب بدون ما تناظره:
اولا كيفي..ثانياً مو شغلك
بحر جا بيتكلم الا عزام يجي,
ويسحبها يوديها اخر الطابور
عزام بصوت عالي:
غدوشش وينك فيه
من الصبح ادورك دودة انت
ماتجلس مكانك
غُروب: هذاني قدامك
قصر حسك فضحتنا
بحر لحق غُروب ورا
وناظر بـ عزام
بحر: قدها يوم تسحب خويي
مني؟؟؟
عزام: تراه خويي قبل يصير خويك!
بحر: واضح تبي تنجلد انت
بحر كان بيتهاوش مع عزام
الا غُروب تفارع بينهم
غُروب: يا بزرانن فضحتونا
بين العربان سد حلقك انت وياه
لا اسحب عليكم اثنينكم
سكتو بحر وعزام,
بحر يناظر عزام نظرة
الي وده يسطر عزام
و ناظره عزام بنفس النظره
كنهم يتحدون بعض
غُروب: يعني نظرات حاده وكذا؟
وجهكم قدام انت وهو
فكونا من شركم
بحر سحب على عزام
و لف على غروب
بحر: غادي ولد تبي ننحاش؟
غُروب بحماس لان بدت الفعاليات
الي تحبها: قدااام بس اصبر خلينا
نحظر الحصه الاولى وبعدين نفقع
بحر بـ ابتسامه: ابشر على خشمي
وعلم اخوياه ان بيسون جريه
راحو الفصل و بدت الحصه
كانت حصة كيمياء
غُروب كانت تشارك
و بحر و شلته يعززون لها
بحر: اقعد ي الخوي البطل
ي دافورر انت
غُروب: افا عليك اعجبك
مرة نص ساعه وخلص الدرس
وطلعو غُروب و بحر و شلته
راحو عند سور المدرسه
غُروب: كنسلو يعيال المسافه عاليه
بحر: والله ما اقول كلمه الا وانا قدها
وينزل مستواه لمستوى الارض
بحر: تعلق فيني اخلص
غُروب متوتره اول مره تنحاش
تعلقت بـ رقبة بحر
بحر شمر اكمامه و مسك ثوبه من تحت
وتسلق الجدار رما شناطه هو و غُروب
على الارض
بحر: ولد تمسك زين
شدة عليه غُروب وبحر
الي نط من السور او وقف
غُروب كانت مسكرة عينها بقوة
وحست ان بحر وقف طالعت بحر
الي كان يناظرها
بحر: لين متى بتقعد مسكر عيونك؟
غُروب: نزلنيي يا ورعع
بحر نزلها وقال وهو يحك راسه:
شسمه.. انتظرك تعززلي
غُروب ضحكت: عز الله يعز ارضك
انشهد انك راعي جريات
ضحكت شلة بحر كلهم
هزاع: طلع يعرف يضحكنا احس حبيته
بحر: اقول اركبو السياره بنروح نفطر
راحو بوفيه ,
وصلو و بدو يطلبون
ملفي: يعيال شتبون سريع؟
بحر: اطلب لنا انا وخويي معصوب ملكي
نايف: افااا وحنا وين رحنا
بحر: انت انكتم و قله طلبك بسرعه
نايف: عطني اثنين فول تميس يمعلم
رماح: جيب شاهي
ملفي راح يطلب للعيال ورجع يستنى
الطلب
غُروب: بس كذا الفعاليه نروح نفطر
ونرجع؟
بحر: شكلك جديد على الجريات بس ماعليه,
انت بس اطلب وانا انفذ
رماح:هد شوي يالغالي شكلك متسرع
بالعلاقات
بحر:مو شغلك اهم شي غدوش مستانس
غُروب: لا تقولي كذا ناديني طبيعي
بحر: لا يشيخ اجل تخلي ذاك السلقه
يناديك كذا وانا لا؟
غُروب: قلت له لا تناديني كذا
بس هو مخه صندل
بحر ضحك:انشهد ان مخه صندل
غُروب: انا بس اغلط على خويي
انت انطم
بحر: اجل نظامك كذا, جا الطلب وهم يسولفون
بحر: اقول كل كل لايكثر هرجك ولا بجلدك
و حط بـ فمها نص خبزة تميس
غُروب: ورء اننننننننا
بحر: وش ذي الطلاسم؟ ابلع
اول وبعدين تكلم زي الناس
غُروب تمضغ الاكل الي بفمها
و بلعته: يحمار بغيت تذبحنييي
بحر طنشها و جلس يفطر مع الشباب
الي ناقدين على مناقرتهم,
هزاع وهو يمسك بطنه: اهخخ الحمدلله, يعيال
وين الوجهة الثانية؟
ملفي بحماس: اليوم ابي اوري غادي مهاراتي
بتفحيط ,امشو نروح للبر ولا تبون ساحة؟
هزاع: لااا ابي اوديه نفر بـ الكرنيش
ونشبك المزز
نايف: وخرو عنه بس انا باخذه البيت
نصكها قيم كود
رماح وهو ينفث دخان السيجاره: ورع ..تبي تخاويني؟
بحر: انت بذات ابعد عنه مسوي سانجي
على غفله,الخلا انت وياه اليوم انا باخذه
واوديه على كيفي
غُروب: ما نبي نطول ي شباب
عشان ما يفصل علينا المدير
بحر:معليك السبك ذا انا مضبطه
ولا يهمك،
طلعو من البوفيه و ركبو سيارة
بحر (دودج تشالنجر سوداء)
بحر: غدوشش اركب جمبي لبى عينك
وركبت غُروب جمبه قدام
غُروب جلست تطالع السياره
بـ انبهار
بحر: كيف الموتر ي العشير
غُروب: جامدد يولد
بحر استانس من شاف ردة فعل
ركبو العيال رماح يمين و هزاع بـ النص
و نايف يسار
حرك بحر و توجه للـ كورنيش
شغل عراقي مسرع:
راح و بقيت لوحدي فكري يودي ويجيب
شيداوي جرحي هسه لو احط روحي ميطيب
راح و بقيت لوحدي فكري يودي ويجيب
شيداوي جرحي هسه لو احط روحي ميطيب
املي مكانه بيش
و بحسه جنت اعيش
الندم ضل بي ياكل
يمشي خليته ليش
املي مكانه بيش
و بحسه جنت اعيش
الندم ضل بي ياكل
يمشي خليته ليش
غُروب مندمجه و تغني مع الكلمات
و بحر منطرب و مسرع,
غُروب: بحر خاطري بـ قهوه
بحر: على هـ الخشم ماطلبت شي.
وراح الكوفي وقف بـ الدرايف ثرو
بحر: السلام عليكم
الموظف: وعليكم السلام وش حاب تطلب؟
بحر: يعيال وش بغيتو
غُروب: بلاك كوفي
رماح: لاتحسبني
نايف: وانا بعد
هزاع: ما طق لهم خبر نايم و مشخر ورا
بحر قال للموظف: عطني اثنين بلاك كوفي
الموظف: ابشر، تفضل قدام عشان
تستلم طلبك.
مرت دقيقتين وخذا الطلب وحرك،
بحر: وين ودك تروح بعد يـ العشير
غُروب: رجعنا السكن
رجعو السكن وكل واحد راح لغرفته
وقبل لا يدخل بحر الغرفه
هزاع: بحر تعال انت و غادي بنسهر
بحر: دقايق ونكون عندكم
دخل بحر وقال: غادي امش
بنسهر عند العيال
غُروب:اصبر ببدل ملابسي
بحر سحب غُروب بسرعه
بحر: مو وقتك بدل هناك
غُروب ماقدرت تقاوم ، من بنية جسم
بحر ،مافي اي مقارنه بينهم حتى
دخل بحر الغرفه ومعه غُروب:
نايف: غادي امسك
رما يد السوني لها
غُروب جلست جمبه و قعدو
يلعبون كود
بحر قام يفصخ ثوبه قدام العيال
و بانت تفاصيل جسمه
صدره العريض و عضلات
بطنه البارزه و سمار بشرته
خلى غُروب تتجمد مكانها
حاولت بقد ماتقدر تخفي توترها
عشان محد يشك
بحر: غادي قم بدل ملابسك
وعطاها بجامه
غُروب كانت بتدخل الحمام بس
استوقفها سؤال هزاع الي كان
جالس على لابتوبه يتابع فلم:
وين رايح بدل هنا
غُروب بـ ملامح بارده: بدخل اغسل وجهي
هزاع: اها خذ راحتك
غُروب دخلت الحمام وسكرت الباب
وهي تناظر للمرايه: اشوى انه مفهي
ومانشب لي قاطعها صوت طق الباب
كان بحر: غادي..فك الباب بدخل
غُروب وهي قاعده تبدل: اصبرر وجع
اكسر الباب احسن!
بحر: اذا مافتحت بسرعه بكسره على راسك
غُروب لبست بسرعه وفكت الباب:
غثيث!
بحر: اطلع ولا يكثر بس،
كان شكل بجامة غُروب:
تي شيرت اسود مع سروال احمر كاروهات
راحت و جلست جمب نايف الي مد لها
فشار:امسك
غُروب قعدة تلعب وتاكل
هزاع الي كان طالع من المطبخ
و متوجه لـ الصاله مد لـ غُروب
مشروب طاقه جا بحر من وراه
وخذا مشروب الطاقه وقال:
شارب بلاك اليوم والحين
مشروب طاقه بايع روحك انت؟
غُروب: عاديي مايضر
بحر: على كيفك مايضر اركد ياورع
راح المطبخ و رجع مد له حليب
تشوكلت: امسك ذا يصلح لك
نايف و هزاع فطسو ضحك
على رياكشن غُروب, خذت المخده
الي كانت على الارض و صفقت بحر
فيها: القم يا هطف
بحر مارد عليها لنه ما حس بالضربه اساساً
بعدين عدة كم دقيقه، وكلهم نامو الا
غُروب الي راحت تنام بغرفتها.
انتهى البارت
حطو نجمه- تعليق
أنت تقرأ
يا سنيني الي خذتها الشمس في رحلة غُروب
Mystery / Thrillerاول روايـة لـي . تحكي القصه عن بطلتنا غروب الي عمها المجنون يبي يزوجها من شايب وهي ترفض هذا الشي وتهرب و تروح ثانوية عيال وتقابل بطلنا بحر ومن هنا تبتدي الاحداث!. "مجرد روايه خياليه" وكلنا عارفين مايجوز التشبه بالرجال اتمنى لكم الاستمتاع بخيالي🎬...
