يا سنيني الي خذتها الشمس في رحلة غُروب

الـبـارت 11

البارت السابق

عندي خطه براسي بسويها..وانتي مو لازم تتعبين نفسك كل الي عليك انك تدخلين واعتبري البيت بيتك
و قولي له الي بخاطرك لين تحسين نفسك ارتحتي
وخلي الباقي علي...

الحين بخليك ترتاحين وانا بطلع
غروب هزت راسها بتفهم
بحر: لا تطلعين من الغرفه الين ما ارجع
ودقي علي اذا صار شي
وطلع من الغرفه
غروب راحت تاخذ شور..وبعد 5 دقايق
طلعت ولبست بجامتها ونامت...

بحر طلع برا السكن
وتوجه لسيارته،وطلع جواله...
بحر: ارحب ي سعود
سعود: البقاا.. علومك اخبارك
الا قولي وينك مختفي؟
بحر: بخير دامك بخير ابد تعرف اشغال الدنيا...
الا سعود ابيك بموضوع
سعود: ازهلني انا بالخدمة،امرني؟
بحر: في شخص ابيك تتعامل معه
سعود: ماطلبت شي..عطني رقمه او اي معلومه عنه
بحر: برسل لك رقمه،وابيك تحرص على انك تعرف
كل خطوه يخطيها واي شخص يدخل ويطلع من عنده
سعود: ابشر بعزك،عطني ثواني واجيب لك راسه
بحر: والله انك ذيبان
سعود: حبيبي ، يالله توصي؟
بحر: فمان الله
وسكر الخط...
نزل الجوال وسرعان ما تبدلت ملامحه
وبان عليه الغضب من تذكر كلام عم غروب
وقال: النذل ذا انا الي بتعامل معه اجل يبي
يزوجها؟ اصبر علي اذا ما اهنتك
ما اكون انا بحر!!..

غروب قامت من النوم لما سمعت صوت
طق الباب وراحت تبي تفتح بس تذكرت
كلام بحر لها وقررت انها ماترد لكن
رجعت تفتح الباب لما سمعت صوت عزام
يدق الباب..
عزام: غادي يمدي ادخل؟
فتحت الباب وقالت: تفضل حياك
عزام: الله يحييك
وجلسو بصاله
غروب: وش تبي تشرب
عزام: ماله داعي جاي اسمر معك..كيف
حالك عسى طيب
غروب: طيب الحمدلله انت اخبارك
عزام: ابد الحمدلله تمام..احس انك
مو على بعضك سلامات؟؟
غروب: اليوم صارت مضاربه
و لعلي تأذيت شوي
عزام بقق عيونه: كيف!!!
شلون صارت المضاربه وينه بحر
عنك وراه ما فزع لك والله اني داري انه رخمه!!
غروب: ماله ذنب بلي صار.. انغدرت
وهو الي فزع لي لو ما انقذني و قتها
مدري وش كان صار فيني
عزام تنهد وقال: المهم انك بخير..الحين انت ريح
وانا بسوي لك طبخه يحبها قلبك
غروب بحماس: تمم،وانا بجهز لنا فلم
نسهر عليه.. راح عزام المطبخ وراحت غروب
تشغل الفلم...
عزام: تبي تشوفني وانا اطبخ لك؟
غروب بأهتمام: اييه،لني معرف اطبخ
عزام: عادي منت بملزوم وطلع القدر
و خذا من الرف علبة باستا
غروب: الحين مزعجني طبخه وطبخه
اخر شي باستا؟
عزام: ماكل ماكل الله لا يعوق بشر
بتاكل بالطيب ولا بالغصب
غروب: لا خلاص باكل جوعان
عزام: ايه خلك كذا شاطر
غروب شمقت له وراحت عند الثلاجه
وخذت 2 ردبول وقالت: شرايك فيني بس
جايب ردبول
عزام: والله تفهم بس مارح اخليك تشرب
غروب: لا يشيخ..تنكت انت
عزام: ما انكت مايصلح حق الورعان
غروب: دزها بس مسوي شايب
عزام: اقول لايكثر ورح ضبط السفرة
غروب: بحطها بس مو عشانك
عشان الاكل ومدت لسانها له و راحت
عزام ابتسم من تصرفاتها العفويه
و راح المطبخ يجيب الاكل وحطه
على الطاولة وقال: اقلط ي الخوي
لبى قلبك
غروب: تسلم يدك واضح لذيذه
عزام: سم بالله
غروب ذاقت الاكل وقالت: يلبيه والله جامدة
عزام: بالعافيه بطبخها لك كل يوم
غروب: لبى الخوي السنع والله
و بدو ياكلون..
خذتهم السواليف
لين ما جت الساعه 1 الليل
غروب: عزام امش نطالع فلم
عزام: يالله جايك
راحت وشغلت التلفزيون
و حطت فلم كان تصنيفه رعب،رومنسي
جلسو على السرير وقالت: يوهه نسيت اجيب
الفشار
عزام: لاتقوم بروح اجيبه عنك
غروب: عزام ودي اضمك
عزام ضحك وقال: ي المصلحجي
تضمني عشان فشار؟
غروب: يالله روحح بدا الفلم
وراح يجيب الفشار من المطبخ
جا بيطلع من المطبخ الا وهذا بحر داخل الغرفه
بحر طالع عزام بحده وقال: يليل النشبه وش
جايبك انت؟
عزام: جاي عند خويي عندك شي؟
بحر : اسمعني زين..مب فاضي لشكلك بتطلع
ولا انا اعرف اطلعك بطريقتي
غروب حست ان عزام تاخر وقالت:
يليل وينه ذا تاخر!!؟
بروح اشوف وينه
وشافت بحر و عزام على وشك انها تقب
بينهم هوشه
بحر بعصبيه: غاديي..وش دخله ذا هنا!!
غروب: اء..شسمه انا دخلته جا يتطمن علي
وقلت له نسهر مع بعض
بحر مسكها من معصمها واردف بحده لـ عزام:
طس..ابيه بكلمة راس
عزام راح داخل الغرفه
و قال بحر: انا وش قايل لك؟ مو قلت لاتفتحين
الباب لحد؟!
غروب: حرام ارده جاي متعني عشاني واخر
شي ما افتح له
بحر: ايه ماتفتحين لحد غيري انا بس الي ادخل
واطلع من الغرفه فاهمه!!
لاتنسين انك بنت مجرد مايعرف ذا الشي بيبين على حقيقته
غروب: تكبير المواضيع عنك يُدرس صراحه
بعدين انا مو غبيه عشان اكشف نفسي
بحر: واذا نمتي بالغلط و بان شي من جسمك
ها؟ انا كيف اضمن رجال معك بالغرفه
هذي اخر مره تدخلين احد بدون اذني
غروب: افف منك بحر غثيثث!
بحر: قولي لي فهمتي..ولا افهمك بطريقه
ثانيه؟
غروب: لا لا خلاص فهمت امش نتابع فلم
بحر: اقول خليك جمبي بس لاتخلينه
يدبق فيك
وراحو الغرفه
بحر تعمد انه يجلس بالنص عشان تكون غروب
جمبه وكان عزام متنرفز من بحر بس مايقدر
يقول شي
بدت تتقدم احداث الفلم لين جت لقطه
رومنسيه بين البطل و البطله
كان البطل محبوس مع البطله ب غرفه
عشان يحتمون من الوحش و صار بينهم
تقارب و بدا البطل يقرب من البطله
بحر لف على غروب و همس بغضب:
هذا فلم كنتي ناويه تشوفينه معه!!
غروب بهمس: والله مادريت ان فيه لقطات!
بحر بتوعد: اوريك شغلك بعدين
وصار بالمشهد تقبيل متبادل بين البطل و البطله
غروب استحت و غطت عيونها
اما بحر قعد يهوجس كيف كان شعور ذيك الليله
شعور متلخبط مابين الحب و التملك
و بين انه يبعد عنها و يتمالك نفسه
بحر قال لنفسه: " انا ما اعرف اسمها..
بس حبيتها و تعلقت فيها اجل شلون لو اتعمق
فيها وش بيصير؟..ابي اعرف كل شي عنها بس متى يجي الوقت المناسب!"
عزام طالع بحر الي كان يهوجس وقال: هاهه..شكله عاجبك المشهد؟
بحر ناظر له وهو متنرفز: واذا كان عاجبني شدخلك انت؟
اسمع ي تطس عني و تكمل الفلم او اقلعك
برا الغرفه
عزام: ياخي روقنا ليه شادها نمزح ترا
بحر: تدري كيف؟قم قم..اذلف
ومسكه من كتفه و وداه عند الباب
وقال: عيني لاعد تشوفك هنا وان شافتك
شقيتك شق يالله الخلا..وسكر الباب
عزام بصدمه: انا بكون تيس لو جيت هنا مره ثانيه!
وراح لغرفته..