Unicode:
"ချစ်ကြွေးရယ်ပြေစေ"
အပိုင်း(၁၆)
🌼 🌼
"ဂျင်..!?"
ဂျောင်မင်ဟာ သူ့ဆီ စိုးရိမ်တကြီးပြေးလာတဲ့ဂျီယွန်းကိုကြည့်ကာ ပြုံးလိုက်သည်။
*မမက ကျွန်တော့်ကို စိုးရိမ်တကြီး ရှိသားပဲ...*
"ဂျင်! ဘာဖြစ်တာလဲ? သတိထားဦးလေ"
ဂျီယွန်း ဂျောင်မင်အား ပွေ့ကာလှုပ်နှိုးလိုက်သည်။ ဂျောင်မင်ဟာ အသိစိတ်တွေ ဝေဝါးနေသည်။ ပုံရိပ်ပေါင်းများစွာက ခေါင်းထဲဝိုးတိုးဝါးတိုး လှည့်ပတ်နေသည်။ ဂျောင်မင် ဂျီယွန်းအား မော့ကြည့်လိုက်ပြီး
"ယွန်းလေး ကိုယ့်ဆီ ပြန်လာတာလား?"
ဂျောင်မင်ရဲ့စကားကြောင့် ဂျီယွန်း ငြိမ်သက်သွားပြီးနောက် ဂျောင်မင်အား သေချာကြည့်လိုက်သည်။
"ဂျင်?"
ရင်းနှီးနေတဲ့မျက်ဝန်းတွေကြောင့် ဂျီယွန်းရဲ့နှလုံးခုန်သံလှုပ်ရှားလာခဲ့သည်။
"ဂျင်! ယွန်းကိုမှတ်မိပြီလား?"
ဂျောင်မင်ဟာ ခပ်ဖျော့ဖျော့ပြုံးလိုက်ပြီးနောက် သူ့အသိစိတ်တွေ လွတ်ထွက်သွားတော့သည်။
"ဂျင်! ဂျင်!"
---------------------:
ဂျောင်မင် ဝေဝါးနေတဲ့အသိစိတ်နဲ့ နိုးလာခဲ့သည်။ အမြင်အာရုံထဲ အဖြူရောင်မျက််နှာကျက်ဝင်လာလေသည်။ ဘေးဝဲယာကြည့်မိတော့ ဂျန်မြောင်းအားတွေ့လိုက်ရသည်။
"ဟိတ်ကောင် နိုးလာပြီလား"
"ငါ ဘာဖြစ်သွားတာလဲ?"
ဂျောင်မင် အတိတ်အကြောင်းအရာတွေ ပြန်လည်အမှတ်ရချိန်မှာ သူ့ရဲ့လက်ရှိအသိစိတ်က မေ့မြောနေခဲ့တာပင်။ ဒါ့ကြောင့် သူ ဘာမှမမှတ်မိပေ။
"မင်း မူးလဲသွားလို့ ဂျီယွန်းက ကျောင်းဆေးခန်းကို လိုက်ပို့ခဲ့တာ"
ဂျီယွန်းဆိုတဲ့နာမ်စားကြောင့် ဂျောင်မင် အတိတ်က ယွန်းလေးဆိုတဲ့သူမက အမြင်အာရုံထဲပေါ်လာခဲ့သည်။ ဘာကြောင့်မှန်းမသိ နှလုံးသားက တသိမ့်သိမ့်တုန်ခါလျက်။
YOU ARE READING
ချစ်ကြွေးရယ်ပြေစေ〚𝕋ℍ𝔼 𝕋𝔸𝕃𝔼 𝕠𝕗 ⌃𝔹⌃〛
Mystery / ThrillerAuthor - @A_Hlyan_Satt ချစ်ခြင်းတရားတို့ပြန်လည်မွေးဖွားလာခြင်း DARK FIEND〘Season 2〙- ချစ်ကြွေးရယ်ပြေစေ〚𝕋ℍ𝔼 𝕋𝔸𝕃𝔼 𝕠𝕗 ⌃𝔹⌃〛 〘Season 1〙- သွေးနီဖြာသောလျို့ဝှက်ဒဏ္ဍာရီ [DARK WORLD : DARK FIEND] Author - @A_Hlyan_Satt ခ်စ္ျခင္းတရားတို႔ျပန္လည္ေမြး...
