الغرفة السرية (سر الفراعنة القدماء)

بدأت المُغامرة!!

يجلسون خمستهم مجتمعين في غرفة إلياس منتظرين شيئ ما

نظر إلياس للساعة ليجدها تشير الي الثالثة ونصف عصرا

تنهد يرجع شعره للخلف مناظرا اصدقائه الجالسين بجانبه ايضا ينتظرون مثله

كانوا ينتظرون الفتيات حيث اتفقوا ليلة امس علي اخبار الفتيات بعدما وافق الجميع علي خوض هذه المغامره

لذا باليوم التالي تحدثوا معهم ليجتمعوا وهاهم ينتظرونهم من اجل اخبارهم بما سيفعلونه

"لين هترفض.. او هتطلع بفكره مخطرتش علي بال حد فينا وتقولها"  قاطع هذا الصمت صوت بحر

"ليه؟"  قال غيث

" صدقوني انا معاها بقالي سنه وحفظتها... دي لو سكتت علي موضوع زي دا تموت فيها والله "

"هتعمل ايه يعني هتقولك نيجي معاكم مثلا؟" قال ادم ساخرا

"تعملها والله"  هز بحر رأسه

"يجماعه مش هتفرق خلونا نعرفهم بس وبعدها نشوف شغلنا"  قال إلياس

قاطع حديثهم صوت والدة إلياس وهي تنبههم بقدوم الفتيات بالخارج

اشار إلياس لأصدقائه ان يصمتوا ومن ثم انتظروا دخول الفتيات اليهم

اتت الفتيات يلقين التحية عليهم ويجلسون لتقول لين " ندخل في الموضوع علي طول ها؟ "

تنهد بحر يبعثر شعره ليقول " نفسي مره تتكلمي كويس... اتعاملي ك بنت فاهمه حاجه؟؟؟ "

عقدت لين حاجبيها " مش عاجبك؟؟ "

"ايوه مش عاجبني"

"اخبط دماغك في اقرب حيطه.. محدش ضربك علي ايدك عشان تستحملني"

رمش بحر ينظر اليها بعدم تصديق وكاد ان يتحدث حتي قاطعه صراخ إلياس  قائلا " مخلاص... هو مفيش يوم بيعدي الا لما تتعاركوا.... وعلي شويه حاجات ملهاش لازمه اصلا... هو فيه ايه"

حل الصمت ارجاء الغرفه والجميع ينظرون الي إلياس صامتين

تحمحم إلياس يعود مكانه قائلا " ندخل في صلب الموضوع علي طول "

ناظره الجميع بعدم تصديق حيث انه تحدث كأنه لم يصرخ عليهم منذ قليل وكأن كل شيئ طبيعي

ابتسم إلياس ينظر اليهم " تمام ي بنات... انتو هنا عشان عايزين نعرفكم اننا هنسافر سفرية صغيره كدا للجيزه هنشوف حاجه متعلقه بأبو الهول ونيجي علي طول بس كده مش اكتر "

"رايحين تتفسحوا يعني ولا ايه؟؟"  قالت ايلينا

"لا.. رايحين نستكشف حاجه بخصوص ابو الهول"  قال إلياس

" مش فاهمه ازاي يعني؟ " قالت لين

"وبعدين رايحين انتو بس؟؟"  قالت ملك