"هتجيبلنا ايه بقي يبطل.؟؟" قال غيث بضحك ممازحاً إلياس
همهم إلياس يهز رأسه.. " مش عارف... بس اطلبوا وهنفذ سهلة"
"ايوه بقى... ايوه بقى... الدنيا لعبت معاك... مكنش كتاب يعني يعم" قال نوح ضاحكاً يضربه بكتفه
ناظره إلياس بتهكم يهز رأسه بيأس " غور يبني من وشي.. وبعدين استنوا استنوا... دا انا نسيت... دي طريقة تصحوا حد بيها!!!! طب مفيش حاجه جاية عشان الخضه اللي خضتوني بيها من شوية "
ناظره الفتيان بأعين متوسعة وسخط واضح ليقول أدم " مش عليا يا بابا "
"وبعدين هو حرام نفرح يعني ولا ايه" قال بحر يضم يديه لصدره وينظاره بسخط
رفع إلياس حاجبه يناظرهم بتهكم
"لا تراجع ولا استسلام" قال نوح محذراً اياه
"استاذ فاندام ولا اي؟" قال إلياس بسخرية
"عديها عديها... معلش.. بس انا عايز حاجة حلوة... يلا بقى... خليك جدع" نكزه غيث في كتفه يحاول إقناعه
تنهد إلياس بيأس يهز رأسه موافقًا أخيرًا " طيب"
ضحك الفتيان يهللون بفرح وسعادة ليقاطعهم صوت إلياس مردفاً كأنه تذكر شيئًا" اه صحيح سيرين بتقول انها عايزة تشوفنا "
"ايه دا بجد؟؟" قال بحر مستفسراً
"اه والله اتواصلت معايا من فترة وبتقول نروحلها زيارة وكدا"
"طب لو كدا ناخد البنات معانا يشوفوها لإن من وقتها وهما هيموتوا ويشوفوهم" قال أدم
"ومالو نروح نصيف يوم ولا حاجه منها نتفسح وننزل البحر ومنها نشوف سيرين والبنات يشوفوها ويتعرفوا عليها برضو" قال غيث
هز الجميع رؤوسهم موافقين حديثهم
"تمام كدا... نحدد يوم ونخرج... هي حفلة التخرج امتي؟؟" قال إلياس
"كمان اسبوع تقريبا" قال نوح
"خلاص نروح الأسبوع دا"
"حلو.. نشوف البنات فاضيين امتي ونروح" قال أدم
"حلو اوي... يلا بره كلكم كدا.. عايز اكمل نوم" قال إلياس مشيراً إليهم بيده يطردهم من الغرفة
"ت إيه؟؟؟؟... انت نايم بقالك أربعتاشر ساعة!!!! هنهزر" صرخ بحر به بصدمه
"مشبعتش نوم لسه" قال إلياس بكل بساطة
"انت عارف ان النوم الكتير دا مش صحي لا ليك ولا لجسمك ولا لصحتك العقلية وإِن الافضل تنام سبع او تمن ساعات بالكتير عشان ت..." لم يكمل بحر كلامه حيث قاطعه إلياس يضربه بتلك الوسادة في وجهه قاصداً إسكاته
"ماسورة معلومات وإنفجرت.. عارف.. عارف والله..... حل عني" قال إلياس بتهكم
ناظره بحر بتهكم وسخط ليمسك الوسادة وظل يضربه بها بينما يقول " وربنا ما هسيبك تنام"
أنت تقرأ
الغرفة السرية (سر الفراعنة القدماء)
Fantasy- احنا فين؟؟؟ هي دي الاهرامات؟؟؟ =مصر؟؟؟؟ -ايه!!!! بعد مغامرة رائعة في المملكة الضائعة مملكة اطلانتس الاسطورية ورؤية العجائب واستكشاف الاساطير قرروا البحث عن مزيد من الاساطير وتجربة مغامرات اخري!! ولكن هذه المره ستكون مغامرتهم و اسطورتهم هي مدي...
