اختبال طاهر

طاهر:-10

﷽

-اخـتبــال طـاهر
-بقلمي:- جوانا الأمين

جوناياتي علقو بين الفقرات
حتى اشوف تفاعلكم الحلو و انشر بالتزام
و ما اتاخر عليكم اذا اشوف التفاعل مو حلو
اتاخر ..

لا تنسو متابعي حسابي الواتباد و تفاعلكم بالبارت التصويت و تعاليقكم الحلوة بين الفقرات فضلا و ليس امرا حتى ما اتاخر بالبارتات ..

___

لقد انخدعنا في دهشة البدايات
و الان ندفع الثمن

- شهد الامين | جوانا .

___

نزلت بخطوات خفيفة و على اصابع رجلي نزلت اتجهت نحو غرفه المتعب فتحت الباب و دخلت .

سندت نفسي على الحايط و حضنت روحي
سقطت ارضاً و عيوني موسعه
ابوي طلب منه يقتلني ؟

ضليت ساكته حتى دموع بعيني ماكو ، انتفض جسدي من برود اعصابهم ،
الغرفه كانت باردة لدرجه ما حسيت ببرودتها من شده حراره جسدي .

ابوي هذا المفروض يضمني يحضني يلمني يمه مو يروح يكول للابن اخو اقتل بنتي
هينه صرت عندك ؟

مسحت على قلبي الي راح يوكف من رهبه الموقف ما جاي أتخيله
معقوله ياذيني؟

ياذي قطعه من روحه ؟ من دمه و لحمه؟ الخاطر منو ؟ شنو راح يستفاد ؟
معقوله اله ايد بقتل اخوي؟

لالالا ما يسويها رفعت اصابعي اعضها حيل و غارقه بتفكيري

عقلي كاد ان ينفجر كوه تمالكت نفسي
لزمت راسي بتعب
مو سهله كل يوم انصدم بشي اقوى من شي ثاني .

قضيت هاي الليله وحدي بالسرداب او ما يسمى غرفه المتعب ،

الفجر سمعت صوت رافع يم الباب خفت لا يدخل لطشت روحي لطش على الباب اسمعه يحجي بالتلفون على ما اظن

-هاي الساقطه اعترفت كلشي بقى بس افضحها و اعلمها منو بعد يلعب ويا جناين الوحيد .

سكت ثواني و اسمع صوت طقطقة جداحه
رجع نطق ببرود
-لك لااا مو هسه اصبرلي خلي العب بعقلها على اساس اخليها تتطلق من رافد و اتزوجها و بدل ما اتزوجها افضحها كافي صارلنا فوك العشر سنين عايشين ويا *****

جر نفس من الجكارة وهمس
-بخصوص سيلينار ما يهمني لا هي ولا غيرها المهم رهف تصير مضحكة كدام الرايح و الجاي و افضح كل سوالفها نسيت شسوت بامي لو لا!