اختبال طاهر

طاهر:-12

﷽

-اخـتبــال طـاهر
-بقلمي:- جوانا الأمين

جوناياتي علقو بين الفقرات
حتى اشوف تفاعلكم الحلو و انشر بالتزام
و ما اتاخر عليكم اذا اشوف التفاعل مو حلو
اتاخر ..

لا تنسو متابعي حسابي الواتباد و تفاعلكم بالبارت التصويت و تعاليقكم الحلوة بين الفقرات فضلا و ليس امرا حتى ما اتاخر بالبارتات ..

اعتذر عن التاخير
بس بده دوامي و دوام الجامعات . تعرفون اني جامعيه و جانت عطله و نومتي كلها مخربطه . مع ذلك هم جان عندي ظرف بالبيت اعتذر مره ثانيه 💙

البارت جان المفروض ينشر البارحه بس صارتلي مشكله مكدرت اكتب 🙏💙

__

لحظات جانت مثل لقطه فلم فجاه صار كلشي
ما عرفت شسوي لزگتَ روحيِ بـ زاوية الغرفه و دموعي تصب من عيوني الموقف ابد ما جان سهل .

فور ما ذبيت السكين من ايدي كعدت بالكاع
و ايدي ترجف زحفت اليمة و هزيته حيل
-كوم حارث كوم مابيك شي هو سكين كوم

حجيتها بصوت مرجف و متقطع
عمتي منتهية ما تعرف شسوي بس تصيح
لزمت إيدة باردة حيل بجيت و كمت

فجاه انگلب البيت گلاب و طلعتنا مصيبه
حارث ما توقعت بيوم هيج راح يكون كدامي
فاقد متاذي منتهي

عبالك بفلم رعب الغرفه ظلمة بس ضوه خافت مفتوح و صياح عمتي وحيده تون على ابنها الي بحضنها .

موقف ابد مو سهل كدامي جان الدم ما يوكف يجري بغزاره مثل المي

دخلو خالد و ايوب و عمي ياسر للغرفة ، عاط خالد وهو يركض على حارث يهز بي يصيح ايوب طلع من الغرفه حتى يحجي للبقيه .

عمي يريد احد يحجي شصار عمتي ما تحجي تبجي متخبله على حارث خالد باوعلي وهو يصيح
-شبي حارث فهموني شنو هالدم