اختبال طاهر

طاهر:-13

﷽

-اخـتبــال طـاهر
-بقلمي:- جوانا الأمين

هلا عمري رجائاً علقوا بين الفقرات ✨

___

سيلين :-

مر كم يوم على وجودي بهذا البيت ليدهر مكابل اخو و يسولف وياه رغم فاقد
و ليل ما اشوفها دائما حابسه روحها بالغرفه
و ما ترضى تفتحلي الباب ولا تحجي وياي ..

فرحت لان فاهر من جاب الدكتور فحص
دهر و كال قريبا راح يصحى لان علاجه جاي يستجيبه .
كل يوم بليل افز و اروح اشوفه بس انقهر من اشوفه بعد فاقد .

دخلت المطبخ احضر الريوك المساعده كلش حبابه و لطيفه اثفقت وياها عليه الطبخ و عليها التنظيف بس قررت احجي ويا طاهر حتى يخليها تروح و اني اهتم بالبيت

طبخت برياني لحم و بيض مگلي كلش احبه وياه كملته و خليته على نار هادئه حتى يهدئ .

اخذت التلفون و اتصلت على ابسل اشوف ليدهر وصلهم لو لا
ليدهر من نوع اعرفه و واثقه بي يطلع و يروح رغم صغره بس يعرف يتصرف فما اقلق علي لان هو من عمره خمس سنين بالشارع مو هسه احجي احبسه بالبيت بحجه اخاف عليك لو شي اخوي و اعرفه .

تفأجات من كام يصيح علي ابسل و يغلط على ليدهر سد آلخط بوجهي ما فهمت شو وضعهم هالاثنين .

سمعت صوت المساعده تصيح خفت و ركضت نحو صوت صراخها لكيتها بالحديقه
عثرت بالكراج كمت على حيلي و لحكت عليها انفتح الباب راد يدخل الحارس اثر صياح المساعدة بس شافني راساً طلع

شفتها تباوع على الحديقة و تبجي بهسترية
اقتربت منها و أشوف شبيها

شهقت من لكيت دجاجة مذبوحه و ماكول منها لحمها مطشر و الدم تارس العشب صاير لونه مو اخضر اسود من عفن الدم و يابس
علي

لعبت نفسي كلش من المنظر غطيت وجهه المساعده

مبين من فتره مذبوحه هالدجاج بس ليش و شنو السبب سحبت المساعده وياي ما انكر شنو السبب و من شده خوفي ردت اتخبل بس تحملت

دخلت المساعده للمطبخ غسلت وجهه احاجيها و اطمئنها ماكو شي لان محلو منظهرها جان و الريحه عفنه كلش .

اخذت صايتي و حجابي لبستهم ،
طلعت للحارس الي يم الباب طاهر حطلنا حارس واحد يم الباب للاحتياط يعني بس ابد ما يدخل علينا

دكيت الباب بخفه ثواني و اجه صوته يحجي بـ احترام
-تفضلي خوية شنو الي صار ليش المساعده جانت تصرخ