اختبال طاهر

طاهر:-15

﷽

-اخـتبــال طـاهر
-بقلمي:- جوانا الأمين

هلا عمري رجائاً علقوا بين الفقرات ✨
كلش مهم التعليق بين الفقرات حتى القصه تصعد .

علقوا بين الفقرات ؟
ليش ما تعلقون!!
اكثر من الف مشاهده
و بس ١٣٠ تصويت على كل بارت؟
ليش اعرف مقصره وياكم بس قسماً بالله مو بيدي

فضلا علقوا بين الفقرات فضلاً 🙏🙏

__

بين المنـايا و الحنايا
أحببتك ،
و في أشد سبايا الليل
أحببتك ،
آياا فاتن الخطايا
فانا مازلت أحبك ..
و كيف لا يبارغ الحب بنا
و انت كنت تبارع في سحق حبنا .
و اقول مرة اخرى بين المنايا و الحنايا
احببتك .

- شهد الامين

___

لـيل .

وگفت كبال بيت الوحيد انتظر خالد يكمل حديثه ويا طاهر حتى يدخلني للبيت بصفتي مساعده الشغاله اريج دقايق و اجه باوعلي بـ ابتسامة عفوية

-خالد: هاي انتي ليل الي لاعبه طوبه بطاهر اخر شي طلعتي شبر ونص

-رحمه للاهلك عوف الشبر ونص دخلني

بعدني ما كملت حچي انفتح الباب و طلع منها رجال خمسيني باوعلي بغرابه و خالد تحمم اشر بيده عليه

-الشغاله الجديدة اسمها فريحه
الرجال باوعلي من جوه ليفوك بنظرات باردة و عدم اهتمام كأنما يفحصني حتى ركز على اصابعي و رجع باوع بعيوني

صعقني خالد من كال

-وهذا استاذ رافد

باوعلته بصدمة و اتسعت عيني الرجال الي كبالي ابوي غصّه ببلعومي صارت كوه حجيت
-مرحبا استاذ

هز راسه ببرود و راح باوعت على ظهره وهو ديتجهه للسيارة
دموعي تساقطت واني جاي اشوف ابوي من بعد سنين طويله اخر مره شفته من جنت كلش صغيره ولا اتذكر منه شي

غصيت بالبجي و كوه تماسكت ما اطلع صوت ربت على جتفي خالد يواسيني بس والله حقدته اكثر على التكبر هذا شلون شايله اصبرلي رافد اذا ما ندمتك اني بيدي و اخذ حقنا

دخلت للبيت و كالعاده مثل بيت عمي مسلم بس هذا ارقى و اكبر و أفخم و السيارات بالسره واكفه كل وحده تكول للثانيه اني احلا منج اني اقوى منج