البارت "9"
حور دق جوالها ردت:هدي هي هند تدق هلا هند.... وشهوو.... حتى انتي ولدك مو معك
كلهم شقهو:اجل وينهم فييه؟؟
حور تنهدت:اسمعي حتى حنا ما لغينا حتوم والبنات يقولون سلوم مو عندهم يمكن نسيناهم في الشاليه .....ايه منرجع انتي خليك احنا اذا لغيناه جبناه معنا .....ياختي هدي ان شاء الله مافيهم الا العافيه
ابو فهد:بدق على مشاري وسطام هم الاقرب لشاليه
::بسيارة مشاري ::
مشاري:هلا يبه ايششش؟؟ سلوم مو موجود .....هاه حتى حتوم وعلوش .....طيب يبه خلاص برجع اشوف لهم .....طيب شوي وادق عليك وقفل
عزام:ايش صاير ؟
مشاري اخد الدوار ورجع :يقولون سلوم وحتوم وعلوش ماهم معهم الظاهر نسوهم في الشاليه
هايف يضرب راسه على خفيف:يووه وربي شفتهم يلعبون وراء الشاليه
مشاري وعزام لفو له بغضب
عزام ضربه على راسه:وليه ما تكلمت من بدري؟
هايف:فكرتهم انتبهو لهم وخدوهم ما توقعت انهم نسوهم
مشاري طلع جواله:الله يسامحك مفروض تنبهنا طيب عشان ناخذهم
هايف:اقول لك ما انتبهت حسبتهم اخذوهم
عزام:شوف سطام رجع معنا تلاقيهم دقو عليه
مشاري يكلم:هايف يقول شافهم.....يمه الله يهديك شلي ترجعين.....خلاص احنا مناخدهم معنا لاتخافين مو صاير له شي ان شاء الله ..... خلاص انتظري عندك مو ترجعين وحنا جاين لكم .....ان شاء الله خلاص
وقف
هايف نزل:تعالو شوفوه باقي بمكانهم
عزام نزل:سلوم شتسوي هنا
سلوم جالس على الارض ويحفر:العب
سطام نزل:هاه لقيتوهم
مشاري:تعال شوفهم
سطام جاء:يالله كلهم تراب كيف بركبهم معي
مشاري شال سلوم:ما معك الا خير خد اخوك
سطام شال حتوم:مين بياخد علوش
عزام شاله:بناخده معنا ونوصله
:::سيارة ابو يزن:::
هند تبكي من قلب:انا احسبه مع حتوم
ام يزن:خلاص هدي الحين بيدقون علينا ويطمنونا عليه
هند:ابغى ولدي يا ابو يزن ارجع له
ابو يزن:خلاص يا هند الحين مشاري بيدق ويطمئنها
دق جوال ابو يزن:هاه بشر
مشاري:لا تخاف هم معنا لقيناهم وراء الشاليهات يلعبون
ابو يزن بارتياح:الحمدلله هند يقول لقاهم وهو معه الحين
هند لفت له:هاه وينهم ولدي يجيبونه لي ابي امسكه عندي
ابو يزن:اقول مشاري انا بنتظرك عند سبر ماركت ال... وباخد علوش امه تبيه
مشاري:خلاص حتى ابوي وعمي ابو فهد ينتظرونا هناك يبون عيالهم
ابو يزن:تمام نتطرك وقفل منه
::سيارة ابو يامن ::
ابو يامن قفل من سطام
الجده مهره:اقول ابو يامن شعندك كل شوي وداق خاف يكون احد صار له شي
ابو يامن ابتسم:لا يمه ولا شي
ام يامن:صدقتك الا في شي واضح من وجهك قبل شوي لما دق ابو مشاري عليك شصار ؟
وفاء تقراء رسايل البنات:ماما سلوم وعلوش وحتوم نسوهم في الشاليه تخيلي
الجده مهره بخوف:بسم الله على احفادي كيف نسوهم امهاتهم
ام يامن:من جدك انتي كيف ينسونهم ؟
وفاء:ريم تقول ان سلوم ركبوه ورا معهم وهي نزلته تحسبه قدام مع خالتي وخالتي والبنات يحسبونه ورا مع ريم وحتوم يحسبونه مع عمتي وعمتي تحسبه معهم وهند تحسب ولدها مع حتوم ولما دقت تطمن عليها لقتهم حتى هم مضيعين حتوم
الجده مهره:الله يسترنا كيف ما ينتبهون ان عيالهم مو معاهم
ابو يامن:لا تخافون توي مكلم سطام ويقول خداهم هو ومشاري والحين بيودنهم عند امهاتهم
ام يامن:الحمدلله
الجده مهره:الله يهديهم البنات كل وحده تتكل على الثانيه وما ينتبهون ان عيالهم مو معهم
أنت تقرأ
رواية يا ديرتي حنا لك وانتي لنا معشوقتن وعاشقين
General Fictionالسلاام عليكم يا حلوين كيفكم بعد تفكير طويل قررت انشر اول روايه لي.... والي تتكلم عن حياة الديره لبنات عمات وعمان وعائلتهم الروايه اغلبها ضحك وكوميديه يعني مستحيل تلاقين فيها حزن ودراما الا دراما بريالين الصراحه انا وحده تحب توسع صدرها وتضحك قلت ي...
