رواية يا ديرتي حنا لك وانتي لنا معشوقتن وعاشقين

البارت "18"

                 البارت "18"

::::الواجهه البحريه:::

نزلو من السيارات وتجمعو قدام سيارة ابو الوليد يتكلمون

البندري:وووواااووو الجوو يجنن
العنود ابتسمت:مو قلت لك جو الواجهه بيكون يجنن
عبير تتلفت لكل جهه:تجنن تجنن ما الومكم لما تحبونها
لمى:اسمعو ما دامنا وصلنا لازم نفل ام امها
ساره:افا توصين حريص انتي
نجلاء:انا ما بترك مكان هنا ينمشي فيه الا وامشي فيه
ايلاف:نبي نشوف الاماكن الجديده
حور:الجسر الي بنوه يوصل بين البحر نبي نمشي عليه
سهى:ايه شفته مستحيل اطلع من الواجهه الا اذا مشيت عليه
البندري:وينه هو
ولاء:عند البحر برويكم بعدين
ايان:ايه ولاء ورتيني مقطع له بالليل تجنن الاضواء حقته
ولاء:ايه يجنن بالليل
وعد:لحضه اي مقطع ما شفته
ايلاف:الي ارسلته ولاء انتي الوحيد من بيننا للحين ما فتحتي القروب تشوفينه
سهى تفتح جوالها:تعالي شوفيه
وعد تشوف:واااااااا وااااا ابقى اروحو الحين الحين
العنود:اصبري بالليل نروحه
لمى:هو ترينا مغرب يعني نقدر نروحوه
ساره:لا ما نبي الحين صبرو على ٨ كذا نروحه
ام مشاري:بنات تعالو نزلو معنا الاقراض
حور:ابشري خالتي 

نزلو الاقراض ووصلوها للمكان الي بيجلسو فيه

ساره تتلفت يمين يسار قدام وراا:خيير ليه نجلس هنا بنص لاحنا قريبين من البحر ولا حنا قريبين من الطريق العام ولا قريبين من الكوفهات والألعاب
الجده عمشه:نبي البزران ما يقتربون من الاماكن الخطره
لمى:طيب احنا نبي بجنب البحر نبي الكوفهات والالعاب
نجمه لفت لهم:طيب عادي روحوها انتم منتم بزارين نخاف تضيعون ولا يصير لكم شي
حور:صح صادقه احنا مسموح لنا
ام مشاري تمد الفرشه حقتهم:ايه بس مو معنتها تاخدو راحتكم وتبتعدون مره
العنود:ان شاء الله يمه

وصلو شلة ريم ومدو لهم فرشه وجلسو ومعاهم كل شي يحتاجنه ماخدين عدتهم
شوي ويجون البنات الكبار ومعهم فرشه ومدوها لهم
وام ماجد مدت فرشه للبزارين يجلسون عليها

العنود ناظرتهم:وحنا نبي لنا جلسه لوحدنا
هند طالعتهم:احد قال لا تجلسون لوحدكم
البندري:ووين الفرشه حقتنا ؟
ام ديما:احنا ندري عنكم مو المفروض تجيبون لكم
سهى:مع الاسف ما خطر ببالنا نجيب
ام نايف:والله مشكلتكم
شهد:من الحين اقول لكم فرشتنا تووب مالكم مكان
ريم بصراخ:وحنا مانبيكم ما تشرفونا
ساره:اقول بقلعتكم محد يبي معكم وعع ميتين حنا على الجلسه معكم
ايلاف:والله طردونا طرده محترمه ما معنى غير الحريم ولا فرشة البزران
وعد:لا والله على اخر عمري اجلس مع بزارين
ديالا من فرشة البزران:مانبيكم لا تجونا
ولاء بضحكه:ههههه حتى البزارين طردونا
نجلاء:اقول امشو حنا اصلا مارح نجلس منتمشى
ساره:وانتي الصادقه قايز يله نروح نفر الواجهه
ولاء:ايه صح تعالو بوريكم شي جديد فتحوه
العنود:قدام
ام اسامه بصراخ:لا تبعدون عنا كثير
وعد:ان شاء الله خالتي