رواية يا ديرتي حنا لك وانتي لنا معشوقتن وعاشقين

البارت "17"

                    البارت "17"

::::بيت ابو ضاري:::

المها وامها كانو جالسين بصاله

المها تذكرت:يمه تري بنت اختك ذي مارح اسكت لها فشلتنا قدام البنات
ام ضاري تنهدت:والله داريه ان السبب الي خلا البنات يروحون بدري هي قولي لي شسوت بالبنات ؟وش دخل ضاري قالت لهم شي عن ضاري ؟
المها انصدمت:هاه شعرفك يمه من قال لك
ام ضاري تنهدت:اقول لك اسمعي بيني وبينك يا بنتي ما ابي احد يدري خلاص
المها مستغربه:شنو هو يمه قولي ؟
ام ضاري:امس الليل قبل يروحون البنات كنت رايحه المستودع بأخد قرض منه ومريت من الحوش كان في ثنتين عند الباب يتكلمون ولابسين عبايه وسمعتهم يقولون .......تقول لها الي سمعت (روبين:هل كان احد منكم متوقع انها هي من كانت تسمعهم و مصدومه ^_^)
المها ابتسمت:افهم من كلامك ان الي سمعتيهم يتكلمو هم العنود وحور
ام ضاري:الي تبكي عشان ضاري ايه متأكده انها العنود لان الي معها قالت اسمها بس الي معها ماني متأكده هي حور ولا لا بس اتوقع هي تعرفين اقرب ثنتين للعنود هم حور وساره ما دام مو ساره فهي حور
المها:يمه شوفي الي تبكي عشان ضاري انا برضه اأكد لك انها العنود لان اكتشفت هي تحبه مع اني بصراحه مدري ايش لاقيه في اخوي
ام ضاري ابتسمت:وش زينه ولدي ما لومها لما حبته
المها:ايه عززي له المفروض نحمد ربنا لقينا وحده تناظر بوجه اخوي الا شرايك يمه ليه ما نخطبها لأخوي
ام ضاري:والله ياليت بس اخاف ضاري ما يبيها ونحطم قلب البنت والبنت طيبه ومحبوبه للكل والله اني احبها واعزها هي بدات وكم تمنيت تكون من نصيب ولدي
المها:يمه ابصم لك بالعشره ولدك يحبها ومتيم فيها وقلي المها ما قالت
ام ضاري:انتي شدراك ؟
المها ضحكت:هههه امس دخلت عندهم بالغرفه كان عامر ماسكه طقطقه على العنود وانا متأكده عامر عارف انه اخوها يحبها فعشان كذا ما سككه طقطقه
ام ضاري:كان زين يحبها انا من اول وانا ابيها لولدي بس كنت خايفه ترفضه مثل ما رفضت الي قبله
المها ابتسمت:بس الحين احنا نعرف ليه كانت ترفض خطابها لانها تحب ولدك من قرادة حضها
ام ضاري:الا ما قلتي لي ايش قالت لهم هيفاء
المها تذكرت انقهرت:تقول لهم ضاري يحب لمياء بنت عمتي وعمتها ويموت فيها بعد ولا غير كذا طلعت اشاعه ان ضاري خاطبها
ضاري وعامر دخلو على كلمة ضاري خاطبها
عامر يجلس:من دي الي تبون تخطبونها لضاري و تبلونها مسكينه
ضاري يجلس معهم:اقول انت اسكت من حسن حضها اني فكرت بخطبها مع اني مدري من تكون واقول لكم من الحين انا ما ابي اتزوج حاليا
المها ابتسمت تغمز لامها:لا ما قلنا بنخطب لك انا كنت اقول لامي ايش قالت هيفاء للبنات امس وخصصت العنود بدات مدري ليه
ضاري ناظرها
امها ناظرتها بمعنى شناويه عليه
عامر مستغرب:وش قالت؟
المها بقهر:تخيل مطلع اشاعه عن ضاري تقول انه يموت في لمياء ومو بس كذا خاطبها بعد
ضاري انصدم وقف بعصبيه:خيييييير انا احب مين لمياء وخاطبها بعد لا لا لا يمه بنت اختك دي زودتها مرره والله ما اسكت لها
ام ضاري تهديه:ضاري اهدئ شوي لفت للمها واعطتها نظره بمعنى اعجبك الحين
ضاري مقهور ومعصب ضرب الطاوله بيده بقهر:شلون تبيني اهدئ دي تطلع علي اشاعات وتكذب وتبيني اهدئ
المها خافت ما توقعت رح يعصب بذا الشكل:اهدئ طيب خلني اكمل لك تراني وضحت للبنات
ضاري معصبه:وان كنتي وضحتي لهم انا ما رح اسكت لها
عامر يجلسه:اقول اسمع ايش تقول اختك قبل وبعدين سوي الي تبي
ضاري جلس ووهو مقهور وويهز رجله بقهر:المها لا تقولين لي العنود صدقتها بس؟
المها لفت لأمها ابتسمت:يعني بالبدايه حسيتهم زعلانين هي والبنات علينا ضن منهم ان مانبي نقول لهم عن خطبتك ولما حاولت فيهم يقولون ايش فيهم قالت لي ساره.....وقالت انها وضحت لهم ان ضاري مستحيل ياخد لمياء بس ماقلت انها هي تبي تخطب له طالبته
ضاري معصبه:متأكده صدقوك انا مو خاطبها ولا احبها
المها:صدقني صدقوني بعدين تعرف ابوها الي هو زوج عمتك ما يطيقك يعني مستحيل كان يوافق لو خطبتها
ضاري بقهر:وعساه ما يطيقني لو اخر بنت بهالدنيا ما خديتها
عامر:متفهم ليه معصب بس هدئ لا تفشلنا قدام عمتي
المها:اقول لك ارتح ليندا تولت هيفاء وبردت قلب البنات وبتبرد قلبك لو تدري شسوت فيها
عامر لف لها:ليندوه ما غيرها اخت عزام شسوت فيها
المها قالت لهم 
ام ضاري وضاري وعامر:ههههههههههههههههههههههه
ههههههههههههه
عامر :ههههههههههه والله تعجبني هالنتفه
ام ضاري ابتسمت:وهي صادقه اختها حلو ماهي بشينه
ضاري ابتسمت:كان قلتي لي من البدايه وريحتيني بردت خاطري هاليندا
المها:تصدق وقتها ودي ابوس راس ليندا صدق لقالو تربية العنود
ام ضاري لفت لضاري:ضاري شرايك اخطب لك ننهي الاشاعه الي مطلعينها عليك لمياء وهيفاء ونسكتهم
ضاري وقف يتهرب:يمه قلت لكم ما ابي اخطب الحين
المها:وان قلت لك بنخطب لك بنت جيرانا والي هي طالبتك
ضاري وقف منصدم ناظرها بمعنى شلون عرفتي؟
ام ضاري مستغربه:مين طالبته ذي؟
المها:ومين غيرها العنود
ضاري رجع جلس بهتمام
عامر ضحك:ههههه مو توك تقول ما تبي تخطب الحين وتبي تتهرب ايش غير رايك ولا من سمعت العنود تراجعت
ضاري:اقول قم الكلام ذا مو للبزارين
عامر:بزارين بعينك ان شاء الله انا بجلس غصب عنك
ضاري تجاهله لف لامه:يمه تبين الصراحه انا ابيها بس اخاف ترفضني مثل ما رفضت الي قبلي
المها:في ذي اضمن...
ام ضاري قاطعتها:ليه تحكم قبل تجرب انت جرب حضك وان كان الله كاتبها من نصيبك بتكون لك
ضاري فكر لمدة داقائق ثم تنهد:شوفي يمه انا بجرب حضي وبخطبها بس لو وافقت لو وافقت ما يمديني اسوي زواجنا الحين
ام ضاري:ليه؟
ضاري تنهد:يمه انا الحين احضر كبديل عن دكتور يعني باي وقت بينقلوني لمدينه ثانيه ويمكن تكون بعيده فلو سويت زواجي الحين مارح اقدر اخذها معي هي تدرس وتعرفين النقل من جامعه لجامعه صعب جدا خاصه انها مع اخر سنه لها يعني ممكن تضطر تأجل ترم عشان النقل واهي على مشارف التخرج يعني لو انتظرها تتخرج واسوي زواجي بعد تخرجها يكون افضل   لي ولها
المها تفكر:في ذي بأيدك
عامر:بس انت تعرف انهم اذا انخطبت البنت عندهم اقل شي خمس شهور تجلس ويسون زواجها
ضاري:وهذا الي شايل همه انا ما ابي اخطبها الحين واخاف ان تأخرت تروح مني البنت
المها:لا تخاف ال....
مقاطعه للمره الثاني من ام ضاري:اسمعني زين انت اخطبها وابو مشاري يعرفك زين ومتفهم راح يوافق اذا قلت له خطبه وبس تتخرج بسوي الزواج
ضاري:هذا رائيك يمه؟
ام ضاري:ايه من رائيي بادر واخطب والي يكتبه ربك يصير
ابو ضاري دخل:السلام عليكم
الكل:و عليك السلام
ابو ضاري:اشوف عندكم موضوع مهم
عامر:ايه يبه ولدك ذا يبي يخطب
ابو ضاري ابتسم:خير وبركه انا بصراحه ابي اخطب لك بنت ابو مشاري الكبيره
المها ضحكت:ههههه يبه انت بعد حاط عينك عليها تبيها لولدك الظاهر مو بس محبوبه عند عائلتها بس حتى عندنا
ابو ضاري استغرب:ليه مين حاط عينه عليها؟
عامر ضحك فضح ضاري:امي وبنتك وولدك بعد حاط عينه عليها من البدايه يبيها تصدق قالت له امي بخطب لك وكان يتهرب بس قالت له نبي نخطب لك العنود رجع وتراجع عن التهرب
ضاري اعطاه نظره
ابو ضاري ضحك:ههههههه والله خير من اخترتو البنت سنعه وبنت اجاود حتى انت عامر ترا من الحين اقول لك مارح اخطبلك الي منهم شد حيلك من الحين خلك رجال يقبلون فيك
عامر ضحك:هههههه يبه صبر خلني ادخل الجامعه واتخرج واتوظف وبعدين انا بعد بخطب قبل لا اقول لك
المها ناظرته بنص عين بهمس ما يسمعه الا ضاري وعامر :خل البنت الي انت حاط عينك عليها تطيقك اول بعدين فكر تاخدها
ابو ضاري:حتى انت بعد حاط عينك عليهم 
عامر ابتسم:اكيد مو ضاري احسن مني انا بعد ابي منهم
ضاري بهمس:انت خل البنت تطيقك على قولت المها البنت تكرهك من تشوف وجهك تتضارب معك
عامر بثقه:ما عليك صح اني انا وياها دايم نتضارب ونتخاصم بس انا احبها وهي اكييد تحبني بس تكابر
المها ناظرته مصدومه:من وين جايب الثقه العميه دي؟
عامر ابتسم:من نفسي
ضاري تجاهلهم لف لابوه بتردد:يبه انا اذا خطبت ما يمديني اسوي زواجي الا بعد سنه
ابو ضاري انصدم:ليه يعني تبي تمسك البنت ولا تسوي الزواج لا ذا مو مقبول عندنا
ضاري :يبه خلني افهمك ضاري يشرحه له
ابو ضاري تنهد:بس اخاف ابو مشاري يزعل تعرف ما يحبون بناتهم ينخطبون ويطولون ما يسون الزواج يخافون يمسكونهم وبنهايه يتركونهم
ضاري:بس انا غير هم يعرفوني زين مستحيل اخطبها واتركها بنهايه
ابو ضاري:طيب نكلم ابو مشاري ونشوف رده والي كاتبه ربي يصير
ضاري ارتاح انه قدر يقنع ابوه