رواية يا ديرتي حنا لك وانتي لنا معشوقتن وعاشقين

البارت "32"

                  البارت "32"

::يوم السفره::

الكل متجه لبيت الخال مطلق مكان التجمع يتركو سياراتهم هناك ويركبو الباص
كان البعض قد وصل والبعض للحين باقي

نجلاء نزلت تجر شنطتها تركض:وين بااااصااانااا
البندري تركض:خالي مطلق اي واحد هو باصنا ؟
الخال مطلق ياشر:هذاك باصكم
ساره تتمشى بين الباصات:اقول خالي ما تلاحظ انكم معطينا باص صغير وانتم ماخدين باص كبير
ابو يامن ناظرها:انتي من جدك يا اختي وين الفرق بينهم احجامهم وطولهم متساوي وكلها من نفس الشركه
ساره مو مقتنعه:مدري بس احساسي يقول انكم معطيينا واحد صغير
ابو يزن:وانا اخوك خلي احساسك لك 
ايان ضحكت:ههههه اعطاك خالي من الاخر
ساره زعلت:يرضيك الحين ياخوي فشلتني ؟
الوليد سمع كلامها ناظرهم:مين مفشل زوجتي مارح يسلم مني؟
ابو يزن ضحك بمزح:ههههه ماهو انا لا تناظرني تراه ابو يامن
ابو يامن ناظره:اافااا برتجعها براسي انا وهو انت الي مفشلها
ام يامن ناظرت ام يزن:شوفي زوجك عيني عينك يرجعها براس زوجي ؟
ام يزن بدفاع:وهو صادق حتى زوجك مفشلها تري ماهو زوجي بس
حور ضحكت:ههههه الظاهر حتى الزوجات بيتضاربو
شهد ناظرتهم:اسكتو لا يسمعونكم وتنقلب هواش بينهم صدق
الوليد لف لساره:مارح اصدق الا سويرتي هاه سويرتي مين مفشلك منهم؟
ساره ابتسمت:ولا احد انا مزودتها ما عليك اخواني مستحيل يفشلون اختهم الصغيره
الوليد ضحك:ههههههه دام هذا كلام سويرتي بسامحكم
ابو يامن وابو يزن ضحكو عليه
العنود لفت لابوها:يبه متى نمشي ؟
ابو مشاري ناظر ساعته:انتظري يوصلون الكل
العنود:مين باقي غير اهل منيه وسحر؟
ابو ضاري:ابو نادر واهله للحين ما وصلو
العنود تأشر:عمي شوفهم هناك توهم وصلو
ضاري ناظر العنود الي تسحب شنطتها معها:اقول عنودتي هاتي شنطتك اوصلها لك
العنود ابتسمت:ما يحتاج بسحبها من اوصل لعزام هو يشيلها ويركبها
ضاري سحب الشنطه ومسك العنود:تعالي بس انا اوصلها لك
العنود مشت معه

ايلاف نزلت ركض:خالي مطلق وين باصنا؟
الخال مطلق ضحك:هذاك هو بشويش لا تطيحين
ايلاف وقفت:طيب شناطكم وين حطيتوها ؟
ابو مشاري يأشر لها:روحي وانا خالك عند عزام يركبها لك مع باقي الشناط
ايلاف:تمام وراحت لجهة باصهم:عزام
عزام لف لصوت ابتسم:هلااا
ايلاف ردت الابتسامه:وين حاطين الشناط خالي قال اعطيك شنطتي تركبها
عزام فتح باب المكان المخصص لشناط:هات شنطتك اركبها
ايلاف ترفعها له:انتظر بجيب شنطة امي وفيروس
عزام ضحك:هههههه وانتي للحين صامله على فيروس مارح تغيريه
ايلاف:يب ولا اضني بغيره
وصلهم عساف شايل شنطة امه وفروس:هاك عزام ركب الشنطتين
عزام شالها وركبها
ولاء مرتهم:ايلاف تعالي فاتك فعاليات ريم وشلتها
ايلاف لفت وركضت لها:عسى وش من فعاليات معهم؟
ولاء تضحك مكمله طريقها ونظرها على ايلاف:مشغلين اغاني ويرقصون من الوناسه صكت بشي وطاحت على الارض:اييي راسسي
ايلاف صرخت:ولاااء الشناط انتبهي بتطيح فوقك
كلهم لفو على صراخها
ولاء انتبهت لشناط الي كانت فوق بعض والظاهر هي صدمتها والشناط طاحت فوقها رفعت يديها قدامها لعلها تقدر تمسك الشناط او تحمي نفسها من ان تسقط عليها
مازن رمى شنطته وركض لها بحركه سريعه حاوط خصر ولاء بيده وشالها واليد الثانيه مسك الشناط يمنعها تطيح عليها رجع الوراء بسرعه مبعد عن الشناط الي طاحت بالارض وولاء سلمت
ام اسامه واسامه وام نادر والخال طارق ركضو لهم
عساف وعزام وصلوهم بحكم انهم الاقرب لهم
مازن نزل ولاء
ايلاف مسكت ولاء تهزها:ولااء انتي بخير فييك شي جاك شي
ولاء تهز راسها:لا انا بخير بس مازن الظاهر الشناط لحقت يده
مازن ابتسم يخبي يده:ما وصلتها ولا صار لي شي
عساف بشك:متأكد ؟؟
مازن ابتسم:يبب متأكد
عساف ما اقتنع
وصلو الاربع
ام اسامه بخوف:ولاء بنتي صار لك شي تعورتي لحقتك الشنط؟
ولاء ابتسمت تطمئنها:لا يمه مافيني شي
طارق ابتسم:والله انك كفو مازن عليك سرعة بديهه ما شاء الله
مازن ضحك:هههه مو سرعة بديهه انا كنت قريب من الاساس
اسامه ناظره ببتسامه:مشكور لولاك كان دُفنت الشناط اختي وماتت مخنوق ولا كسرت رقبتها الشناط
ام نادر بخوف:اسم الله على البنت اقول مازن يمه صار لك شي انت؟
مازن:لا يمه مافيني شي لا تخافين
عزام بعصبيه:هااايف بعقلك انت ليه مجمع الشناط ما دخلتها انت والي معك؟
هايف:انا شدخلني هزئ ثامر وماجد اهم الي قال ركمها فوق بعض
ماجد ناظرهم:وحنا شدرانا ان احد بيصدمها؟
ثامر:وش كثرها وكبرها شلون ما انتبهتو لها؟؟
ايلاف عصبت:ما كنا مركزين وحنا شدرانا ان في اغبياء رح يركمو شناط بذا الحجم فوق بعض
عزام ناظر ثامر بعصبيه:تراكم انتم الغلطانين ماهم هم قلنا ركبو الشناط مو ركموها فوق بعض
ابو باسم وقف عندهم بعصبيه ياشر:ركبو الشناط انت وياها بسرعه لا اشوفها مركمه فوق بعض
ثامر وماجد بسرعه:ان شاء الله الحين نركبها
ام اسامه:تعالو بنات خلونا نرجع للحريم
وقفو البنات واتجهو مع ام نادر وام اسامه للحريم
ولاء لفت نظرها لمازن مو مقتنعه بكلامه وانه ما جاه شي
مازن انتبه لنظراتها وهو فاهمها ابتسم حرك راسه بمعنى الي تفكرين فيه غلط
عساف انتبه لنظراتهم
ولاء انحرجت لفت بسرعه وكملت طريقها
بعد ما راحو
عساف لف لمازن وسحب يده:اشوف يدك ليه مخبيها ؟
مازن متألم:عساف بشويش عليها
عساف رفع اكمام البلوزه انصدم من شاف اثار ضربه قويه بمعصمه:يعني لحقت يدك فعلا
طارق ناظره انصدم:وساكت ليه ؟
مازن ابتسم:ماهي بخطيره ولا هي كسر او التواء عادي بسيطه ما كنت ابي امي تشيل هم ولا ولاء تحمل نفسها الذنب
اسامه يسحبه:تعال نشوف لها علاج عند ابو علاء اكيد عنده اسعافات بحكم انه دكتور
عساف ابتسم:بترك مسؤليته عليك اسامه
اسامه اشر بيده:اتركه لي ما عليك
مازن ناظرهم:بزر انا تتحملو مسؤليتي؟
اسامه يسحبه:وانت صادق كنك بزر لو ما عساف انتبه كان للحين محد درى عن يديك بعدين انا برضه بحمل نفسي الدنب لانك تلقيت الضربه دي بسبب انقادك لاختي
مازن تنهد ومشى معه هو عارف اسامه عنيد ولا رح يسمع كلامه
وصلو ابو علاء الي كان مع ابو تمارا زوج شهد وابو نالا زوج رشا وابو رسيل زوج نجمه وابو تالا زوج جواهر
اسامه:ابو علاء عندك اسعافات له ياشر على مازن
ابو علاء بخوف:جاك شي ؟؟
مازن:وربي مافيني شي بس اسامه مزودها
اسامه سحبه ورفع يده لابو علاء:شوف كل هذا ويقول انا مزودها ؟؟
ابو رسيل مصدوم:كل هذا وتقول مافيك شي ؟؟
مازن بأصرار:بسيطه هي ما تحتاج لاي اسعافات
ابو علاء اشر لهم:جيبه اسامه قال بسيطه قال ترا حتى الخدش اذا استهنت فيه ممكن يأدي لامراض لا تعد ولا تحصى الشي البسيط اذا ما اهتميت له يمكن تتعرض لألتهابات خطيره
مازن همس:غلطتي اني ناقشت دكتور ولقمت محاضره منه
ابو علاء ناظره بنص عين:سمعتك تراا
مازن ضحك:هههههه امزح والله ما قصدي شي
وقفو عند سيارة ابو علاء وطلع اسعافات اوليه وعالج معصم مازن
ابو علاء:خلصت خد المرهم دا معك بين فتره وفتره حط منه لين تروح اثار الضربه
مازن كان بيرفض بس ابو علاء ما اعطاه فرصه حط المرهم بداخل جيبه:لا تنسى الي وصيتك عليه
مازن تنهد:ان شاء الله دكتور
اسامه ضحك عليه
هند وقفت مستغربه:شفيكم متجمعين عند السياره؟
مازن نزل اكمام بلوزته لاجل ما تنتبه له خاف يوصل الخبر لامه وولاء لو انتبهت هند
ابو علاء فهم حركته:ولا شي بس بغينا شنطة الاسعافات الاوليه ناخدها معنا ممكن نحتاجها
هند:والله فكره صدق ممكن نحتاجها
ابو علاء:الا انتي شفيك رجعتي لسياره؟
هند تذكرت:ايه بغيت اسألك وين ننة هاني ولدنا ما شفتها؟ مشغلني من جيت يصيح فيه نوم وانت عارف ما ينام الي بننه
ابو علاء فتح سيارته يدور:والله ما شفتها انتي متأكده خديتيها؟
هند:ايو الله متأكده هي كانت معه لما وصلنا
ابو علاء:سألتي علوش يمكن هو شالها؟
هند:ايوه سألته ولا يدري وينها فيه
اسامه:الننه الي لونها ابيض عليها رسومات بلون ازرق؟
هند لفت له:ايوه هي شلون تعرفها؟؟
اسامه ضحك:شفتها مع قمر بنت خالتي عرفت انها مو لها لاني اعرف حقتها
قمر طلعت عليهم تردد:عمووو
ابو علاء ضحك نزل لمستواها:هلا بحبيبة عمها تعالي قمر وين ننة ولدي هاه
قمر ما فهمت عليه بس من شافته يفتح يدينه لها ركضت له عشان يشيلها
هند انقهرت:هالحين وين بلاقيها واسكت هاني؟
مازن:يمكن تكون مع خالتي ام قمر اسأليها عنها
هند:انت الصادق بروح اشوف لها هات قمر اوصلها لها تلاقيها تدورها لان ماشين
ابو علاء:يعني وصل الكل؟
هند:ايوه كلهم وصلو روحو اركبو ولا تنسى شنطة الاسعاف
ابو علاء:ان شاء الله
رجعت هند للبنات
مازن ناظر ابو علاء:مشكور
ابو علاء ابتسم:العفو بس المره الثانيه انتبه لا تخوفهم عليك
مازن:ان شاء الله
اسامه:مشينا نركب
اتجهو كلهم للباص وركبو
بعد ما تأكدو ان الكل ركب وما بقى احد تحرك الباص