In Our Own World

Part 6

အခန်း (၆)

"မာရှူး!"

- လမ်းထဲမှပြေးထွက်လာသော မက်သရူးတစ်ယောက် လူသံကြား၍ ခေါင်းငုံ့ပြီးပြေးနေရာမှ အသံလာရာဆီသို့ လှမ်းကြည့်လိုက်သည်။

- "ဆောင်းဟန်ဘင်း..." မက်သရူးစိတ်ထဲကနေ ဟန်ဘင်း​၏ နာမည်ကို ရေရွတ်လိုက်မိသည်။

- ဒီချိန်ကြီး ဒီကောင် ဒီနေရာမှာ ဘာလာလုပ်နေတာလဲဟူ၍လည်း တဆက်တည်းဆိုသလိုပင် တွေးမိသွားသည်။

- ထို့နောက် သူတွန်းလှဲခဲ့သော အနောက်တွင် ကျန်ခဲ့သည့် လူများအား လှမ်းကြည့်လိုက်ရာ မက်သရူး နောက်သို့ ဒေါသတကြီး ပြေးလိုက်လာကြသည်ကို တွေ့လိုက်ရလေသည်။

- မက်သရူးလည်း ပြေးနေသော အရှိန်ကိုတင်ပြီး ဟန်ဘင်းအနားရောက်သောအခါ ဟန်ဘင်း​၏လက်တစ်ဖက်ကို လှမ်းဆွဲ၍ သူနှင့်အတူပြေးစေတော့သည်။

-------------------------------------------------

"မာရှူး! ဘာလို့ပြေးနေတာလဲ"

-ဘုမသိ ဘမသိနှင့် ယောရောင်ကာ လိုက်ပြေးနေရသော ဟန်ဘင်း​၏အမေးကို မက်သရူးက

"မသေချင်ပြေး!!!!"
"ပြီးတော့ ငါ့နာမည် မာရှူးမဟုတ်ဘူး မက်သရူးပါလို့ မင်းကိုငါဘယ်နှစ်ခါပြောရမလဲ"

- ပြေးလွှားနေရင်းနဲ့မှ သူ့ကိုရန်ပြန်လုပ်နေသေးသော မက်သရူးကို သဘောကျကာ ရယ်မောလိုက်သည်။

- အနောက်ကလူများကို သတိရ၍ လှည့်ကြည့်လိုက်တော့ သူတို့နှစ်ယောက်နှင့် သိပ်မဝေးသော အကွာအဝေးတွင်ရှိနေသည်ကို မြင်လိုက်ရ​၏။

-  ထို့ကြောင့် ဟန်ဘင်းလည်း မက်သရူး​၏လက်ကို ပို၍ တင်းကျပ်စွာ ကိုင်ကာ ရှေ့မှဦးဆောင်ပြီး အသားကုန်ပြေးလေတော့သည်။

- နောက်မှပြေးလိုက်နေသော လူစုအား မျက်ခြေဖြတ်နိုင်သော နေရာသို့ရောက်သောအခါ  နှစ်ယောက်သား ပြေးနေရင်းနှင့် မှ ရပ်လိုက်ကြသည်။

- သူတို့နှစ်ယောက်​၏ လက်များကတော့ တွဲလျက်သားပင်။
---------------------------------------------------

- မောနေသောကြောင့် တစ်ယောက်ကိုတစ်ယောက် တော်တော်နှင့် စကားမပြောမိ။