إيـقَاعْ

بدَايتيّ

ترسم راحة لاچن انتَ

...

مامرتاح!

-

أسمي ليث ، اعيش بهاي الدنيا الواسعة وبأرض الله اعيش بدنيا غريبه وبناس أغرب مايهم شكلي لأن ماراح يتغير شي وما يهم المكان اللي چنت أعيش بيه وين بالضبط بس الشي المهم إني عراقي وجنت أعيش بالعراق بس هسه لا

حالياً راح اهاجر واخيراً اگدر اگول راح افتگ من گلشي مزعج ومن جميع الأزعاج اللي مريت بيه ما اعرف شنو راح يصير بيه بعد هذا الشي بس المهم عندي آمل بأن الله ماراح يعوفني والله كريم

الشيء الثاني اللي لازم الكل يعرفه
بأنِ إنسان غريب وإني نفسي اگول لنفسي إني إنسان غريب ، حرفياً ما أعرف أتصرف مثل البشر أبداً !!

وحظي يمكن اگدر اگول لنفسي راح أخذ جائزة الأكسار! مدري أوكسار؟ مدري شيسمونها هذيچ اللي ينطونها الأي أحد يكسر الرقم القياسي . واني كسرته كأخيس حظ عند أغرب بشري بتاريخ البشريه !

المهم من كل هذا اكو شي يحمس غير من توگف متاني الطيارة حتى تسافر لأول مره؟ عن نفسي ما شوف اكو وإني حيل متحمس حتى أبدي حياتي اللي بس الله يدري بيها شنو !

بالنسبة لهوايه ناس راح تفرح وتطفر وتشتري وتجيب لهذي السفره بس إني لأن مجبور وبنفس اللحظه لا اگدر اگول تغير لوضعي الحالي ماجبت أي شي وياي غير نفسي الهلكانه من المرضى اللي چنت أعيش وياهم

قاطع تفكيري صوت رجال مدري بنت ، حرفياً يمكن اني فضائي؟ لأن ما أعرف أميز أصوات الإناث والذكور احسهم كلهم بشر ومايهم اي شي! لا اكو هوايه فرق بس أني مدري شبيه ، الله يعيني على نفسي وعقلي ، نطق هذا الصوت بطريقة روبوتيه مابيها مشاعر

" اعزائي المسافرين يرجى الأستعداد لبدء الرحلة حان الآن موعد اقلاع الطائرة المتوجهة إلى المملكة العربية السعودية فلتستعدوا ونتمنى لكم سفرةً هنيئة "

سفرة هنيئة؟ شني هاي تنوكل تنشرب؟أني ما أعرف معنى هنيئة لأن ماجربتها بحياتي ولا حسيت بيها لا حياة هنيئة ولا طفوله هنيئة ولا مراهقه هنيئة ولا السفره هاي هنيئة ، واثق مليون بالميه ماراح اتهنى بيها !

بعدين أني ليش حلبت كلمة هنيئة؟

المهم تجاهلت كلشي وبسرعه رهيبه ركضت للطيارة حتى ماتروح وتعوفني
وبهيج كلشي ماراح يتغير والحمدلله
ماچنت بعيد عنها أصلاً وگدرت اوصل وأسوي كل الإجراءات اللي المفروض أسويها حتى أصعد بيها وبس خلصت صعدت الحمدلله وبس گعدت صاح صوت رجال اتوقع يگول راح ننطلق وهيچ ، وصدگ بثواني تحركت الطيارة وطارت بالجو !! وااووو طرنا

صاحبي الوحيد بهاي السفره الجنطه مالتي الحلوه ، هوه مدري شلحلاه اللي بيها بس هيچ أحاول أونس روحي وأكيد تليفوني اللي يصيح أرحمني لأن شكله حتى أني أشفقت عليه ومدري شوضعي أشفق على تليفون بس والله يكسر الخاطر ، مابيه شي سليم الجامه مكسره ومفطره بطريقه تحسها مستحيل يشتغل
بس هو من قدرة القادر يشتغل وصاحي الحمدلله