إيـقَاعْ

مَدْرَسَةِ

لاحسبالك بكل ديرة ألك شراي

....

تره تراب الوطن بس بالوطن غالي

ــــــ

حالياً واگف گدام باب المدرسه متردد بين ادخل إلها وبين اني أطلع وارجع لشقتي ،حسيت نفسي طالب ابتدائي اول مره يداوم مدرسه والصراحه اني كذلك اول مره ادخل مدرسه وما اعرف شسوي

حسيت نفسي غريب ومو بشري يعني اكو واحد اول مره يدخل للمدرسه وگبل يروح لأخر سنه؟ اي هذا اني للأسف رفعت الأوراق اللي بيدي وناظرتها بأرتباك ،اتمنى ميحسون بشي وانلگف،
قبل چنت ادرس بالبيت بس فَـ اول مره ادخل مدرسه بحياتي كلها ،وياريته مكان عادي

يعني مكان مليان طلاب وأشخاص اول مره التقي او اشوفهم والصراحه مرتبك من هذا الشي يعني اني من النوع اللي ما احب البشر ولا اتحمل وجودهم يمي يخليني اشك بهوايه اشياء احاول ابتعد عنها ،او يمكن يطلع بيهم جاسوس يراقبني منهم !

وهذا الشي اللي اني خايف منه وياريت مايصير واتوقع لازم اخذ حذري بيها من هاي اللحظه واحاول ما اندمج ويه البقيه افضل الي واريح! تنهدت مره ثانيه وحاولت ابعد ارتباكي واهدي وضعي ورفعت عيني مره ثانيه لباب المدرسه وتنهدت اول فشل سويته هنا

هو اني لبست لبس عادي مثل البنطلون والقميص ،والمفروض اللبس دشداشه مثلهم او مدري شنو يسمونها همَ ،خره عليك إيهاب! بربك گلتله علمني ع مصطلحاتكم بس هو عاند وگلي لا لهجتنه سهله ومن اول يوم تعرفها وبسرعه تندمج ويانا! بربك وينها وين السهله! هو اني قمصله ودشداشه ماعرف شنو معناها عدكم! وبعدين شبيه اكلم إيهاب براسي عبالك گدام وجهي ؟

المهم إيهاب هذا اكبر حيوان بتاريخ الحيوانات! يعني انسان لا اقصد حيوان غبي ومههوس بمصطلحات غبيه وغريبه يحب يناديني بيها ،وهو نفسه السعودي الوحيد اللي اعرفه بهاي الدوله! تعرفت عليه بفورتنايت ،رايح يصير ع تعرفنه خمس شهور تقريباً مشايف وجهه لأن هو المطي يگلي ما اريد اواريك صورتي اخاف تحسدني! ميت عليه الحيوان! بس اني شگد لطيف دزيتله صورتي وشكلي وشگد لزگ بكلامه وشخصيته الزفت وياي! يعني صار يناديني بألقاب اغرب من وجهه! المهم تجاهلت الحيوان إيهاب اللي لازم اتصل عليه بس ارجع واشوفه وين

وحركت رجليني داخل جوه الحمدلله حاطين صور مدرستهم بالگوگل من بحثت وگدرت اعرفها هسه بسرعه لأن شفتها ،مشيت وعيون الطلاب احسها
تمشي وياي! اخيس شعور حرفياً! يعني شنو الحلو من تشوف الناس تباوعلك وتصير انتَ مُلفت حيل هيچ؟ ابد ماكو يعني اكو ناس تحب هذا الشي بس اني لا ،واكرهه هذا الشي حيل! مدري شنو يسمون اللي مايحب الأماكن المليانه بالبشر؟ فبيا؟ لا اتوقع فيوبيا! مدري المهم هاي الكمله مالـ مثقفين واني مو مثقف بطبعي فَـ خلينه نگول خوف ،اي اني اخاف من هاي الأشياء وهذا المهم