اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قراءة ممتعه تجاهلو الاخطاء
11:30ص"
صحيت على صوت المنبه الزق مخرب النومه الحلوه والاحلام الجميله قعدت اشتم تحت انفاسي ابو المنبه الزق وطبعا راح عن بالي اني انا الي عدلته اصلاً ماعلينا يمديني اكمل نومه محد بيخرب
تعوذت من الشيطان وقمت غصب عني اخذت لي شاور عالسريع ولبست الثوب طلعت من البيت متجه للمسجد مشي يارب ما اقابل ذاك الشايب النشبه كرهني عيشتي مالت عليه كل ماشاف وجهي غرقني اسأله مال امها داعي وذكرني بأمي الله يرحمها"
دخلت المسجد خلصت صلاه اخذتلي زاويه اقرا فيها قرآن وبعد ماخلصت طلعت والله يا انها راحهه اشوا مالقيت الشايب العايب ذاك توجهت لشقتي الكئيبه
دخلت وسويت لي شاهي لا تستغربون هذا انا اجي من الشماسي واشرب شاهي واروق في اقل من دقيقه حتى لو الدنيا مسحت بي الارض خلصته بجغمه وحده وتوجهت للسرير الاسطوري وفتحت المكيف على ابرد شي احلى فقره يلبيهه واعطيتها احلى نومه
1:38ص
صحيت واحس جسمي مكسرر واحس بلوعه ببطني قمت وطفيت المكيف ومشيت مسرع للمغسله واتقيأت مع اني مو ماكل شي من الظهر غسلت فمي وشربت مويا ورجعت للغرفه شفت الساعه ياساتر راقد من الظهر لمى حطيت راسي عالفراش احاول ارقد لكن لا حياه لمن تنادي
قمت وحسيت بجوع طلعت مالها حل الا البقاله مشيت للبقاله والطريق خالي وماتنسمع الا اصوات الوزغ مدري وشذي الاصوات جبت الوزغ من راسي صح الطريق يخوف لكن مب عندي ادري اني مهايطي والله لو احد الحين طلع فجأه ونفخ طرت من الخوف
طول الطريق اهوجس في الماضي والحاضر واحاول اتذكر اي لقطه حلوه لكن حرفيا مافيه شي.... الا تذكرت الاندومي وصلت البقاله وشفت الهندي عيونه تغمض وتفتح يحليله رحمته المهم الحين وين الحب حقي
هذا هو لقيته اخذت منه اربع حبات حمر واخذتلي حمضيات اخذت الاغراض ورحت حاسبت عند الهندي مسكين حط يده على جواله يقلك بيحاسب لكن سرعان ما استوعب سألته كم الحساب قلك تصريفه عشان ماينحرج والظاهر ولا همه قال 11عطيته الصرافه الي ماعاد فيها الا 40وحاسب اخذت الاغراض وجيت بطلع لكن صقعت في واحد وطاحت الاغراض اخذت الاغراض وما تعبت نفسي اتكلم او اناضر وجهه والظاهر هو بعد
