رِواية قُصي

صَفعه

قراءة ممتعه
تجاهلو الاخطاء

11:30ص"

صحيت على صوت المنبه اشتم تحت انفاسي

تعوذت من الشيطان وقمت اخذت لي شاور ولبست الثوب طلعت من البيت متجه للمسجد مشي

دخلت المسجد الأمام قده فالركعه الثانيه كبرت وصليت خلصت صلاه واخذت لي زاويه اقرا فيها قرآن حسيت بسكون عجيب المسجد هدوء وبارد جاني نوم بعد خلصت قِراءة

،، قمت طالع من المسجد بطريقي اقرأ اذكاري

دخلت البيت راجع لغرفتي ناظرت بأركان الغرفه بنظرة ملل دخلت غرفتي انسدحت متنهد

ابادل السقف النظرات تهت مع افكاري ولا حسيت بشي حولي غفيت دون احس...

•••:-
صحيت وحاس بجسمي يوجعني ماهو غريب علي هالحال

احس بلوعه
قمت مسرع بخطواتي للمغسله اتقيأت مع اني مو ماكل شي من الظهر مضمضت ومسحت وجهي

وشربت مويا حسيت بعدها بطني يوجعني من الجوع

فكرت اروح البقاله طلعت للبقاله والطريق خالي وماينسمع فيه صوت الحاره انوارها خافته الهواء يلفح وجهي اندمجت مع هالاجواء واحس بأستمتاع

تنهدت ورفعت عيوني الخاليه من اي بريق او حياه للسماء وانعكس عليها نور القمر اخذتني الهواجيس

ماحسيت بنفسي الا وانا عند عتبة باب البقاله دخلت والقيت السلام على العامل بأبتسامه خفيفه اخذت اثنين اندومي وحمضيات...،

وصلت للبيت جهزت الاكل بنفسي واكلت الين حسيت بثقل رحت للبلكونه معي جوالي واناظر للشوارع مسكت الجوال وفتحته وصلتني رساله من يزن

"لا تنسى المشروع الي وصانا عليه الاستاذ"

"يزن قلت لك مالي خلق لهالمشاريع سوه انت وقل سويناه سوا"

"طيب مثلا مثلا لو قلت له انك مالك خلق تشتغل معي"

رسل قُصي الي فعلا ماله خلق سوالف ملصق كلام يتوعد فيه
طفى الجوال متجاهل باقي رسايل يزن

جلس عالكرسي رافع راسي ويتحرك بملل فز لما سمع رنة جواله

سليم:الو وينك يازفت الطين عنا وش نسيتنا ما صرنا نشوف خشتك الا فالمدرسه علامك يولد العيال يهذرون ويسألون عنك

استقبلني صراخ سليم خويي

قُصي:وعليكم السلام، هلا سلومي اعذرني انشغلت مع النقمه ابوي ذي الفتره ولا تفضيت لشي

سمعت صوت جاي من عنده

سيف:ايوهه صادق مره مشغول يامدير الاعمال اقول شرايك تعطينا وجه وتطلع معنا ذي المره

سليم: انت يالمشغول اليوم معنا جمعه فالاستراحه بتجي؟

قُصي:متى

سليم:'بكره عالعصريه

قصي:اذا فضيت يصير خير

قفل الخط قُصي..:'

سمعت صوت مزعج رفعت راسي اشوف شاحنة اثاث متوجه لبيت خويي الي نقلو منه مااهتميت وقمت راجع لغرفتي اكثر شي متحملتني هالفتره

انسدح بطلنا قُصي على السرير بأهمال غافل عن كل الي يصير من وراه كان يحاول انه ينام وفعلا نجح
وماكان يدري باللي ينتظره بوسط نومته صحى وهو يحس بشعور سيئ لكن قُصي كعادته المهمله ما يهمه شي ورجع ونام مره ثاني

ــــــــــــــــــــــــــــــــــــــــ•••

تكلم بعصبيه وارهاق من الموضوع الي شاغل باله

راجح:انا كم مره قلت لك لا تسويها وتورطني معه

:يبه والله مو بأيدي كنت مو في وعيي

راجح:حسبي الله فيك صدق اني ماعرفت اربي

قطع الخط صوت احتكاك قوي بلمح البصر تقلبت السياره وتحرك راجح من مكانه وتناثرت شظايا الزجاج اعتلت الاصوات الي جت بمسامع راجح كصفير قوي مزعج الدم غرق وجهه اثر الحادث الي صار لِ راجح ونسبة نجاته منه واحد بالميه...

end